Yôhan 10:28 - Nau Brah Ndu Ngơi 2023

²⁸ Gâp ăn ma khân păng nau rêh n'ho ro, khân păng mâu mra roh rai ôh, jêh ri mâu geh nơm pit sŏk khân păng bơh ti Gâp.

Bunong Bible Latin Script Cambodian dialect

²⁸ Gâp ăn khân păng nau rêh n'ho ro, khân păng mâu ôh mra roh hêng, mâu đŏng geh du huê dơi pit khân păng bơh ti Gâp.

Bunong

²⁸ គ៝ប់​អ៝ន់​ខាន់​ពាង់​នាវ​រេស​នហ៝​រ៝ ខាន់​ពាង់​មោ​អោស​មរា​រ៝ស​ហេង មោ​ដ៝ង់​គែស​ទូ​ហ្វេ​ទើយ​ពីត​ខាន់​ពាង់​ឞើស​តី​គ៝ប់។

Yôhan 10:28 Iomraidhean Croise

Ndrom Samƀŭt bơh Yôp 17:9

Ƀiălah bunuyh sŏng srăng djôt nâp trong khân păng hăn, Bunuyh geh bar đah ti kloh rsang lơ nar lơ hâu dăng lơn.

Nau Mprơ Ơm 31:5

Gâp jao huêng gâp tâm ti Kôranh Brah; Ơ Brah Yêhôva jêng Brah Ndu nanê̆ ngăn, May hŏ chuai gâp jêh.

Nau Mprơ Ơm 37:28

Yorlah Brah Yêhôva rŏng ma nau di, Mâu chalơi ôh phung kloh ueh Păng. Bunuyh sŏng srăng Păng mât mray n'ho ro. Bi noi deh phung mhĭk mra rai lôch.

Nau Hôr 24:16

Yorlah bunuyh sŏng srăng nđâp lah păng cha lôt pơh tơ̆ hôm dơi dâk đŏng, Bi ma phung djơh mhĭk mra ngâm tâm nau mhĭk.

Nau Hôr 4:18

Ƀiălah trong phung sŏng srăng ang nâm bu nar nchrat ang, Nau ang lơ hâu kŏ tât nar nklang bôk.

Êsai 27:3

“Gâp yơh, Brah Yêhôva jêng Nơm mât mray păng, Djrah dak ma păng ƀaƀơ. Gâp mât mray păng, nar jêh ri măng, Klach bu ƀư mhĭk ma păng.

Êsai 45:17

Bi Israel, Brah Yêhôva mra tâm rklaih, Ma nau tâm rklaih n'ho ro; Kŏ tât n'ho ro, Khân may mâu mra bêk mâu lah uh ah ôh!

Êsai 54:17

Lĕ rngôch ndơ tâm lơh bu ƀư gay tâm rdâng đah may mâu dơi jêng ôh; May mra phat dôih ma lĕ mpiăt phong may. Aơ jêng drăp ndơn ma phung oh mon Brah Yêhôva, Jêh ri Gâp yơh ăn nau sŏng srăng ma khân păng.” Brah Yêhôva lah kơt nĕ.

Êsai 55:3

Nkêng hom tôr khân may jêh ri văch hom ma Gâp; Gŭ iăt hom Gâp gay ma huêng khân may dơi rêh. Gâp mra ăn ma khân may nau tâm rnglăp n'ho ro, Jêng nau rŏng răp jăp Gâp ăn ma Y-Đavit.

Yêrêmi 23:4

Gâp mra dơm phung rmăk biăp gay chiăp leo khân păng jêh ri khân păng mâu hôm klach, mâu lĕ rdja klach krit đŏng ôh, jêh ri mâu mra nhhơt roh du mlâm biăp lĕ,” Brah Yêhôva lah pônây.

Yêrêmi 31:3

Ntơm bơh ngai Brah Yêhôva hŏ tâm mpơl jêh ma gâp jêh ri lah: “Gâp hŏ rŏng jêh ma may ma nau rŏng n'ho ro Yor nây sŏk nuih n'hâm ueh n'hoch tât ma may.

