Yôhan 1:14 - Nau Brah Ndu Ngơi 2023

¹⁴ Nau Ngơi hŏ plăch jêng săk jăn bunuyh, gŭ rêh ta nklang he, bêng ma nau yô̆ jêh ri nau ngăn. Phung he hŏ saơ jêh nau chrêk rmah Păng, nanê̆ ngăn jêng nau chrêk rmah Kon Dul văch tă bơh Mbơ̆ Păng.

Bunong Bible Latin Script Cambodian dialect

¹⁴ Rnha Nau Ngơi i nây jêng săk jăn bunuyh, n'ho ma gŭ rêh ndrel bunuyh bân. Hên lĕ say nau chrêk lơp Păng, Păng tă bơh Kôranh Brah nơm i Bơ̆ Păng. Kôranh Brah geh Kon i nây nguai ơ̆ dơm, nau chrêk lơp Kon i nây kuŏng, Păng geh nau ueh dŭt hô ngăn, nau ngơi Păng nau ngơi ngăn nâng neng.

Bunong

¹⁴ រាញា​នាវ​ងើយ​អី​នៃ​ជេង​ឆាក់​ជាន់​ឞូនុយ្ស នហ៝​មា​គុ​រេស​នទ្រែល​ឞូនុយ្ស​ឞ៝ន់។ ហេន​លែៈ​ឆៃ​នាវ​ច្រេក​លើប​ពាង់ ពាង់​តាៈ​ឞើស​កោរាញ​ឞ្រាស​នើម​អី​ឞឹ​ពាង់។ កោរាញ​ឞ្រាស​គែស​ក៝ន​អី​នៃ​ង្វាយ​អឹ​ទើម នាវ​ច្រេក​លើប​ក៝ន​អី​នៃ​ក្វ៝ង់ ពាង់​គែស​នាវ​អ្វែស​ទុត​ហោ​ងាន់ នាវ​ងើយ​ពាង់​នាវ​ងើយ​ងាន់​នឹង​នែង។

Yôhan 1:14 Iomraidhean Croise

Nau Mprơ Ơm 2:7

Gâp mra mbơh nau ntĭnh bơh Brah Yêhôva: Păng lah ma Gâp: “Kon jêng Kon Gâp; Nar aơ Gâp hŏ deh jêh Kon.

Nau Mprơ Ơm 45:2

May ueh lơn ma lĕ rngôch phung bu klâu kon bunuyh; Mbung may bêng ler ma nau yô̆: Yor nây Brah Ndu ăn nau ueh uĭn ma may n'ho ro.

Nau Mprơ Ơm 85:9

Nanê̆ nau Păng tâm rklaih gŭ dăch phung klach yơk ma Păng, Gay ma nau chrêk rmah Păng dơi gŭ tâm n'gor bri he mro.

Êsai 40:5

Aƀaơ, nau chrêk rmah Brah Yêhôva mra tâm mpơl, Jêh ri lĕ rngôch bunuyh mra saơ da dê nau nây, Yorlah Brah Yêhôva hŏ ngơi jêh nau nây.”

Êsai 53:2

Păng văch ma toyh jêh tanăp Brah Yêhôva tâm ban ma du nkŭr chăt, Tâm ban ma reh luh bơh neh sơh. Păng mâu geh nau ueh ôh mâu lĕ geh nau rnam gay ma he ŭch uănh; Săk jăn Păng mâu geh ueh gay ăn he ŭch rŏng ôh.

Êsai 7:14

Yor nây, Kôranh Brah nơm mra ăn du nau tâm mbên khlay ma khân may: Aơ, du huê bu ur druh mra bă ntreo, deh du huê kon bu klâu jêh ri ntơ amoh kon nây jêng Êmanuel.

Êsêkiêl 37:27

Gâp mra gŭ ta nklang khân păng; Gâp mra ƀư Brah Ndu khân păng jêh ri khân păng mra ƀư ƀon lan Gâp.

Mathay 1:16

Y-Yakôp jêng mbơ̆ Y-Yôsep jêng sai H'Mari; H'Mari deh ma Brah Yêsu, kuăl jêng Brah Krist.

Luka 2:11

Yorlah nar aơ ta ƀon Đavit, bu deh jêh ma khân may du huê Nơm Tâm Rklaih jêng Brah Krist, jêng Kôranh Brah.

Luka 2:7

Păng deh kon bu klâu bôk rah, sŏk bok nkŭm kon păng nơm jêh ri n'gân lâng tâm hip gơ̆, yor ntŭk njưh mâu hôm tŏng ntŭk ma khân păng.

Luka 9:32

Y-Pêtrôs jêh ri phung mĭt jiăng păng hâu ngăn ŭch bê̆ch, ƀiălah dôl kah rngăl, khân păng saơ nau chrêk rmah Brah Yêsu jêh ri bar hê bunuyh gŭ ndrel ma Păng.

Yôhan 1:1

Ntơm saơm geh Nau Ngơi, Nau Ngơi gŭ ndrel ma Brah Ndu, jêh ri Nau Ngơi jêng Brah Ndu nơm.

