Yôhan 1:12 - Nau Brah Ndu Ngơi 2023

¹² Ƀiălah mbu nơm rom dơn Păng, nâm bu ntĭt chroh ma amoh Păng, Păng ăn bunuyh nây nau dơi plơ̆ jêng kon Brah Ndu,

Bunong Bible Latin Script Cambodian dialect

¹² Yơn ma bu moh i hôm rom Păng, jêng nơm i nsing ma Păng, bunuyh i nây Păng ăn jêng kon Kôranh Brah nơm.

Bunong

¹² យើន​មា​ឞូ​ម៝ស​អី​ហោម​រ៝ម​ពាង់ ជេង​នើម​អី​ញឆីង​មា​ពាង់ ឞូនុយ្ស​អី​នៃ​ពាង់​អ៝ន់​ជេង​ក៝ន​កោរាញ​ឞ្រាស​នើម។

Yôhan 1:12 Iomraidhean Croise

II Samuel 7:24

Yorlah May hŏ njêng phung ƀon lan Israel ƀư phung ƀon lan May n'ho ro. Ơ Brah Yêhôva! May nơm jêng Brah Ndu khân păng.

Êsai 56:5

Pôri Gâp mra ăn ma khân păng du ntŭk tâm ngih Gâp, Tâm lĕ mpêr ƀon Gâp, Jêh ri ăn ma khân păng du amoh ueh lơn ma amoh phung kon bu klâu jêh ri ma phung kon bu ur; Gâp mra ăn ma khân păng du amoh n'ho ro, Jêng amoh mâu blau roh.

Yêrêmi 3:19

Gâp hŏ lah: ‘Mâm ƀư gay njŭn may lăp ta phung kon Gâp, Jêh ri ăn ma may du ntŭk bri ueh ngăn. Drăp ndơn khlay lơn ta nklang ndŭl mpôl bunuyh. Gâp hŏ lah: May mra kuăl Gâp jêng “Mbơ̆ gâp.” Jêh ri mâu mra ndôn kơi chalơi Gâp.

Ndrom Samƀŭt bơh Ôsê 1:10

“Ƀiălah rnoh kơp phung kon sau Israel mra âk nâm bu choih dak mƀŭt, mâu dơi nhueh, mâu lĕ dơi kơp ôh. Ta ntŭk khân păng tăng bu lah: ‘Khân may mâu di phung ƀon lan Gâp,’ mra tăng đŏng: ‘Khân may jêng kon Brah Ndu gŭ rêh mro mrăng.’

Mathay 10:40

“Mbu nơm rom khân may jêng rom Gâp, mbu nơm rom Gâp jêng rom Nơm hŏ njuăl Gâp.

Mathay 12:21

Jêh ri phung padih mra kâp gân tâm amoh Păng.”

Mathay 18:5

Mbu nơm yor amoh Gâp rom du huê kon se jê̆ nâm bu pô aơ nâm bu ntĭt rom Gâp lĕ;

Yôhan 1:11

Păng hŏ văch tâm bri dak Păng nơm, ƀiălah phung ƀon lan Păng mâu ŭch rom dơn Păng ôh.

Yôhan 1:7

Păng nây văch jêh jêng du huê nơm mbơh gay mbơh nkoch ma nau ang, gay tă bơh păng lĕ rngôch bunuyh chroh da dê.

Yôhan 11:52

mâu di knŏng ma phung ƀon lan nây dơm, ƀiălah gay rgum lĕ phung kon sau Brah Ndu hŏ chah rai pru pra jêng tay du mpôl.

Yôhan 2:23

Dôl Brah Yêsu gŭ ta ƀon Yêrusalem tâm nar rƀŭn Nau Găn, âk bunuyh saơ nau mbên khlay Brah Yêsu ƀư, khân păng chroh ma amoh Brah Yêsu.

Yôhan 20:31

Ƀiălah lĕ nau dơi nchih jêh gay ma khân may chroh ma Brah Yêsu jêng Brah Krist, Kon Brah Ndu, jêh ri gay ma nôk khân may chroh tâm amoh Păng, khân may geh nau rêh.

