Yôel 3:16 - Nau Brah Ndu Ngơi 2023

¹⁶ Brah Yêhôva mra rđuh bơh Siôn; Păng ƀư ăn nteh huy bâr Păng nơm luh bơh Yêrusalem. Lĕ ndâr trôk jêh ri lĕ rngôch neh ntu mpât n'găr da dê. Ƀiălah Brah Yêhôva jêng ntŭk nde ma phung ƀon lan Păng, Jêng pôih nâp ma phung ƀon lan Israel.

Yôel 3:16 Iomraidhean Croise

Nau Mprơ Ơm 18:2

Brah Yêhôva jêng lŭ toyh ma gâp, pôih nâp gâp jêh ri jêng Nơm tâm rklaih gâp. Brah Ndu gâp jêng lŭ toyh gâp, gâp gŭ krap tâm May Păng jêng khêl, jêng nke ma nau tâm rklaih, jêh ri jêng ntŭk gâp gŭ krap tâm ban lĕ.

Nau Mprơ Ơm 29:11

Dăn Brah Yêhôva ăn nau ktang ma phung ƀon lan Păng! Dăn Brah Yêhôva ăn nau ueh lăng đăp mpăn ma phung ƀon lan Păng.

Nau Mprơ Ơm 61:3

Yorlah May jêng ntŭk gâp gŭ krap, Jêng ntŭk tŭm nâp gay der luh bơh phung rlăng.

Nau Hôr 18:10

Amoh Brah Yêhôva jêng du pôih nâp ngăn, Bunuyh sŏng srăng nchuăt tât ta nây, dơi joi ntŭk du krap đăp mpăn.

Êsai 33:16

Bunuyh kơt nĕ mra dơi gŭ tâm ntŭk prêh, Geh pôih ma mpir lŭ mra jêng ntŭk păng du krap; Bu mra ăn ndơ sông sa ma păng Jêh ri păng mâu rvê pưt dak nhêt ôh.

Êsai 33:21

Yorlah nau rnam Brah Yêhôva mra gŭ ndrel đah he ta nây, Jêng ntŭk geh dak krong jêh ri dak n'hor huy ngăn, Mâu geh rkĭt sĭt hăn ôh, Mâu geh kumpăn toyh hăn rgăn.

Êsai 42:13

Brah Yêhôva mra hăn panăp tâm ban ma du huê nơm tahan janh ktang, Tâm ban ma du huê bunuyh tahan bêng ma nau duh nđơr; Păng nter, ngơi huy rduh tâm lơh, Jêh ri Păng mra lơh rai lĕ phung rlăng đah Păng nơm.

Êsai 51:16

Gâp dơm jêh nau gâp ngơi tâm trôm mbung may, Jêh ri pôn jêh may tâm dâng gui ti Gâp, Tâm nôk ndâk lĕ ndâr trôk, Dơm mbon rplay neh, Jêh ri lah ma ƀon Siôn pô aơ: ‘Khân may jêng phung ƀon lan Gâp.’”

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Yêrêmi 17:17

Lơi ta ăn gâp klach ôh; May jêng ntŭk ma gâp nde krap tâm nar rêh ni.

Êsêkiêl 38:19

Tâm nau ntôn jêh ri nau ji nuih, Gâp ngơi pô aơ: N'hêl nanê̆ tâm nar nây mra geh nau n'găr neh ntu toyh geh tât ta n'gor bri Israel.

Ndrom Samƀŭt bơh Ôsê 11:10

Khân păng mra chuat tĭng Brah Yêhôva, Păng ngrông nâm bu yau mŭr; Ngăn yơh, Păng mra ngrông, Phung kon păng văch tă bơh mpeh nhâp nar ma nau râm nsâr ngăn.

Amôt 1:2

Păng lah: “Tă bơh yôk Siôn, Brah Yêhôva ngrông nter. Tă bơh Yêrusalem, Păng ƀư bâr ngơi huy ngăn. Lĕ ndrêch gơ̆ phung chiăp biăp mra vơl nđor, N'gơn yôk Karmel mra nhop kro.”

