Yôel 3:11 - Nau Brah Ndu Ngơi 2023

¹¹ Hơi lĕ rngôch bri dak gŭ jŭm, văch gơnh hom jêh ri tâm rgum ta nây! “Ơ Brah Yêhôva, dăn njuăl lĕ phung tahan ktang May trŭnh ta nây!”

Yôel 3:11 Iomraidhean Croise

Nau Mprơ Ơm 103:20

Ơ phung tông mpăr Brah Yêhôva, Jêng lĕ nơm geh nau ktang ƀư tĭng nau Păng đă, Jêh ri tông bâr tĭng nau Păng lah! Mât ton hom ma Brah Yêhôva!

Êsai 10:34

Păng mra kăl si pŭm toyh tâm krŏng ma sung, Jêh ri bri Liban mra cha lôt tanăp Nơm Geh Nau Brah.

Êsai 13:3

Gâp nơm hŏ ntăm jêh ma phung Gâp hŏ prăp êng jêh; Hŏ kuăl jêh phung bunuyh janh ktang Gâp tât Gay ma khân păng ƀư tât nau Gâp ji nuih; Khân păng jêng phung răm maak ma nau toyh Gâp.

Êsai 37:36

Aƀaơ, du huê tông mpăr Brah Yêhôva hăn lăp tâm pôih tahan phung Asiri, jêh ri nkhĭt du rsen pham rmưn prăm rbăn bunuyh. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh!

Yôel 3:2

pôri Gâp mra rgum tay lĕ rngôch bri dak jêh ri njŭn khân păng jŭr tâm rlŭng Jôsaphat. Ta nây, Gâp mra phat dôih khân păng yor phung ƀon lan Gâp jêh ri drăp ndơn Gâp jêng phung Israel, yorlah khân păng hŏ ƀư du pru pra ta nklang phung mpôl băl bunuyh. Khân păng hŏ tâm pă bri neh Gâp,

Mika 4:12

Ƀiălah khân păng mâu gĭt năl ôh nau mĭn Brah Yêhôva, Mâu gĭt rbăng ôh nau dăp ŭch ƀư, Yorlah Păng hŏ rgum jêh khân păng Nâm bu nchăp ba njŭn sĭt ta ntŭk bu mprah ba.

Sôphôni 3:8

Yor nây, Brah Yêhôva lah: “Gŭ kâp hom Gâp, Kŏ tât nar Gâp mra dâk mbơh ăn jêng nanê̆; Yorlah Gâp hŏ mĭn jêh tâm rgum lĕ mpôl băl bunuyh Jêh ri plơ̆ rgum tay lĕ bri hađăch, Gay nkhŭt ta khân păng nau ji nuih, Nây jêng lĕ rngôch nau Gâp ji nuih hâu ngăn, Yorlah lĕ rngôch bri dak mra rai lôch. Ma ŭnh nau Gâp ntôn.

II Têsalônik 1:7

jêh ri ma khân may jêng phung dơn nau rêh ni geh nau rlu ndrel ma hên, tâm nar Kôranh Brah jêng Brah Yêsu mra tâm mpơl bơh trôk ta nklang chiông ŭnh hit, ndrel ma phung tông mpăr bêng nau dơi Păng.

Nau Tâm Mpơl 19:14

Phung tahan ta klơ trôk nsoh ao bok mhay rhên, nglang jêh ri kloh da dê, ncho seh nglang hăn tĭng Păng.