Yôhan 3:18

Mbu nơm chroh ma Kon nây, mâu geh tâm rmal ôh, ƀiălah mbu nơm mâu chroh ôh, hŏ geh nau tâm rmal jêh, yorlah mâu chroh ma amoh Kon Dul Brah Ndu.

Kôranh Oh Mon 3:16

Ma nau chroh tâm amoh Păng hŏ ƀư jêh ma nơm khân may hŏ saơ jêh ri gĭt năl nây geh nau nâp ktang. Tâm amoh Păng jêh ri nau chroh tâm Păng hŏ ƀư ăn bunuyh aơ ngăch dăng ueh săk jăn nâm ơm tâm ban ma lĕ rngôch khân may hŏ saơ jêh.

Samƀŭt Pôl Njuăl Ăn Ma Phung Nsing Ta Ƀon Rôm 8:14

Yorlah lĕ rngôch phung geh Brah Huêng Ueh Brah Ndu njŭn leo, jêng kon Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 8:16

Brah Huêng Ueh nơm mbơh ma huêng nuih n'hâm he, ma he jêng phung kon Brah Ndu.

Samƀŭt Pôl Njuăl Ăn Ma Phung Nsing Ta Ƀon Rôm 8:19

Yorlah lĕ rngôch ndơ ma nuih n'hâm, nđơr ŭch gŭ kâp ma nau tâm mpơl phung Kon Brah Ndu.

Galati 3:26

Yorlah tă bơh nau chroh tâm Brah Yêsu Krist, lĕ rngôch khân may jêng kon Brah Ndu.

Galati 4:6

Yorlah khân may jêng kon, pôri Brah Ndu hŏ njuăl Brah Huêng Ueh Kon Păng gŭ tâm nuih n'hâm he, kuăl: “Aƀa! Mbơ̆!”

Kôlôh 2:6

Pôri, mâm nau khân may sŏk dơn Yêsu Krist jêng Kôranh Brah hăn hom tâm Păng kơt nây lĕ;

II Pêtrôs 1:4

Tă bơh nau chrêk rmah jêh ri nau ueh nây, Păng ăn jêh ma he lĕ nau ton toyh jêh ri dŭt khlay, gay tă bơh nĕ khân may dơi der luh bơh nau djơh mhĭk tâm neh ntu tă bơh nau kơnh mhĭk, jêh ri plơ̆ jêng bunuyh geh kô̆ tâm nau ŭch ta klơ trôk.

I Yôhan 3:1

Uănh hom Brah Ndu Mbơ̆ ăn nau rŏng toyh ngăn ma he, kŏ tât Brah Ndu rnha he jêng kon Păng, jêh ri he jêng kon Păng ngăn! Yor nĕ neh ntu mâu gĭt năl he, yorlah neh ntu mâu gĭt năl Brah Ndu ôh.

I Yôhan 3:10

Nau aơ ăn gĭt mbu nơm jêng phung kon Brah Ndu, jêh ri mbu nơm jêng phung kon brah mhĭk: Mbu nơm mâu ƀư nau sŏng srăng mâu jêng bunuyh Brah Ndu ôh, mbu nơm mâu rŏng ma oh nâu păng nơm tâm ban lĕ.

I Yôhan 3:2

Hơi phung gâp rŏng, aƀaơ he jêng kon Brah Ndu; bi mâm nau he mra jêng ê hŏ tâm mpơl ôh. He gĭt tơlah Păng tâm mpơl, he mra tâm ban ma Păng, yorlah he mra saơ Păng nâm bu Păng ơm geh kơt nây.

I Yôhan 3:23

Jêh ri aơ nau vay Păng ntăm: Ăn he chroh ma amoh Kon Păng jêng Brah Yêsu Krist jêh ri ăn he rŏng ndrăng he, nâm bu nau Păng hŏ ntăm nti jêh ma he.