Amôt 3:8

Tơlah yau mŭr rđuh ngrông Pôri mbu nơm mâu klach? Tơlah Kôranh Brah Yêhôva ntĭm nti Pôri mbu nơm mâu ngơi nau mbơh lor?

Nahum 1:7

Brah Yêhôva jêng ueh ngăn, Jêng pôih nâp tâm nar rêh ni; Păng gĭt phung du krap tâm ntŭk Păng.

Ndrom Samƀŭt bơh Agê 2:6

Yorlah Brah Yêhôva ma phung tahan lah kơt aơ: ‘Hôm ƀât lât đŏng, Gâp mra ƀư n'gơ n'găr lĕ ndâr trôk jêh ri neh ntu, dak mƀŭt jêh ri neh sơh.

Ndrom Samƀŭt bơh Agê 2:7

Gâp n'gơ n'găr lĕ rngôch bri dak tâm ban lĕ, jêh ri drăp ndơ lĕ rngôch bri dak mra văch tât ta aơ; jêh nây Gâp mra ƀư ăn ma ngih brah aơ bêng ma nau chrêk ma lơp.’ Brah Yêhôva ma phung tahan lah pônây.

Sakari 10:12

Gâp mra ƀư ăn dăng khân păng tâm Brah Yêhôva Jêh ri khân păng mra chuat hăn tâm amoh Păng.” Brah Yêhôva lah pônây.

Sakari 10:6

“Gâp mra ƀư ăn dăng ma ngih Yuđa, Jêh ri mra tâm rklaih ngih Yôsep. Gâp mra leo khân păng plơ̆ sĭt, yorlah yô̆ klâng khân păng, Jêh ri khân păng mra jêng nâm bu Gâp ê hŏ mâp dun ôh ma khân păng; Yorlah Gâp jêng Yêhôva Brah Ndu khân păng, jêh ri mra dơn nau khân păng dăn.

Sakari 9:12

Hơi phung bu krŭng geh nau kâp gân, plơ̆ sĭt hom ma pôih! Nar aơ ro, Gâp mra mbơh pô aơ Gâp mra mplơ̆ ăn khân may bar tơ̆ âk lơn.

ហេឞ្រើ 12:26

Dôl nây bâr Nơm nây ngơi mpât n'gơ neh ntu, ƀiălah aƀaơ aơ Păng ton pô aơ: “Hôm du tơ̆ đŏng, Gâp mâu mra knŏng ƀư n'găr neh ntu dơm ôh, ƀiălah mra ƀư n'găr trôk đŏng.”

Nau Tâm Mpơl 11:13

Nôk nây, geh du nau n'găr neh dŭt hâu ngăn; du kô̆ tâm jât ƀon toyh rlâm; pơh rbăn nuyh khĭt tâm nau n'găr neh ntu. Phung bunuyh hôm e klach krit da dê jêh ri nhhơr nau chrêk rmah ma Brah Ndu ta klơ trôk.

Nau Tâm Mpơl 11:19

Ngih brah Brah Ndu ta klơ trôk pơk jêh, tâm trôm saơ geh Hip Nau Tâm Rnglăp Păng, jêh nây geh lĕ lơp nglaih, bâr ngơi, nteh nglaih, nau n'găr neh jêh ri mih pler ktang.

Nau Tâm Mpơl 16:18

Geh ro lơp nchrat, bâr ngơi, nteh nglaih jêh ri nau n'găr neh ntu ktang; nau n'găr neh ntu ktang kŏ tât ntơm bơh geh kon bunuyh gŭ ta neh ntu ê hŏ geh kơt nây.

I Samuel 15:29

Rlau lơn ma nĕ, Kôranh Brah Chrêk Rmah phung Israel mâu ngơi mƀruh ôh, mâu plĕch rgâl nau mĭn ôh, yorlah Păng mâu jêng du huê bunuyh dĭng bu dơi plĕch rgâl nau mĭn!”