Yôhan 11:25 - Nau Brah Ndu Ngơi 2023

²⁵ Brah Yêsu lah ma H'Mathê: “Gâp jêng nau dâk rêh tay jêh ri nau rêh. Mbu nơm chroh ma Gâp mra rêh, nđâp tơlah păng khĭt kđôi lĕ.

Bunong Bible Latin Script Cambodian dialect

²⁵ Brah Yêsu lah: “Gâp dja i tơm jan ăn bunuyh dâk rêh, ndrel ma tơm nau rêh, bu moh nsing ma Gâp, bol lah khât kađôi păng mra hôm rêh.

Bunong

²⁵ ឞ្រាស​យេឆូ  ​លាស៖ “គ៝ប់​អ្យា​អី​តើម​ជាន​អ៝ន់​ឞូនុយ្ស​ទ៝ក់​រេស នទ្រែល​មា​តើម​នាវ​រេស ឞូ​ម៝ស​ញឆីង​មា​គ៝ប់ ឞ៝ល​លាស​ខឹត​កាដោយ​ពាង់​មរា​ហោម​រេស។

Yôhan 11:25 Iomraidhean Croise

Nau Mprơ Ơm 36:9

Yorlah tu nau rêh gŭ tâm Kôranh Brah; Ma nau ang May, hên saơ nau ang.

Êsai 26:19

Phung May khĭt mra ăn plơ̆ rêh, Săk jăn khân păng mra plơ̆ dâk! Ơ phung khĭt tâm ndruyh neh, kah rngăl hom jêh ri maak! Yorlah dak ngom May tâm ban ma dak ngom ƀhit rvi ang, Jêh ri neh mra mƀơk lĕ phan bunuyh khĭt.

Êsai 38:16

Ơ Kôranh Brah, bu gŭ rêh jêng yor lĕ nau nây; Huêng gâp gŭ rêh yor nau aơ lĕ! Dăn Kôranh Brah ƀư bah hom gâp Jêh ri mât gâp gŭ rêh.”

Luka 23:43

Brah Yêsu plơ̆ lah: “Nanê̆, Gâp lah ma may, nar aơ may mra gŭ ndrel ma Gâp tâm Parađi.”

Yôhan 1:4

Tâm Păng geh nau rêh, nau rêh nây jêng nau ang ma kon bunuyh.

Yôhan 14:19

Hôm ƀât lât, neh ntu mâu hôm saơ Gâp ôh, ƀiălah khân may mra saơ Gâp. Yorlah Gâp rêh, khân may mra gŭ rêh tâm ban lĕ.

Yôhan 14:6

Brah Yêsu lah: “Gâp jêng trong, nau ngăn jêh ri nau rêh. Lah mâu geh Gâp pôri mâu geh bunuyh dơi hăn tât ta Mbơ̆ ôh

Yôhan 3:16

Yorlah Brah Ndu rŏng hâu ngăn ma neh ntu kŏ tât Păng ăn Kon Dul Păng nơm, gay ăn ma mbu nơm chroh ma Kon Păng nây, mâu rai yot ôh, ƀiălah geh nau rêh n'ho ro.

Yôhan 3:36

Mbu nơm chroh ma Kon dơi geh nau rêh n'ho ro, mbu mâu ŭch chroh ma Kon mâu dơi geh nau rêh ôh, ƀiălah nau Brah Ndu ji nuih hôm gŭ ta klơ bunuyh nây.”

Yôhan 5:21

Tâm ban ma Mbơ̆ ƀư ăn phung khĭt dâk rêh tay pônây lĕ Kon ăn đŏng nau rêh ma mbu nơm Kon ŭch kơt nây lĕ.

Yôhan 5:26

Yorlah nâm bu Mbơ̆ geh nau rêh tâm Păng nơm, pôri Mbơ̆ ăn đŏng ma Kon nau rêh tâm Păng nơm kơt nây lĕ.

Yôhan 6:35

Brah Yêsu lah: “Gâp jêng piăng let nau rêh. Mbu nơm văch ta Gâp, mâu hôm ji ngot ôh, mbu nơm chroh ma Gâp mâu hôm geh ji hir ôh.

