Yôel 3:4 - Nau Brah Ndu Ngơi 2023

⁴ Hơi ƀon Tyre jêh ri Sidôn ndrel ma lĕ rngôch nkual neh Philistin, moh khân may jêng ma Gâp? Di lĕ khân may ŭch plơng bôk ma Gâp? Tơlah kơt nây Gâp mra ăn nau khân may ƀư nkhŭt tay ta klơ bôk khân may nơm gơnh ro jêh ri ƀât lât.

Yôel 3:4 Iomraidhean Croise

II Nau Rêh Jêng 21:16

Rlau ma nây, Brah Yêhôva nsŭk nsôr nsônh đŏng ma phung Philistin jêh ri phung Arabi, gŭ dăch phung Kus, tâm rdâng đah Y-Jôram.

Êsai 14:29

“Ơ lĕ rngôch phung Philistin, lơi răm maak ndal ôh, Yorlah mâng rvĕ dong may lĕ nkê̆ch deh jêh, Yorlah tă bơh noi deh bêh mra luh du mlâm bêh vǐt, Jêh ri kon păng mra jêng du mlâm bêh ŭnh mpăr.

Êsai 34:8

Yorlah Brah Yêhôva prăp jêh nar ma nau plơng bôk, Geh năm mplơ̆ sĭt nau nkhôm yor ma Siôn.

Êsai 59:18

Păng mra mplơ̆ ma ăp nơm tĭng nâm kan păng ƀư: Nau ji nuih ma phung rdâng đah Păng, jêh ri nau plơng ma phung rlăng đah Păng; Păng mra mplơ̆ sĭt ma lĕ gôl dak mƀŭt.

Yêrêmi 47:1

Aơ jêng nau Yêhôva lah ma nơm mbơh lor Y-Yêrêmi ma phung Philistin, êlor ma Pharaôn tâm lơh đah ƀon Gaxa:

Yêrêmi 47:4

Yorlah nar mra tât Lĕ rngôch phung Philistin bu mra ƀư rai, Lĕ rngôch phung hôm klen gŭ rêh Sâm rklaih ƀon Tyre jêh ri ƀon Sidôn bu ngluh lơi khân păng. Yorlah Brah Yêhôva ƀư rai phung ƀon lan Philistin, Jêng phung hôm klen tă gôl dak mƀŭt Kaptôr.

Yêrêmi 51:6

Du hom tă bơh Babilôn, Ăn ăp nơm nchuăt du tâm rklaih nau rêh păng! Lơi ta rai yot ôh yor ma nau tih păng, Yorlah aơ jêng rnôk Yêhôva plơng bôk; Păng mra plơng bôk tâm di jêh ăn ma păng.

Yôel 2:10

Tanăp khân păng, neh ntu n'găr, Lĕ ndâr trôk n'găr mpât, Nar, khay jêng ngo klĕng, Lĕ mănh mbing mâu hôm nchrat ôh.

Yôel 2:2

Nây jêng du nar ngo kleng chuê chuăng, Du nar tŭk krăk mbâl ngăn! Yorlah geh du phung mpôl bunuyh âk ngăn jêh ri ktang văch tât Luh nchrat lam jŭm yôk nâm bu ang ơm ôi; Ntơm bơh kăl e nau kơt nây mâu hŏ mâp geh, Jêh ri lĕ rngôch rnôk kăndơ̆ ăt mâu mra geh tâm ban pônây đŏng ôh.

Mathay 11:21

“Rêh ni ngăn ma may, ƀon Kôrasin! Rêh ni ngăn ma may, ƀon Ƀêtsaiđa! Yorlah tơlah nau mbên khlay ƀư jêh ta nklang khân may dơi ƀư nâm bu ta ƀon Tyre jêh ri ƀon Sidôn pôri khân păng hŏ nsoh ao ƀau, ndô buh jêh ri rmal nau tih jŏ jêh.

Mathay 11:22

Pôri Gâp lah ma khân may, tât nar phat dôih, ƀon Tyre jêh ri ƀon Sidôn mra geh nau tâm rmal n'gơch lơn ma khân may.

Luka 10:13

Rêh ni ngăn ma may, ƀon Kôrasin! Rêh ni ngăn ma may, ƀon Ƀêtsaiđa! Yorlah tơlah nau mbên khlay ƀư jêh ta nklang khân may, dơi ƀư nâm bu ta ƀon Tyre jêh ri ƀon Sidôn, ri mơ khân păng hŏ nsoh ao ƀau, ndô buh jêh ri rmal nau tih jŏ jêh.

Luka 10:14

Pôri, tât nar phat dôih, ƀon Tyre jêh ri ƀon Sidôn mra dơn nau tâm rmal n'gơch lơn ma khân may.

Luka 18:7

Pônây, lĕ ƀơh Brah Ndu mâu phat dôih sŏng ma phung Păng săch, jêng phung kuăl dăn Păng măng nâm nar, jêh ri mbrĕ mbrơi kơl an khân păng?

Kôranh Oh Mon 9:4

Păng cha lôt ta neh jêh ri tăng nau ngơi lah ma păng: “Hơi Y-Sôl, Y-Sôl, mâm ƀư may ƀư djơh ma Gâp?”

Nau Vay Nkah Tay 32:35

Gâp mra plơng bôk, Gâp mra tâm rmal, Tâm nôk jâng khân păng mbĭr prah; Yorlah nar rêh ni khân păng hŏ dăch jêh, Nar nau phat dôih khân păng tât gơnh.”

II Têsalônik 1:6

Tĭng nau sŏng Brah Ndu, nanê̆ Păng mra sŏk nau rêh ni har plơng ma phung ƀư rêh ni ma khân may;

Phung Kôranh Phat Dôih 11:12

Y-Jêptê prơh bunuyh mbơh hăn ma hađăch phung Ammôn jêh ri lah: “Moh nau may geh đah gâp, dĭng may leo phung tahan văch tât gay tâm lơh đah n'gor bri gâp?”