Yôhan 11:40

Brah Yêsu lŏ lah: “Gâp mâu hŏ mâp lah ma ay hĕ, lah ay chroh mra saơ nau chrêk rmah Brah Ndu?”

Yôhan 14:6

Brah Yêsu lah: “Gâp jêng trong, nau ngăn jêh ri nau rêh. Lah mâu geh Gâp pôri mâu geh bunuyh dơi hăn tât ta Mbơ̆ ôh

Yôhan 14:9

Brah Yêsu lah: “Hơi Y-Philip, Gâp gŭ ndrel ma khân may hŏ jŏ jêh, ƀiălah khân may mâu gĭt năl Gâp! Mbu nơm hŏ saơ Gâp jêng saơ jêh Mbơ̆. Mâm ƀư may lah: ‘Ntĭm Mbơ̆ ma hên ƀă’?

Yôhan 17:22

Kon ăn jêh ma khân păng nau chrêk rmah Mbơ̆ ăn jêh ma Kon, gay ma khân păng jêng nguay tâm ban ma He jêng nguay.

Yôhan 17:24

Ơ Mbơ̆, Kon ŭch lĕ rngôch phung Mbơ̆ hŏ ăn jêh ma Kon gŭ ndrel ma Kon ta ntŭk Kon gŭ, pônây khân păng dơi n'gơr uănh nau chrêk rmah Mbơ̆ ăn jêh ma Kon, yorlah Mbơ̆ hŏ rŏng jêh ma Kon êlor nau rhăk njêng neh ntu.

Yôhan 18:37

Pilat lah đŏng: “Pôri may ƀơh jêng hađăch?” Brah Yêsu plơ̆ lah: “Ngăn may nơm lah Gâp jêng hađăch. Aơ jêng mâm nau bu deh ma Gâp, mâm nau Gâp văch ta neh ntu aơ: Nây jêng gay ma mbơh nkoch nau ngăn. Mbu nơm jêng bunuyh gŭ tâm nau ngăn, nơm nây iăt nau Gâp ngơi.”

Yôhan 2:11

Aơ jêng nau mbên khlay tal nguay Brah Yêsu ƀư jêh ta ƀon Kana, tâm n'gor Galilê, jêh ri tâm mpơl nau chrêk rmah Păng nơm, rĭ dĭng phung oh mon chroh ma Păng.

Yôhan 3:16

Yorlah Brah Ndu rŏng hâu ngăn ma neh ntu kŏ tât Păng ăn Kon Dul Păng nơm, gay ăn ma mbu nơm chroh ma Kon Păng nây, mâu rai yot ôh, ƀiălah geh nau rêh n'ho ro.

Yôhan 3:18

Mbu nơm chroh ma Kon nây, mâu geh tâm rmal ôh, ƀiălah mbu nơm mâu chroh ôh, hŏ geh nau tâm rmal jêh, yorlah mâu chroh ma amoh Kon Dul Brah Ndu.

Yôhan 6:51

Gâp jêng piăng let nau rêh jŭr tă bơh trôk; tơlah mbu nơm sa piăng let nây mra rêh n'ho ro. Piăng let Gâp ăn nây jêng nglay săk Gâp nơm ŭch ăn nau rêh ma neh ntu.”

Yôhan 8:32

Khân may mra gĭt nau ngăn, jêh ri nau ngăn mra rklaih ma khân may.”

Kôranh Oh Mon 13:33

pô aơ Brah Ndu hŏ ƀư tât di ngăn nau ton nây ma he, jêng phung kon sau khân păng, yor Păng ƀư ăn Brah Yêsu dâk rêh tay, nâm bu hŏ nchih jêh tâm Nau Mprơ Ơm mrô bar: ‘May jêng kon Gâp, nar aơ Gâp hŏ deh ma May.’

Samƀŭt Pôl Njuăl Ăn Ma Phung Nsing Ta Ƀon Rôm 8:3

Yorlah moh nau vay mâu dơi ƀư, yor nglay săk ƀư păng rdja, Brah Ndu ƀư jêh: Păng njuăl Kon Păng nơm geh nglay săk tâm ban ma nglay săk tih gay ma dăp nkra nau tih; Păng tâm rmal jêh nau tih tâm nglay săk,

Samƀŭt Pôl Njuăl Ăn Ma Phung Nsing Ta Ƀon Rôm 9:5

jêng phung ƀon lan luh tă bơh phung chô yau jêh ri ntơm bơh noi deh nây, tĭng nâm nglay săk, hŏ deh jêh Brah Krist, Nơm klơ lơn ma lĕ rngôch, jêng Brah Ndu khư dơn nau tâm rnê n'ho ro. Amen.

I Kôrintô 15:47

Bunuyh lor lơn luh tă bơh neh jêng ndơ neh ntu; bunuyh rơh bar luh tă bơh trôk.