Yêrêmi 31:34

Khân păng mâu mra sâm nti ôh ma nơm chiau meng mâu lah oh nâu păng pô aơ: ‘Gĭt năl hom Brah Yêhôva,’ yorlah lĕ rngôch khân păng gĭt năl Gâp da dê, ntơm bơh nơm jê̆ lơn tât ma nơm toyh lơn,” Brah Yêhôva lah: “Yorlah Gâp mra yô̆ an nau djơh mhĭk khân păng jêh ri mâu hôm kah gĭt ma nau tih khân păng đŏng.”

Yêrêmi 32:40

Gâp mra ndâk ma khân păng du nau tâm rnglăp n'ho ro: Gâp mâu chalơi khân păng ôh jêh ri mâu rlu ăn nau ueh ma khân păng. Gâp mra dơm nau klach yơk ma Gâp tâm nuih n'hâm khân păng gay ma khân păng mâu chalơi Gâp đŏng ôh.

Markôs 13:22

Lĕ bunuyh nklă amoh Brah Krist jêh ri phung nơm mbơh lor nklă mra mpơl; khân păng ƀư lĕ nau mbên khlay, nau khlay toyh ngăn gay lah dơi ƀư, khân păng ndơm nđâp ma phung hŏ săch jêh.

Luka 23:46

Brah Yêsu nter dŭt dăng ngăn pô aơ: “Hơi Mbơ̆, Gâp jao huêng Gâp tâm ti Mbơ̆!” Păng ngơi lôch, Păng tăch n'hâm.

Yôhan 10:29

Mbơ̆ Gâp, Nơm dŭt toyh lơn ma lĕ nơm êng, hŏ ăn jêh biăp nây ma Gâp, jêh ri mâu hôm geh nơm êng dơi sŏk ntŭng khân păng bơh ti Mbơ̆ Gâp ôh.

Yôhan 11:25

Brah Yêsu lah ma H'Mathê: “Gâp jêng nau dâk rêh tay jêh ri nau rêh. Mbu nơm chroh ma Gâp mra rêh, nđâp tơlah păng khĭt kđôi lĕ.

Yôhan 14:19

Hôm ƀât lât, neh ntu mâu hôm saơ Gâp ôh, ƀiălah khân may mra saơ Gâp. Yorlah Gâp rêh, khân may mra gŭ rêh tâm ban lĕ.

Yôhan 17:2

Yorlah Mbơ̆ hŏ ăn jêh ma Kon nau dơi lơn lĕ rngôch nglay săk, gay ăn nau rêh n'ho ro ma lĕ rngôch đơ phung Mbơ̆ ăn jêh ma Kon.

Yôhan 18:9

Nau nây tât di ngăn nau Păng hŏ lah jêh: “Kon mâu ƀư roh du huê ôh tâm phung bunuyh Mbơ̆ ăn jêh ma Kon.”

Yôhan 3:36

Mbu nơm chroh ma Kon dơi geh nau rêh n'ho ro, mbu mâu ŭch chroh ma Kon mâu dơi geh nau rêh ôh, ƀiălah nau Brah Ndu ji nuih hôm gŭ ta klơ bunuyh nây.”

Yôhan 4:14

ƀiălah mbu nơm nhêt dak Gâp mra ăn, mâu hôm ji hir đŏng ôh. Dak Gâp ăn mra plơ̆ jêng tu dak tâm bunuyh nây, bêng ler tât nau rêh n'ho ro.”

Yôhan 5:24

Nanê̆ ngăn, Gâp lah nanê̆ ngăn ma khân may, mbu nơm iăt nau Gâp ngơi jêh ri chroh Nơm hŏ njuăl Gâp, păng geh nau rêh n'ho ro jêh ri mâu geh ôh nau phat dôih, ƀiălah rgăn bơh nau khĭt gay hăn lăp tâm nau rêh.”

