Yôel 3:1 - Nau Brah Ndu Ngơi 2023

¹ “Yor aơ, tâm lĕ nar nây, jêh ri jêng rnôk Gâp mra njŭn phung bu nă bơh Yuđa jêh ri Yêrusalem plơ̆ sĭt,

Yôel 3:1 Iomraidhean Croise

Nau Mprơ Ơm 14:7

Ơ, dăn Kôranh Brah văch tă bơh Siôn tâm rklaih phung Israel! Tơlah Brah Yêhôva djôt leo phung ƀon lan Păng plơ̆ sĭt tă bơh n'gor ƀư bu nă, Pôri Yakôb mra hâk maak jêh ri phung Israel răm rhơn!

Nau Mprơ Ơm 85:1

Ơ Brah Yêhôva, May ăn jêh nau ueh ma n'gor May nơm; May njŭn sĭt jêh phung bu nă Yakôb.

Nau Hôr 1:23

Plơ̆ sĭt hom iăt nau gâp nkra ntĭm, Aơ, gâp mra nkhŭt brah huêng gâp ma khân may; Ƀư ăn ma khân may gĭt rbăng nau gâp nti.

Êsai 44:3

Yorlah Gâp mra nkhŭt dak ta bunuyh ji hir, Ăn dak n'hor hoch ta neh sơh. Gâp mra nkhŭt Brah Gâp ma noi deh may Jêh ri ăn nau ueh lăng ma phung sau se may.

Yêrêmi 16:15

Ƀiălah mra lah: ‘Tĭng nâm bu Brah Yêhôva gŭ rêh mro mrăng, jêng Nơm hŏ njŭn leo kon sau phung ƀon lan Israel plơ̆ sĭt tă bơh mpeh pa lơ jêh ri tă bơh lĕ rngôch bri dak khân păng bu hŏ mprơh tât.’ Yorlah Gâp mra njŭn tay khân păng plơ̆ sĭt ma bri Gâp hŏ ăn jêh ma phung chô yau khân păng.”

Yêrêmi 29:14

Brah Yêhôva lah: “Gâp mra ăn khân may dơi mâp Gâp jêh ri gâp mra njŭn leo khân may bơh ntŭk ƀư dĭk. Gâp mra rgum tay khân may bơh lĕ rngôch bri dak jêh ri bơh lĕ rngôch ntŭk Gâp hŏ mprơh khân may. Gâp mra njŭn khân may sĭt tă bơh ntŭk Gâp hŏ nhŭp veng leo jêh khân may.”

Yêrêmi 30:18

Brah Yêhôva lah: ‘Aơ, Gâp mra njŭn ngih bok Y-Yakôb plơ̆ sĭt bơh ntŭk jêng bu nă, Gâp mra yô̆ an ntŭk păng gŭ; Ƀon toyh aơ mra ndâk tay ta ntŭk rngot njăp, Ngih hađăch mra ndâk tay ta klơ ntŭk ơm.

Yêrêmi 30:3

Brah Yêhôva lah: ‘Aơ, nar panăp Gâp mra njŭn leo phung ƀon lan Israel jêh ri Yuđa Gâp plơ̆ sĭt tă bơh ntŭk jêng dĭk, Gâp mra njŭn leo khân păng sĭt tâm bri dak Gâp hŏ ăn jêh ma phung chô yau khân păng, jêh ri khân păng mra sŏk dơn bri dak nây ƀư drăp ndơn.’ Brah Yêhôva lah pônây.”

Êsêkiêl 16:53

Gâp mra njŭn leo phung tă bơh nau jêng bu nă ma ƀon Sôdôm jêh ri ma phung kon bu ur păng plơ̆ sĭt, njŭn leo phung tă bơh nau jêng bu nă ma ƀon Samari jêh ri phung kon bu ur păng plơ̆ sĭt, jêh ri tâm ban lĕ njŭn leo phung tă bơh jêng bu nă ay gŭ ta nklang khân păng plơ̆ sĭt đŏng,

Êsêkiêl 39:25

Yor nây, Kôranh Brah Yêhôva lah: ‘Aƀaơ ri, Gâp mra njŭn leo phung tă ƀư bu nă Y-Yakôb plơ̆ sĭt; Gâp mra yô̆ an ma lĕ phung Israel jêh ri Gâp mra ntôn yor amoh kloh ueh Gâp.

Daniel 12:1

“Tâm rnôk nây, tông mpăr toyh Mikel, nơm king n'gang ma phung ƀon lan may mra dâk. Jêh ri mra geh du rơh uh ah mâu mâp saơ ôh bơh ntơm ndâk njêng bri dak kŏ tât ta rnôk nây. Ƀiălah rnôk nây lĕ, mbu nơm tâm phung ƀon lan may geh amoh tâm ndrom samƀŭt ri mra dơi geh nau tâm rklaih.

Yôel 2:29

Tâm lĕ nar nây, Gâp mra nkhŭt Huêng Brah Gâp tâm ban lĕ Ta klơ phung oh mon bu klâu oh mon bu ur.

Amôt 9:14

Gâp mra njŭn leo phung ƀon lan Israel Gâp plơ̆ sĭt bơh bu nă; Khân păng mra ndâk tay lĕ ƀon toyh lĕ rai jêh, jêh ri gŭ ta nây. Khân păng mra tăm đang krăk ƀâu jêh ri nhêt ndrănh păng, Khân păng mra jik mir khân păng jêh ri sa play păng.

Nau Kơp Bunuyh 11:29

Y-Môis ơh nau: “Di lĕ may nach yor ma gâp? Vư! Ŭch ma lĕ rngôch phung ƀon lan Brah Yêhôva jêng phung nơm mbơh lor jêh ri Brah Yêhôva ăn ma Huêng Brah Păng ma khân păng!”

Nau Kơp Bunuyh 12:6

Păng lah: “Iăt hom nau Gâp. Tơlah geh du huê nơm mbơh lor gŭ tâm nklang khân may Gâp jêng Brah Yêhôva mra tâm mpơl ma păng tâm nau tâm saơ Jêh ri Gâp ngơi ma păng tâm nau mbơi.

Nau Vay Nkah Tay 30:3

pôri Yêhôva Brah Ndu mra rklaih khân may luh bơh nau ƀư dĭk, mra yô̆ nđach ma khân may jêh ri mra rgum khân may sĭt bơh lĕ rngôch ntŭk phung ƀon lan Yêhôva Brah Ndu hŏ ƀư chah rai jêh khân may.