Yôel 3:2 - Nau Brah Ndu Ngơi 2023

² pôri Gâp mra rgum tay lĕ rngôch bri dak jêh ri njŭn khân păng jŭr tâm rlŭng Jôsaphat. Ta nây, Gâp mra phat dôih khân păng yor phung ƀon lan Gâp jêh ri drăp ndơn Gâp jêng phung Israel, yorlah khân păng hŏ ƀư du pru pra ta nklang phung mpôl băl bunuyh. Khân păng hŏ tâm pă bri neh Gâp,

Yôel 3:2 Iomraidhean Croise

II Nau Rêh Jêng 20:26

Tât nar rơh puăn, khân păng tâm rƀŭn tâm rlŭng Bêraka, jêh ri tâm rnê ma Brah Yêhôva ta nây; yor nây, bu ntơ ntŭk nây jêng rlŭng Bêraka kŏ tât ta nar aơ.

Êsai 66:16

Yorlah Brah Yêhôva mra dŏng ŭnh jêh ri đao Gay phat dôih lĕ rngôch nglay săk; Jêh ri phung Brah Yêhôva nkhĭt mra jêng âk.

Êsai 66:18

“Bi Gâp, Gâp gĭt năl nau kan jêh ri nau mĭn khân păng. Tât năng, Gâp mra văch tâm rƀŭn lĕ rngôch bri dak jêh ri lĕ rngôch nau ngơi; khân păng mra văch jêh ri saơ nau chrêk rmah Gâp.

Yêrêmi 12:14

Brah Yêhôva lah: “Bi phung chiau meng mhĭk ngăn ma Gâp, lĕ phung sŏk rvan drăp ndơn Gâp ăn jêh ma phung ƀon lan Israel Gâp sŏk dơn, Gâp mra rôk khân păng bơh neh khân păng, jêh ri rôk ngih Yuđa du luh bơh khân păng.

Yêrêmi 25:31

Nau ngrông ngloh mra tât nglĕ dŭt rplay neh; Yorlah Brah Yêhôva tâm rdâng đah lĕ rngôch bri dak, Phat dôih lĕ rngôch nglay săk, Jao phung mhĭk ăn ma đao,’ Brah Yêhôva lah pônây.

Yêrêmi 49:1

Brah Yêhôva lah ma phung kon Ammôn kơt aơ: “Di lĕ phung Israel mâu geh kon bu klâu, Mâu hôm geh bunuyh ndơn drăp hĕ? Pônây, mâm ƀư brah Malkôm pit in phung Gat ƀư drăp ndơn, Phung ƀon lan păng gŭ tâm ƀon toyh Gat?”

Yêrêmi 50:17

Israel jêng du mlâm biăp nhhơt jêh phung yau mŭr tĭng kăp. Ntơm saơm hađăch Asiri tĭng rvăn păng, jêh ri rlet pakơi aơ jêng Y-Nêbukatnetsar, hađăch Babilôn, gĭnh nting păng.”

Êsêkiêl 25:8

Kôranh Brah Yêhôva lah: “Yorlah Môap jêh ri Sêir geh ngơi pô aơ: ‘Ri, ngih Yuđa tâm ban ma lĕ rngôch bri dak êng,’

Êsêkiêl 34:6

Phung biăp Gâp nchah rai nhhơt ta klơ lĕ rngôch nâm jêh ri lĕ rngôch yôk prêh; phung biăp Gâp hăn nsong lam bri neh ntu, mâu geh bunuyh mray, mâu lĕ geh bunuyh tĭng joi.’

Êsêkiêl 35:10

Yorlah may lah jêh pô aơ: “Bar ndŭl mpôl nây jêh ri bar bri dak nây mra jêng ndơ gâp jêh ri hên mra sŏk pha khân păng” nđâp lah Brah Yêhôva dôl gŭ ta nây.’

Êsêkiêl 36:1

Hơi kon bunuyh, mbơh lor hom ma phung yôk Israel pô aơ: “Hơi phung yôk Israel, iăt hom nau Brah Yêhôva!

Êsêkiêl 36:5

Yor ri, aơ jêng nau Kôranh Brah Yêhôva lah: ‘N'hêl nanê̆ ngăn tâm nau ntôn duh nuih, Gâp mbơh nau tâm rdâng ma phung ƀon lan hôm e klen bơh lĕ bri dak jêh ri ma lĕ rngôch phung Êđôm, jêng phung bêng ma nuih n'hâm răm maak jêh ri mưch rmot ngăn, mĭn sŏk bri Gâp ƀư drăp ndơn ăn ma khân păng nơm gay ma khân păng sŏk pit in ndrêch gơ̆.’

