Yôhan 1:45 - Nau Brah Ndu Ngơi 2023

⁴⁵ Y-Philip joi Y-Nathanel jêh ri lah: “Hên hŏ mâp jêh Nơm Y-Môis hŏ nchih jêh tâm nau vay, jêh ri lĕ phung nơm mbơh lor geh đŏng nchih tay; nây yơh jêng Brah Yêsu, kon Y-Yôsep, gŭ ta ƀon Nasaret.”

Bunong Bible Latin Script Cambodian dialect

⁴⁵ Philip hăn mbơh nkoch ma Nathanel: “Hên lĕ say i Bunuyh Môsê de lĕ nchih ta samƀŭt Nau Vay kăl e nơh, ndrel ma mpôl bunuyh ntơyh nau ngơi Kôranh Brah lĕ nkoch lor ma Păng kăl e nơh đŏng. Păng rnha Yêsu tă bơh ƀon Nasaret, Păng i kon Yôsep.”

Bunong

⁴⁵ ផីលីប  ​ហាន់​មឞើស​ងក៝ច​មា​នាថានែល  ៖ “ហេន​លែៈ​ឆៃ​អី​ឞូនុយ្ស​មោឆេ  ​ទែ​លែៈ​ញចីស​តា​ឆ៝ម់បុត​នាវ​វៃ​កាល់​អែ​នើស នទ្រែល​មា​មពោល​ឞូនុយ្ស​នតើយ្ស​នាវ​ងើយ​កោរាញ​ឞ្រាស​លែៈ​ងក៝ច​ល៝រ​មា​ពាង់​កាល់​អែ​នើស​ដ៝ង់។ ពាង់​រាញា​យេឆូ  ​តាៈ​ឞើស​ប៝ន​នាឆារែត  ពាង់​អី​ក៝ន​យោឆែប  ”។

Yôhan 1:45 Iomraidhean Croise

Nau Ntơm 22:18

Lĕ rngôch phung ƀon lan klơ neh ntu yor tă noi deh phung kon sau may, mra geh nau ueh uĭn da dê, yorlah may lĕ tông jêh bâr Gâp.’ ”

Nau Ntơm 3:15

Gâp mra ƀư ma may jêh ri bu ur, Noi deh may jêh ri noi deh bu ur tâm rlăng. Păng mra jot nkrâm sôt bôk may, Bi may mra kăp ndơl jâng păng.”

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

Êsai 4:2

Tâm nar nây, nkeh Brah Yêhôva mra jêng ueh jêh ri chrêk rmah; play do tâm bri neh jêng nau hâk răm jêh ri n'hao nuih ma phung Israel hôm klen.

Êsai 53:2

Păng văch ma toyh jêh tanăp Brah Yêhôva tâm ban ma du nkŭr chăt, Tâm ban ma reh luh bơh neh sơh. Păng mâu geh nau ueh ôh mâu lĕ geh nau rnam gay ma he ŭch uănh; Săk jăn Păng mâu geh ueh gay ăn he ŭch rŏng ôh.

Êsai 7:14

Yor nây, Kôranh Brah nơm mra ăn du nau tâm mbên khlay ma khân may: Aơ, du huê bu ur druh mra bă ntreo, deh du huê kon bu klâu jêh ri ntơ amoh kon nây jêng Êmanuel.

Êsai 9:6

Nau dơi Păng chiă uănh ăt hao n'ho ro, Jêh ri nau đăp mpăn mâu mra lôch ôh Ta sưng hađăch Y-Đavit jêh ri ma ƀon bri hađăch Păng, Ƀư ăn nâp jêh ri ăn jŏ jong bri nây Tâm nau di jêh ri nau sŏng srăng, Bơh nar nây tât ƀaƀơ n'ho ro. Nau gơih nđơr tâm Brah Yêhôva ma phung tahan Mra ƀư nau nây!

Mika 5:2

Yor ri, Păng mra jao khân păng Kŏ tât nôk du huê bu ur ji deh hŏ deh jêh, Jêh ri phung oh nâu Păng hôm e mra plơ̆ sĭt ndrel Ma phung kon Israel.