II Kôrintô 12:9

Ƀiălah Kôranh Brah lah: “Nau yô̆ Gâp bêng tŏng ma may, yorlah nau ktang Gâp plơ̆ jêng nŭm rĭng tâm nau rdja.” Pôri, gâp răm maak rnê êng âk ngăn ma lĕ nau rdja gâp, gay ma nau ktang Brah Krist gŭ tâm gâp.

Galati 4:4

Ƀiălah tơlah tât nar tâm nal, Brah Ndu njuăl Kon Păng tât, tă bơh ma du huê bu ur deh, deh luh tâm dâng nau vay,

Êphêsô 3:8

Nđâp tơlah gâp jêng bunuyh jê̆ lê̆ lơn tâm lĕ rngôch phung kloh ueh, nau yô̆ nây đŏng ăn ma gâp, gay mbơh nkoch ma phung bu năch nau rmeh ler mâu dơi kơp tă bơh Brah Krist,

Kôlôh 1:19

Yorlah Brah Ndu hŏ maak nuih n'hâm dơm lĕ rngôch ndơ Brah Ndu njêng gŭ tâm Păng,

Kôlôh 2:3

tâm Păng pôn prăp lĕ rngôch drăp ndơ khlay ma nau blau mĭn jêh ri nau gĭt rbăng.

Kôlôh 2:9

Yorlah lĕ bêng nŭm nau brah tâm mpơl tâm săk jăn Păng dôl geh

I Timôthê 3:16

Di ngăn dơn pô aơ nau khlay ndâp tâm nuih n'hâm klach yơk dŭt toyh hâu ngăn: Nơm tâm mpơl jêh tâm săk jăn, Brah Huêng Ueh kơp Păng sŏng srăng, Phung tông mpăr ntreng uănh, Bu mbơh nkoch ta nklang lĕ rngôch phung ƀon lan, Lĕ rngôch bunuyh chroh dơn jêh, Brah Ndu chông Păng leo klơ tâm nau chrêk rmah.

ហេឞ្រើ 1:3

Kon jêng chrat ang nau chrêk rmah Brah Ndu jêh ri jêng rup di ngăn ma Brah Ndu nơm. Păng sŏk nau brah Păng gay ma kơl lĕ rngôch ndơ. Jêh Păng ƀư kloh nau tih, Păng gŭ mpeh pa ma Nơm Dŭt Prêh ta klơ trôk.

ហេឞ្រើ 1:5

Yorlah ndah jŏ Brah Ndu hŏ lah jêh ma du huê tông mpăr pô aơ: “May jêng Kon Gâp, Gâp hŏ deh jêh ma may tâm nar aơ”? Mâu lah ndah jŏ geh lah: “Gâp mra jêng Mbơ̆ păng, Păng mra jêng Kon Gâp?”

ហេឞ្រើ 10:5

Yor nây, tơlah Brah Krist lăp tâm neh ntu, Păng lah pô aơ: “Kôranh Brah mâu ŭch ôh mpa ƀư brah, mâu đŏng ŭch ndơ nhhơr, Ƀiălah Kôranh Brah ndrăp lor jêh du săk jăn ma gâp.

ហេឞ្រើ 2:11

Yorlah Nơm ƀư kloh ueh jêh ri phung jêng kloh ueh jêh luh tă bơh du huê Mbơ̆. Yor nau nây, Brah Yêsu mâu bêk prêng ôh kuăl khân păng jêng phung oh nâu,

ហេឞ្រើ 5:5

Pônây lĕ, Brah Krist mâu n'hao êng Păng nơm ôh jêng kôranh ƀư brah toyh, ƀiălah bơh Nơm lah ma Păng pô aơ: “May jêng Kon Gâp, Nar aơ Gâp hŏ deh jêh May.”

I Yôhan 4:14

Hên lĕ saơ jêh ri mbơh nkoch Brah Ndu Mbơ̆ njuăl jêh Kon Păng jêng Nơm Tâm Rklaih ma neh ntu.

I Yôhan 4:9

Nau Brah Ndu rŏng đah he tâm mpơl jêh tâm nau aơ: Brah Ndu njuăl jêh Kon Dul Păng văch ta neh ntu gay he geh nau rêh tă bơh Kon Păng.

II Yôhan 1:7

Yor âk phung ndơm mƀruh văch jêh tâm neh ntu, jêng phung mâu dơn nanê̆ Brah Yêsu Krist văch jêh tâm nglay săk. Nây jêng nơm ndơm mƀruh jêh ri nơm tâm rdâng đah Brah Krist.

Nau Tâm Mpơl 19:13

Păng nsoh ao mbŭk tâm mham. Amoh Păng dơi rnha jêng NAU BRAH NDU NGƠI.

Nau Tâm Mpơl 21:3

Gâp tăng nteh bâr ktang tă bơh sưng hađăch lah nâm pô aơ: “Ri, ngih bok Brah Ndu gŭ ndrel ma kon bunuyh! Păng mra gŭ ndrel ma khân păng jêh ri khân păng mra jêng phung ƀon lan Păng; Brah Ndu yơh mra gŭ ndrel ma khân păng.