Yôel 3:18 - Nau Brah Ndu Ngơi 2023

¹⁸ Tâm nar nây, lĕ yôk luh ndrănh njŭng; Lĕ dor mra luh hoch dak toh, Lĕ rngôch ăp n'hor dak Yuđa mra geh dak hoch ktang. Du n'hor dak mra luh tă bơh ngih Brah Yêhôva Jêh ri tŏ rlŭng Sitim.

Yôel 3:18 Iomraidhean Croise

Ndrom Samƀŭt bơh Yôp 29:6

Lah jâng gâp rao tâm dak toh, Jêh ri mpăl lŭ njach dak ngi ăn ma gâp nâm bu dak n'hor!

Nau Mprơ Ơm 46:4

Geh du n'hor dak krong, dak păng ƀư maak ma ƀon Brah Ndu, Jêng ntŭk kloh ueh, ntŭk gŭ Nơm Dŭt Prêh.

Nau Ngluh Êjipt 3:8

Gâp jŭr gay ma tâm rklaih ƀon lan aơ bơh ti phung Êjipt, njŭn leo khân păng luh bơh n'gor nây, njŭn tât tâm du n'gor neh ueh jêh ri huy ngăn, ntŭk bêng ma dak toh jêh ri dak sŭt, jêng ta ntŭk gŭ phung Kanaan, phung Hitit, phung Amôrit, phung Pêrisit, phung Hivit jêh ri phung Jêbusit.

Êsai 30:25

Tâm nar geh nau tâm nkhĭt toyh, lĕ pôih rlâm rai jêh, ri mơ ta klơ lĕ rngôch yôk prêh jêh ri dor yôk mra geh lĕ dak n'hor hoch.

Êsai 35:6

Aƀaơ, nơm rvĕn mra pâl rlưn tâm ban ma jun, Mpiăt bunuyh mlo mra mprơ ma nau maak. Yorlah geh lĕ n'hor dak mra bruh tâm bri rdah, Jêh ri lĕ dak n'hor hoch tâm ndrêch rdah.

Êsai 44:3

Yorlah Gâp mra nkhŭt dak ta bunuyh ji hir, Ăn dak n'hor hoch ta neh sơh. Gâp mra nkhŭt Brah Gâp ma noi deh may Jêh ri ăn nau ueh lăng ma phung sau se may.

Êsai 45:8

Ơ lĕ ndâr trôk, tŭp hom dak ngom tă bơh klơ, Ăn hom tŭk nkhŭt mih nau sŏng srăng. Neh ntu pơk hom, gay geh kao play nau tâm rklaih, Jêh ri nau sŏng srăng ntơm hon. Gâp jêng Brah Yêhôva, Gâp nơm yơh rhăk jêh nau nây.”

Êsai 55:1

“Ơ, ăp nơm ji hir, Văch hom ta tu dak! Mbu nơm mâu geh prăk ôh, Rvăt hom jêh ri sa! Văch rvăt hom ndrănh jêh ri dak toh ndrôk Mâu ŭch ma prăk, mâu kêh rnoh ôh.

Êsai 66:11

Gay ma khân may dơi pu jêh ri hơm ma dak toh Dak toh nau păng tâm bonh leng; Gay khân may dơi nhêt jêh ri mpay Tă bơh ma nau chrêk rmah bêng ler păng.

Yêrêmi 31:12

Khân păng mra tât jêh ri mprơ ta klơ ntŭk prêh yôk Siôn; Răm rhơn ma lĕ nau ueh Brah Yêhôva, Ma ba ƀlê, ndrănh mhe, dak ngi, Ma biăp kon jêh ri ndrôk kon; Nuih n'hâm khân păng nâm bu du nkual đang djrah bĕ dak, Mâu hôm rngot hŏt rgănh đŏng ôh.

Mika 6:5

Hơi phung ƀon lan Gâp, ăn kah gĭt hom nau Y-Balak, hađăch bri Môap nchră jêh, Jêh ri nau Y-Balaam, kon bu klâu Y-Bêôr plơ̆ lah ma păng. Kah gĭt hom moh nau Gâp hŏ ƀư jêh bơh Sitim tât Gilgal, Gay may gĭt nau sŏng srăng bơh Brah Yêhôva!”

Sakari 14:8

Ta nar nây, dak rêh mra hoch tă bơh Yêrusalem, n'gul hoch leo mpeh dak mƀŭt luh nar, jêh ri n'gul hoch mpeh dak mƀŭt nhâp nar, hoch ndăng tâm yan ta vai jêh ri yan puh.

Nau Kơp Bunuyh 25:1

Nôk phung ƀon lan Israel dôl gŭ ta Sitim, khân păng ntơm ƀư tih văng tĭr đah phung kon bu ur Môap.