Sakari 6:12

Ăn may lah ma păng pô aơ Brah Yêhôva ma phung tahan lah: ‘Aơ geh du huê bunuyh amoh păng jêng Nkeh Nse mra chăt nse bơh ntŭk păng. Nơm nây mra ndâk ngih Brah Yêhôva.

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Mathay 10:3

Y-Philip jêh ri Y-Ƀartôlômi; Y-Thômas jêh ri Y-Mathiơ, nơm riu pi; Y-Yakơ, kon Y-Alphê, jêh ri Y-Thadê.

Mathay 13:55

Di lĕ Păng jêng kon bu klâu du huê trah si? Di lĕ amoh mê̆ păng H'Mari jêh ri phung oh Păng jêng Y-Yakơ, Y-Yôsep, Y-Simôn, Y-Yuđas?

Mathay 2:23

gŭ tâm ƀon rnha jêng Nasaret. Pônây, nau phung nơm mbơh lor hŏ lah jêh geh nau mbên ngăn: “Bu mra kuăl Păng jêng bunuyh ƀon Nasaret.”

Mathay 21:11

Phung bunuyh plơ̆ lah: “Nây jêng Nơm mbơh lor Yêsu gŭ ta ƀon Nasaret, tâm n'gor Galilê.”

Markôs 14:67

saơ Y-Pêtrôs njâr ŭnh, uănh muh măt păng jêh ri lah: “May gŭ jêh ndrel ma Brah Yêsu, bunuyh Nasaret.”

Markôs 6:3

Mâu di bơh nơm aơ jêng bunuyh trah si, kon bu klâu H'Mari, nâu Y-Yakơ, Y-Yôsê, Y-Yuđas, jêh ri Y-Simôn ƀơh? Mâu di bơh phung oh bu ur păng gŭ ta aơ ndrel he ƀơh?” Jêh ri khân păng chêh prah yor Păng.

Luka 18:37

Bu lah ma păng gĭt Brah Yêsu, bunuyh ƀon Nasaret hăn rgăn ta nây.

Luka 2:4

Yor Y-Yôsep jêng noi deh ngih Y-Đavit, rĭ dĭng tă bơh ƀon Nasaret, n'gor Galilê, hăn ta ƀon Đavit, rnha jêng Ƀêtlêhem, tâm n'gor Yuđa,

Luka 2:48

Nôk mê̆ mbơ̆ saơ Păng, khân păng hih rhâl jêh ri mê̆ Păng lah ma Păng: “Hơi nâu, mâm ƀư may ƀư ma hên nâm nđĕ? Mbơ̆ may jêh ri mê̆ hŏ mĭn rvê joi may!”

Luka 24:27

Jêh nây ntơm tă bơh Y-Môis tât ma lĕ rngôch phung nơm mbơh lor, Păng rblang ma khân păng lĕ nau knŏng ma Păng tâm lĕ Nau Brah Ndu Ngơi.

Luka 24:44

Brah Yêsu lah: “Aơ jêng lĕ nau Gâp hŏ ntăm jêh ma khân may, dôl Gâp hôm gŭ ndrel ma khân may: Lĕ nau bu nchih ma Gâp tâm Nau Vay Y-Môis, tâm lĕ ndrom samƀŭt Mbơh Lor, jêh ri tâm ndrom samƀŭt Nau Mprơ Ơm dơi tât di ngăn.”

Luka 3:23

Brah Yêsu ntơm nau pah kan nôk Păng klăp lah tâm pe jât năm. Tĭng nâm bu mĭn Păng jêng kon Y-Yôsep, Y-Yôsep jêng kon Y-Hêli,

Luka 4:22

Lĕ rngôch mbơh nkoch ueh ma Păng da dê, jêh ri hih rhâl ma lĕ nau ngơi bêng nau yô̆ luh bơh bâr mbung Păng. Khân păng ôp: “Mâu di hĕ bunuyh aơ jêng kon Y-Yôsep?”

Yôhan 1:44

Y-Philip jêng bunuyh ƀon Ƀêtsaiđa, jêng ƀon ndrel ma Y-Andrê jêh ri Y-Pêtrôs.