Êsêkiêl 38:22

Gâp mra ƀư nau phat dôih tâm rdâng đah păng ma nau ji tưp jêh ri ma nau pling mham. Gâp mra nkhŭt dak mih toyh, glo dak pler, ŭnh jêh ri lŭ mô ŭnh nkhŭt ta klơ păng, ta klơ phung tahan âk păng jêh ri phung ƀon lan hăn ndrel păng.

Êsêkiêl 39:11

Tâm nar nây, Gâp mra ăn Y-Gôk du ntŭk ƀư môch tâp ta Israel tâm rlŭng ma phung bu năch hăn nsong mpeh pa luh nar dak mƀŭt. Môch tâp nây mra king lơi trong phung bu năch hăn nsong. Yorlah ta ntŭk nây bu mra tâp Y-Gôk jêh ri lĕ rngôch phung âk ndrel păng. Bu mra ntơ ntŭk nây rlŭng Hamôn Gôk.

Yôel 3:12

“Lĕ bri dak du dâk hom, hăn hao tâm rlŭng Jôsaphat, Yorlah ta nây jêng ntŭk Gâp mra gŭ phat dôih lĕ rngôch phung mpôl băl bunuyh gŭ jŭm.

Yôel 3:14

Mpôl bunuyh âk ngăn, n'hêl nanê̆ jêng âk râk ngăn Tâm rlŭng Nau Phat Dôih! Yorlah nar Brah Yêhôva dăch jêh Tâm rlŭng Nau phat dôih.

Amôt 1:11

Brah Yêhôva lah: “Yor nau tih mhĭk Êđôm ntop hôm ntop nau tih mhĭk Yor ri Gâp mâu rhuăt tay nau tâm rmal ma păng, Yorlah păng dŏng đao mprơh tĭng ntâp oh nâu khân păng nơm Mâu geh nau tâm yô̆; Păng djôt nau ji nuih n'ho ro, Jêh ri mât nau ji nuih tât n'ho ro.

Mika 4:12

Ƀiălah khân păng mâu gĭt năl ôh nau mĭn Brah Yêhôva, Mâu gĭt rbăng ôh nau dăp ŭch ƀư, Yorlah Păng hŏ rgum jêh khân păng Nâm bu nchăp ba njŭn sĭt ta ntŭk bu mprah ba.

Sôphôni 3:8

Yor nây, Brah Yêhôva lah: “Gŭ kâp hom Gâp, Kŏ tât nar Gâp mra dâk mbơh ăn jêng nanê̆; Yorlah Gâp hŏ mĭn jêh tâm rgum lĕ mpôl băl bunuyh Jêh ri plơ̆ rgum tay lĕ bri hađăch, Gay nkhŭt ta khân păng nau ji nuih, Nây jêng lĕ rngôch nau Gâp ji nuih hâu ngăn, Yorlah lĕ rngôch bri dak mra rai lôch. Ma ŭnh nau Gâp ntôn.

Nau Tâm Mpơl 11:18

Phung mpôl băl bunuyh ji nuih hâu ngăn; Ƀiălah nau May ji nuih tât jêh, Jêng mông phat dôih ma phung khĭt, Ăn nau nkhôm ma phung oh mon May, phung nơm mbơh lor, phung kloh ueh, Jêh ri phung klach yơk ma amoh May, Lĕ phung jê̆ nđâp ma phung toyh, Jêh ri ƀư rai phung ƀư rai neh ntu.”

Nau Tâm Mpơl 16:14

Khân păng jêng phung huêng brah mhĭk, ƀư lĕ nau mbên khlay, jêh ri hăn ma phung hađăch lam neh ntu gay ma rgum phung nây ma nau tâm lơh ta nar toyh Brah Ndu Geh Lĕ Nau Brah.

Nau Tâm Mpơl 16:16

Khân păng tâm rgum phung hađăch tâm du ntŭk, tâm nau ngơi Hêbrơ rnha jêng Harmagêdôn.

Nau Tâm Mpơl 16:6

Yorlah khân păng ƀư nkhŭt jêh mham phung kloh ueh jêh ri phung nơm mbơh lor, Pôri May ăn jêh ma khân păng nhêt mham. Nĕ mơ tâm di!”

Nau Tâm Mpơl 20:8

păng mra hăn luh gay ndơm mƀruh phung mpôl băl bunuyh gŭ tâm puăn njônh ta neh ntu jêng phung Gôk jêh ri phung Magôk, gay rgum phung nây ma nau tâm lơh. Phung tahan khân păng âk nâm bu choih ta kơh dak mƀŭt.