Yôhan 10:16 - Nau Brah Ndu Ngơi 2023

¹⁶ Gâp hôm geh đŏng biăp êng mâu gŭ tâm n'gar aơ ôh; Gâp mra njŭn leo khân păng plơ̆ sĭt đŏng. Biăp nây mra tăng bâr Gâp, jêh nây mra knŏng geh du phung biăp jêh ri du huê rmăk dơm.

Bunong Bible Latin Script Cambodian dialect

¹⁶ Gâp hôm geh đŏng be biăp aƀă êng mâu ôh gŭ ta trôm n'gar dja, geh nau khlay lah geh bunuyh i mâu di phung Israel mra jêng phung ƀon lan Gâp đŏng, iăt ma Gâp leo khân păng lăp ta n'gar đŏng. Khân păng i nây mra iăt bŏr mbung Gâp. Lah ndri dâng lĕ khân păng jêng du phung dơm, jêh ri geh du huê dơm đŏng Nơm chiăp.”

Bunong

¹⁶ គ៝ប់​ហោម​គែស​ដ៝ង់​ឞែ​ឞ្យាប់​អាបាៈ​អេង​មោ​អោស​គុ​តា​ត្រោម​ងគារ​អ្យា គែស​នាវ​ខ្លៃ​លាស​គែស​ឞូនុយ្ស​អី​មោ​ទី​ផូង​អីឆ្រាអែល  ​មរា​ជេង​ផូង​ប៝ន​លាន​គ៝ប់​ដ៝ង់ អ្យាត់​មា​គ៝ប់​លែវ​ខាន់​ពាង់​លាប់​តា​ងគារ​ដ៝ង់។ ខាន់​ពាង់​អី​នៃ​មរា​អ្យាត់​ឞ៝រ់​មឞូង​គ៝ប់។ លាស​នទ្រី​ទឹង​លែៈ​ខាន់​ពាង់​ជេង​ទូ​ផូង​ទើម ជេសរី​គែស​ទូ​ហ្វេ​ទើម​ដ៝ង់​នើម  ​ច្យាប់”។

Yôhan 10:16 Iomraidhean Croise

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

Nau Mprơ Ơm 86:9

Lĕ rngôch phung mpôl băl May hŏ rhăk njêng jêh Mra văch yơk mbah tanăp măt May Jêh ri tâm rnê amoh May.

Nơm Nti 12:11

Nau bunuyh blau mĭn nâm bu mplanh mâng loih nơm chiăp; lĕ nau hôr dơi rgum tay nâm bu kđĭn pâng nâp; yor du huê rmăk biăp mbơh jêh.

Êsai 11:10

Tâm nar nây, tơm reh Y-Yêsê mra dâk ta nây ƀư n'ha kơ ma lĕ rngôch phung ƀon lan; lĕ bri dak mra joi tât Păng da dê, jêh ri ntŭk Păng gŭ rlu mra bêng nau chrêk rmah.

Êsai 43:6

Gâp mra lah ma mpeh pa lơ pô aơ: ‘Ăn mƀơk hom!’ Jêh ri lah ma mpeh pa dâng pô aơ: ‘Lơi kuăn prăp ôh!’ Djôt leo hom phung kon bu klâu Gâp plơ̆ sĭt tă bơh ngai, Djôt leo phung kon bu ur Gâp plơ̆ sĭt tă bơh bôl dŭt bri neh;

Êsai 49:6

Păng lah ma gâp pô aơ: “Nau may ƀư oh mon Gâp gay rdâk đŏng phung ndŭl mpôl Yakôb, Jêh ri njŭn phung Israel hôm e plơ̆ sĭt Knŏng jêng nau kan jê̆; Gâp mra ƀư ma may jêng nau ang ma lĕ bri dak, Gay djôt nau gâp tâm rklaih tât ta nglĕ dŭt rplay neh.”

Êsai 52:10

Brah Yêhôva tâm mpơl jêh nting tur kloh ueh Păng Tanăp măt lĕ rngôch bri dak; Lĕ rngôch dŭt bri dŭt neh Saơ da dê nau Brah Ndu he tâm rklaih!

Êsai 56:8

Kôranh Brah jêng Brah Yêhôva, Nơm tâm rƀŭn phung Israel nchah rai pru pra jêh, lah pô aơ: ‘Đơ phung hŏ tâm rƀŭn jêh, Gâp mra tâm rƀŭn phung êng đŏng plơ̆ sĭt ma păng.’”

