Yôhan 1:33 - Nau Brah Ndu Ngơi 2023

³³ Gâp mâu gĭt năl Păng, ƀiălah Nơm njuăl gâp ƀư ƀaptem ma dak hŏ lah jêh ma gâp: ‘Nơm may mra saơ Brah Huêng Ueh jŭr drâm klơ, nây jêng Nơm ƀư ƀaptem ma Brah Huêng Ueh.’

Bunong Bible Latin Script Cambodian dialect

³³ Bol lah ntơm nơh gâp mâu ôh gĭt năl Păng i Brah Krist, yơn ma Kôranh Brah nơm tơm đă gâp văch jan ƀăptem yŭk ma dak, Păng lah ma gâp: ‘Bunuyh i may say Brah Huêng Ueh jŭr drŏm gŭ ta Păng, Păng i nây jan ƀăptem ma Brah Huêng Ueh i kloh ueh’.

Bunong

³³ ឞ៝ល​លាស​នតើម​នើស​គ៝ប់​មោ​អោស​គឹត​នាល់​ពាង់​អី​ឞ្រាស​ក្រីស  យើន​មា​កោរាញ​ឞ្រាស​នើម​តើម​ដាៈ​គ៝ប់​វាច់​ជាន​បាប់តែម​យុក​មា​ទាក ពាង់​លាស​មា​គ៝ប់៖ «ឞូនុយ្ស​អី​មៃ​ឆៃ​ឞ្រាស​ហ្វេង​អ្វែស​ជុរ​ទ្រ៝ម់​គុ​តា​ពាង់ ពាង់​អី​នៃ​ជាន​បាប់តែម​មា​ឞ្រាស​ហ្វេង​អ្វែស​អី​ក្ល៝ស​អ្វែស»។

Yôhan 1:33 Iomraidhean Croise

Mathay 3:11

Gâp ƀư ƀaptem ma khân may ma dak gay rmal nau tih; ƀiălah Nơm văch pakơi gâp, nau dơi lơn ma gâp, gâp mâu khư ôh doh rse ntâu jot Păng. Păng mra ƀư ƀaptem ma khân may ma Brah Huêng Ueh jêh ri ma ŭnh.

Luka 3:16

Yor ri, Y-Yôhan plơ̆ lah ma lĕ rngôch bunuyh: “Gâp ƀư ƀaptem ma khân may ma dak; ƀiălah geh Nơm geh nau dơi lơn ma gâp mra văch, gâp mâu khư ôh doh rse ntâu jot Păng. Păng mra ƀư ƀaptem ma khân may ma Brah Huêng Ueh jêh ri ma ŭnh.

Yôhan 1:31

Gâp nơm mâu gĭt năl Păng, ƀiălah gâp hŏ văch jêh ƀư ƀaptem ma dak, gay ma Păng tâm mpơl ăn ma phung Israel.”

Yôhan 14:26

Ƀiălah Nơm Bonh Leng, nâm bu ntĭt Brah Huêng Ueh, Mbơ̆ mra njuăl văch tâm amoh Gâp, Păng mra nti lĕ rngôch ndơ ma khân may, jêh ri nkah ma khân may kah gĭt lĕ rngôch lĕ nau Gâp lah jêh ma khân may.

Yôhan 3:34

Yorlah Nơm Brah Ndu hŏ njuăl văch jêh mbơh knoch nau ngơi Brah Ndu, yorlah Brah Ndu ăn Brah Huêng Ueh ma Păng mâu geh dŭt.

Yôhan 3:5

Brah Yêsu lah: “Nanê̆ ngăn, Gâp lah ngăn ma may: Tơlah du huê bunuyh mâu rnơm ôh ma dak jêh ri ma Brah Huêng Ueh gay deh, mâu dơi lăp tâm ƀon bri hađăch Brah Ndu ôh.

Yôhan 7:39

Păng lah nau aơ nchŏng ma Brah Huêng Ueh, lĕ phung bunuyh chroh ma Păng mra sŏk dơn; yorlah Brah Huêng Ueh ê hŏ jŭr, yorlah Brah Yêsu ê hŏ geh nau tâm rnê.

Kôranh Oh Mon 1:5

Yorlah Y-Yôhan ƀư jêh ƀaptem ma dak, ƀiălah hôm djê̆ nar đŏng, khân may mra dơn nau ƀaptem ma Brah Huêng Ueh.”

Kôranh Oh Mon 2:4

Lĕ rngôch khân păng bêng ma Brah Huêng Ueh, jêh ri ngơi nau bu năch êng êng tĭng nâm Brah Huêng Ueh ăn ma khân păng ngơi.

I Kôrintô 12:13

Yorlah he, nđâp tơlah phung Yuđa, phung Grek, phung dĭk mâu lah phung kon me, lĕ rngôch phung he hŏ dơn nau ƀaptem da dê tâm nguay Brah Huêng Ueh gay ma jêng du săk jăn; lĕ rngôch dơi nhêt tâm nguay Brah Huêng Ueh da dê.