Yôhan 6:27

Lơi ôh pah kan yor ma ndơ sông sa blau ôm, ƀiălah yor ndơ sông sa hôm mro tât nau rêh n'ho ro, jêng ndơ sông sa Kon Bunuyh mra ăn khân may; yor Nơm nây, Brah Ndu jêng Mbơ̆, hŏ tâp pŏng jêh.”

Yôhan 6:37

Lĕ rngôch bunuyh Mbơ̆ Gâp ăn ma Gâp, văch ma Gâp da dê; mbu nơm văch ma Gâp, Gâp mâu mra mƀăr padih ôh.

Yôhan 6:47

Nanê̆ ngăn, Gâp lah ngăn ma khân may, mbu nơm chroh mra geh nau rêh n'ho ro.

Yôhan 6:68

Y-Simôn Pêtrôs plơ̆ lah: “Ơ Kôranh Brah, mbu moh hên mra hăn tĭng? Kôranh Brah geh nau ngơi rêh n'ho ro,

Kôranh Oh Mon 7:59

Dôl khân păng klŭp lŭ, Y-Êtiên mbơh sơm pô aơ: “Ơ Kôranh Brah jêng Brah Yêsu, dăn sŏk dơn huêng gâp.”

Samƀŭt Pôl Njuăl Ăn Ma Phung Nsing Ta Ƀon Rôm 5:17

Tơlah yor nau tih du huê bunuyh, jêh ri bơh bunuyh nây nau khĭt chiă uănh jêh tâm ban lĕ, ăt knŏng yor du huê bunuyh jêng Brah Yêsu Krist, gay ma phung bunuyh dơn rmeh ler nau yô̆ jêh ri ndơ ăn tâm nau sŏng srăng, mra lơ hô chiă uănh tâm nau rêh tâm ban lĕ.

Samƀŭt Pôl Njuăl Ăn Ma Phung Nsing Ta Ƀon Rôm 5:2

Tâm Păng, yor ma chroh he dơi lăp tâm nau yô̆ aơ jêng nau yô̆ tă bơh nĕ he dâk nâp jêh ri răm maak đah nau kâp gân dơi dơn nau chrêk rmah Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 5:21

Pônây, nau tih chiă uănh jêh ma nau khĭt, bi nau yô̆ chiă uănh ma nau sŏng srăng gay djôt leo nau rêh n'ho ro tâm Brah Yêsu Krist, Kôranh Brah he.

Samƀŭt Pôl Njuăl Ăn Ma Phung Nsing Ta Ƀon Rôm 5:9

Pôri aƀaơ he hŏ rnơm mham Păng gay dơi kơp sŏng srăng jêh, nanê̆ he mra rnơm Păng rlau lơn gay geh nau tâm rklaih bơh nau Brah Ndu nuih.

Samƀŭt Pôl Njuăl Ăn Ma Phung Nsing Ta Ƀon Rôm 6:23

Yorlah rnoh nkhôm bơh nau tih jêng nau khĭt, ƀiălah nau Brah Ndu ăn jêng nau rêh n'ho ro tâm Brah Yêsu Krist, Kôranh Brah he.

Samƀŭt Pôl Njuăl Ăn Ma Phung Nsing Ta Ƀon Rôm 8:1

Pôri aƀaơ aơ, mbu nơm gŭ tâm Brah Yêsu Krist mâu mra hôm geh nau tâm rmal ôh;

Samƀŭt Pôl Njuăl Ăn Ma Phung Nsing Ta Ƀon Rôm 8:29

Yorlah phung bunuyh Păng gĭt năl jêh bơh lor, Păng tâm nal jêh ma khân păng plơ̆ jêng tâm ban ma rup Kon Păng, gay ma Kon nây jêng Kon bôk rah ma âk oh nâu.

Nau Vay Nkah Tay 33:3

Kôranh Brah rŏng ma phung ƀon lan Păng, Lĕ rngôch phung kloh ueh gŭ tâm ti Kôranh Brah, Mbah yơk tâm dâng jâng May Gay sŏk dơn nau ngơi May ntĭm nti jêh.