Êsêkiêl 34:12

Nâm bu du huê rmăk biăp tĭng joi phung biăp păng tâm nar păng gŭ ta nklang phung biăp păng lĕ nchah rai nhhơt, Gâp ăt joi biăp Gâp nâm bu pônây lĕ. Gâp mra tâm rklaih khân păng luh du bơh lĕ rngôch ntŭk khân păng bơh lĕ rngôch ntŭk khân păng hŏ nchah rai nhhơt tâm nar tŭk mbâl ngo klĕng.

Êsêkiêl 34:23

Gâp mra ndâk ta khân păng knŏng du huê rmăk biăp, păng mra mât rong phung nây, jêng Y-Đavit oh mon Gâp. Păng yơh mât rong khân păng, ƀư jêng du huê bunuyh chiăp khân păng.

Êsêkiêl 34:6

Phung biăp Gâp nchah rai nhhơt ta klơ lĕ rngôch nâm jêh ri lĕ rngôch yôk prêh; phung biăp Gâp hăn nsong lam bri neh ntu, mâu geh bunuyh mray, mâu lĕ geh bunuyh tĭng joi.’

Êsêkiêl 37:22

Gâp mra ƀư ăn ma khân păng jêng nguay bri dak tâm neh nây ta klơ lĕ yôk Israel, jêh ri knŏng du huê hađăch mra chiă uănh khân păng. Khân păng mâu mra jêng bar bri dak jêh ri mâu geh tâm pă jêng bar bri hađăch đŏng ôh.

Êsêkiêl 37:24

Oh mon Gâp jêng Y-Đavit mra ƀư hađăch ta klơ khân păng jêh ri lĕ rngôch mra geh knŏng du huê bunuyh chiăp dơm. Khân păng mra chuat tĭng nau vay ƀư bơh Gâp; khân păng mra djôt prăp nau vay dăp Gâp jêh ri tĭng ƀư.

Ndrom Samƀŭt bơh Ôsê 1:10

“Ƀiălah rnoh kơp phung kon sau Israel mra âk nâm bu choih dak mƀŭt, mâu dơi nhueh, mâu lĕ dơi kơp ôh. Ta ntŭk khân păng tăng bu lah: ‘Khân may mâu di phung ƀon lan Gâp,’ mra tăng đŏng: ‘Khân may jêng kon Brah Ndu gŭ rêh mro mrăng.’

Sakari 2:11

Tâm nar nây, âk bri dak mra tâm rnglăp đah Brah Yêhôva, jêh ri mra jêng phung ƀon lan Gâp; Gâp mra gŭ ta nklang khân may.” Nôk nây, khân may mra gĭt Brah Yêhôva ma phung tahan hŏ njuăl jêh gâp hăn văch n'hanh khân may.

Mathay 17:5

Dôl Y-Pêtrôs ngơi, geh du ndâr tŭk ang ral hâu ngăn nkŭm khân păng; jêh ri tă bơh tŭk geh bâr ngơi pô aơ: “Aơ jêng Kon Gâp rŏng ngăn ngên, tâm Păng Gâp geh nau maak ngăn; iăt hom nau Păng!”

Luka 15:8

Mâu lah mbu bu ur geh jât rêl prăk, tơlah roh du rêl, ƀiălah mâu mpoh ŭnh kađen, mâu pih ngih, jêh ri mâu joi nanê̆ ăn tât păng dơi saơ prăk?

Yôhan 10:11

Gâp jêng bunuyh rmăk biăp ueh, bunuyh rmăk biăp ueh jao nau rêh păng nơm ma biăp păng nơm.

Yôhan 10:2

Ƀiălah bunuyh lăp ta mpông n'gar biăp jêng bunuyh rmăk biăp.

Yôhan 10:27

Biăp Gâp tăng bâr Gâp, Gâp gĭt năl khân păng jêh ri khân păng tĭng ndô̆ Gâp.

Yôhan 10:3

Bunuyh gak njrăng pơk mpông jêh ri biăp tăng bâr bunuyh rmăk biăp. Bunuyh rmăk biăp kuăl amoh biăp păng nơm jêh ri njŭn leo luh padih.