Yôhan 6:44

Tơlah Mbơ̆, jêng Nơm hŏ njuăl Gâp, mâu mphâk ôh pôri mâu hôm geh nơm dơi văch ma Gâp, jêh ri Gâp mra ƀư ăn bunuyh nây dâk rêh tay tâm nar nglĕ dŭt.

Kôranh Oh Mon 3:15

Khân may nkhĭt jêh Kôranh nau rêh, ƀiălah Brah Ndu hŏ ƀư ăn Păng dâk rêh tay tă bơh nau khĭt; hên jêng phung mbơh ma nau nây.

Samƀŭt Pôl Njuăl Ăn Ma Phung Nsing Ta Ƀon Rôm 4:17

nâm bu geh nau hŏ nchih jêh: “Gâp hŏ ndâk jêh may jêng mbơ̆ ma âk phung ndŭl mpôl.” Tanăp Brah Ndu, Nơm păng chroh jêh, jêng Nơm ăn nau rêh ma phung khĭt, jêh ri kuăl lĕ ndơ mâu geh tâm ban ma hŏ geh jêh.

Samƀŭt Pôl Njuăl Ăn Ma Phung Nsing Ta Ƀon Rôm 8:2

yorlah nau vay Brah Huêng Ueh nau rêh tâm Brah Yêsu Krist tâm rklaih jêh gâp bơh nau vay nau tih jêh ri nau khĭt.

I Kôrintô 15:18

Pônây, phung khĭt jêh tâm Brah Krist jêng roh rai.

I Kôrintô 15:29

Tơlah mâu di pônây, moh nau kâp gân phung bunuyh dơn nau ƀaptem ntrok an ma phung khĭt? Tơlah phung khĭt mâu hôm dâk rêh tay ôh, mâm ƀư bu dơn ƀaptem ntrok an ma khân păng?

II Kôrintô 4:14

Yorlah hên gĭt ma Nơm hŏ ƀư ăn Kôranh Brah jêng Brah Yêsu dâk rêh tay, mra ƀư ăn hên dâk rêh tay ndrel ma Brah Yêsu lĕ, jêh ri djôt leo hên ndrel ma khân may lăp tâm nau tâm mpơl Păng.

Philip 1:23

Gâp geh nau mpet bar đah: Gâp ŭch luh du jêh ri plơ̆ sĭt gŭ ndrel ma Brah Krist jêng nau ueh lơn âk ngăn.

Philip 3:10

gay ma gâp dơi gĭt năl Păng, nau brah bơh nau Păng dâk rêh tay, dơi tâm pă nau Păng rêh ni, jêh ri plơ̆ jêng tâm ban ma Păng tâm nau păng khĭt;

I Têsalônik 4:14

Yorlah tơlah he chroh ma Brah Yêsu khĭt jêh ri dâk rêh tay, kơt nây đŏng, Brah Ndu mra leo phung bê̆ch jêh tâm Brah Yêsu văch ndrel Păng.

Nau Tâm Mpơl 1:18

jêng Nơm Rêh; Gâp hŏ khĭt, aƀaơ aơ Gâp rêh n'ho ro, djôt keh khuă Nau Khĭt jêh ri Ƀon Phung Khĭt.

Nau Tâm Mpơl 20:5

Phung khĭt ƀaƀă mâu dơi dâk rêh tay ôh kŏ tât nôk du rbăn năm lôch jêh. Aơ jêng nau dâk rêh tay tal nguay.

Nau Tâm Mpơl 21:4

Păng mra jut lĕ dak măt ta măt khân păng. Mâu mra geh nau khĭt ôh, mâu mra hôm geh nau klâng ndrê, nhĭm nhhiăng, mâu lah nau nđêh nji đŏng; yorlah lĕ nau tal nguay lĕ rlau lôch jêh.”

Nau Tâm Mpơl 22:1

Nôk nây tông mpăr ntĭm ma gâp saơ dak krong nau rêh, rsang nâm bu lŭ ang, luh bơh sưng hađăch Brah Ndu jêh ri sưng hađăch Kon Biăp,

Nau Tâm Mpơl 22:17

Brah Huêng Ueh jêh ri Ƀăn lah ndrel: “Văch hom!” Mbu nơm tăng lah đŏng: “Văch hom!” Mbu nơm ji hir, văch hom! Mbu nơm ŭch, văch hom jêh ri sŏk dơn dak nau rêh ăn dơm dam.