Philip 1:6

Gâp chroh ngăn ma Nơm ntơm kan ueh tâm phung khân may mra ƀư lôch kan nây ma tât nar Brah Yêsu Krist.

II Têsalônik 2:13

Hơi phung oh nâu jêng phung Kôranh Brah rŏng, hên ŭch lah ueh ma Brah Ndu ƀaƀơ ma khân may, yorlah ntơm saơm Brah Ndu săch jêh gay ăn nau tâm rklaih ma khân may, tă nau kloh ueh bơh Brah Huêng Ueh jêh ri nau chroh tâm nau ngăn.

I Timôthê 1:16

Yor nĕ gâp dơn jêh nau yô̆ nđach jêng gay Brah Yêsu Krist tâm mpơl nau srôih n'hêl nanê̆ Păng tâm gâp, jêng nơm tih dak bôk, ăn gâp jêng leo trong ăn phung mra chroh ma Păng gay geh nau rêh n'ho ro.

II Timôthê 1:12

nây yơh jêng nau gâp dơn nau rêh ni. Ƀiălah gâp mâu đit prêng ôh, yorlah gâp gĭt ma mbu Nơm gâp chroh, jêh ri gâp gĭt ngăn ma Nơm nây geh nau brah king n'gang ndơ gâp jao jêh kŏ tât nar nây.

ហេឞ្រើ 7:25

Yor nây lĕ, Păng dơi tâm rklaih ma nau rah vah phung rnơm ma Păng gay hăn dăch Brah Ndu, yorlah Păng gŭ rêh mro mrăng gay mbơh sơm kơl an ma phung nây.

I Pêtrôs 1:5

jêng phung bunuyh yor ma nau chroh dơi geh nau mât mray tă bơh nau brah Brah Ndu, gay dơn nau tâm rklaih jêng nau rơm ndrăp tâm mpơl tâm rnôk nglĕ dŭt!

I Yôhan 1:2

Nau rêh nây tâm mpơl jêh; hên saơ jêh ri mbơh jêh, pôri hên mbơh ma khân may nau rêh n'ho ro ơm gŭ ndrel ma Kôranh Brah Mbơ̆, jêh ri bu mpơl jêh păng ma hên.

I Yôhan 2:19

Khân păng du luh jêh tă bơh nklang phung he, ƀiălah khân păng mâu jêng phung he ôh. Yorlah tơlah khân păng jêng phung he, khân păng mra gŭ ndrel ma he; nau aơ tât jêh gay tâm mpơl rah vah ma lĕ rngôch khân păng mâu jêng phung he ôh.

I Yôhan 2:25

Jêh ri nau rêh n'ho ro jêng nau Păng hŏ ton ăn jêh ma he.

I Yôhan 5:11

Aơ jêng nau mbơh: Brah Ndu ăn jêh nau rêh n'ho ro ma he, jêh ri nau rêh aơ gŭ tâm Kon Păng.

Yuđas 1:1

Y-Yut, oh mon Brah Yêsu Krist jêh ri oh Y-Yakơ, njuăl samƀŭt ma phung geh nau kuăl jêh, geh Brah Ndu jêng Mbơ̆, rŏng, jêh ri geh Brah Yêsu Krist mât mray.

Yuđas 1:21

Mât mray hom khân may nơm tâm nau Brah Ndu rŏng. Gŭ kâp hom nau yô̆ nđach bơh Kôranh Brah he jêng Brah Yêsu Krist gay geh nau rêh n'ho ro.

Yuđas 1:24

Mbơh sơm dăn Nơm geh nau brah djôt prăp khân may bơh nau chêh prah jêh ri ƀư ma khân may dâk tanăp nau chrêk rmah Păng mâu geh têl khap, jêh ri tâm nau răm maak,

I Samuel 2:9

Păng mra mât mray lĕ nhuat jâng phung gŭ răp jăp đah Păng; Bi ma phung mhĭk djơh Păng mra ƀư rai khân păng tâm ntŭk ngo klĕng; Yorlah bunuyh mâu mra dơi ôh đah nau ktang.