Yôhan 10:4

Nôk hŏ njŭn leo jêh biăp luh padih lĕ rngôch, bunuyh rmăk biăp hăn lor panăp, biăp tĭng pakơi, yorlah biăp gĭt năl jêh bâr păng.

Yôhan 10:5

Biăp mâu tĭng bu êng ôh, ƀiălah, khân păng nchuăt yorlah biăp mâu gĭt năl ôh bâr bu êng.”

Yôhan 11:52

mâu di knŏng ma phung ƀon lan nây dơm, ƀiălah gay rgum lĕ phung kon sau Brah Ndu hŏ chah rai pru pra jêng tay du mpôl.

Yôhan 17:20

Ơ Mbơ̆! Kon mâu ôh knŏng mbơh sơm ma phung aơ dơm, ƀiălah Kon mbơh sơm dăn đŏng ma phung bunuyh chroh ma Kon yor nau khân păng ngơi,

Yôhan 6:37

Lĕ rngôch bunuyh Mbơ̆ Gâp ăn ma Gâp, văch ma Gâp da dê; mbu nơm văch ma Gâp, Gâp mâu mra mƀăr padih ôh.

Kôranh Oh Mon 15:14

Mâm Y-Simêôn hŏ nkoch êlor Brah Ndu chop khâl ma mpôl băl phung bu năch, gay ma sŏk luh tă bơh khân păng du phung ƀon lan ma amoh Păng.

Kôranh Oh Mon 18:10

Gâp gŭ ndrel ma may, mâu geh du huê tâm rdâng, ƀư djơh ma may ôh, yorlah Gâp geh âk bunuyh tâm ƀon aơ.”

Kôranh Oh Mon 22:14

Jêh ri păng lah: ‘Brah Ndu phung che he săch jêh may ăn gĭt nau Păng ŭch, ăn saơ Nơm Sŏng Srăng, jêh ri ăn iăt nau tă bơh bâr mbung Păng ngơi.

Samƀŭt Pôl Njuăl Ăn Ma Phung Nsing Ta Ƀon Rôm 11:25

Hơi oh nâu, gâp ŭch ma khân may gĭt rbăng ma nau khlay ndâp aơ, gay ma khân may mâu kơp êng săk khân may nơm jêng blau mĭn, nây jêng: Du kô̆ tâm phung Israel dăng nuih n'hâm gay tât ta rnoh phung bu năch dơi lăp rĭng jêh.

II Têsalônik 2:13

Hơi phung oh nâu jêng phung Kôranh Brah rŏng, hên ŭch lah ueh ma Brah Ndu ƀaƀơ ma khân may, yorlah ntơm saơm Brah Ndu săch jêh gay ăn nau tâm rklaih ma khân may, tă nau kloh ueh bơh Brah Huêng Ueh jêh ri nau chroh tâm nau ngăn.

ហេឞ្រើ 13:20

Dăn Brah Ndu nau đăp mpăn, jêng Nơm bơh mham nau tâm rnglăp n'ho ro jêh ri djôt leo Nơm Rmăk Biăp Toyh jêng Brah Yêsu, Kôranh Brah he, luh tă bơh nau khĭt,

I Pêtrôs 2:10

kăl e ri khân may mâu di jêng du phung ƀon lan ôh, ƀiălah aƀaơ jêng phung ƀon lan Brah Ndu; kăl e ri mâu dơi yô̆ nđach ôh, ƀiălah aƀaơ geh jêh nau yô̆ nđach.

I Pêtrôs 2:25

Yorlah khân may nâm bu biăp hăn nhhơt, ƀiălah aƀaơ khân may plơ̆ sĭt jêh ma Nơm Rmăk Biăp jêh ri ma Kôranh chiă Uănh huêng khân may nơm.

I Pêtrôs 5:4

Jêh ri tơlah Nơm Rmăk Biăp dŭt prêh ta klơ tâm mpơl, khân may mra dơn đon hađăch nau chrêk rmah mâu blau rai ôh.

Nau Tâm Mpơl 3:20

Aơ, Gâp gŭ padih mpông jêh ri goh; tơlah mbu nơm tăng bâr Gâp jêh ri pơk mpông, Gâp mra lăp gŭ ndrel ma bunuyh nây, sông sa ndrel ma păng jêh ri păng ndrel ma Gâp.