Yôhan 12:21

Khân păng hăn ta Y-Philip, bunuyh gŭ ta ƀon Ƀêtsaiđa tâm n'gor Galilê, khân păng lah: “Hơi Kôranh, hên ŭch mâp Brah Yêsu.”

Yôhan 14:8

Y-Philip lah: “Ơ Kôranh Brah, ntĭm an Mbơ̆ ma hên ƀă, pôri lĕ găp jêh.”

Yôhan 18:5

Khân păng plơ̆ lah: “Yêsu, bunuyh Nasaret.” Brah Yêsu lah ma: “Gâp aơ!” Yuđas, nơm rlăng ma Păng gŭ ndrel ma khân păng ta nây lĕ.

Yôhan 18:7

Brah Yêsu ôp đŏng: “Mbu khân may joi?” Khân păng plơ̆ lah: “Yêsu, bunuyh Nasaret.”

Yôhan 19:19

Pilat ăn bu nchih du rlat kađar jêh ri pla klơ si tâm rkăng. Tâm rlat kađar geh nchih pô aơ: “YÊSU BUNUYH NASARET, HAĐĂCH PHUNG YUĐA.”

Yôhan 21:2

Y-Simôn Y-Pêtrôs, Y-Thômas bu kuăl jêng Điđim, Y-Nathanel, bunuyh ƀon Kana tâm n'gor Galilê, phung kon bu klâu Y-Sêƀêđê, jêh ri bar hê oh mon êng dôl rgum ndrel.

Yôhan 6:42

Khân păng lah: “Mâu di hĕ bunuyh aơ jêng Brah Yêsu, kon Y-Yôsep? Mê̆ mbơ̆ păng, he gĭt lĕ, mâm ƀư aƀaơ aơ păng lah tay: ‘Gâp hŏ jŭr tă klơ trôk’?”

Yôhan 6:5

Brah Yêsu n'gơr uănh, saơ du phung mpôl bunuyh âk ngăn văch ma Păng, Păng lah ma Y-Philip: “Mbah ntŭk he mra rvăt piăng let, gay ma ăn phung bunuyh aơ sa?”

Yôhan 6:7

Y-Philip ơh: “Bar rhiăng đơniê rvăt piăng let ăt mâu tŏng ôh ma ăp nơm nđâp tơlah tâm pă djê̆ djê̆.”

Kôranh Oh Mon 10:38

mâm nau Brah Ndu hŏ tŏ dak ƀâu kah ma Brah Yêsu, bunuyh ƀon Nasaret ma Brah Huêng Ueh jêh ri nau brah, jêh Păng hăn lam ntŭk ƀư ueh jêh ri ƀư bah lĕ rngôch bunuyh brah mhĭk tŭn jot, yorlah Brah Ndu gŭ ndrel ma Păng.

Kôranh Oh Mon 2:22

Hơi phung Israel, iăt hom nau gâp ngơi aơ: Brah Yêsu bunuyh Nasaret, Nơm Brah Ndu mbơh ăn nanê̆ tanăp khân may ma lĕ kan nau brah, ma nau khlay jêh ri nau mbên khlay. Bơh Păng, Brah Ndu hŏ ƀư lĕ nau nây ta nklang khân may nâm bu khân may hŏ gĭt rah vah jêh.

Kôranh Oh Mon 22:8

Gâp plơ̆ lah: ‘Ơ Kôranh Brah, mbu moh May?’ Păng lah: ‘Gâp jêng Brah Yêsu, bunuyh ƀon Nasaret, may ƀư djơh mhĭk.’

Kôranh Oh Mon 26:9

Nanê̆, lor panăp aơ gâp mĭn jêh joi lĕ rngôch nau tâm rdâng đah amoh Brah Yêsu bunuyh Nasaret.

Kôranh Oh Mon 3:6

Ƀiălah Y-Pêtrôs lah ma păng: “Gâp mâu geh prăk mah ôh, ƀiălah ndơ gâp geh gâp ăn ma may: Tâm amoh Brah Yêsu Krist bunuyh Nasaret, dâk hăn hom jêh ri chuat hăn.”