Yôel 2:7 - Nau Brah Ndu Ngơi 2023

⁷ Khân păng nchuăt rduh nâm bu phung tahan ktang, Jêh ri hao mpoh mpêr ƀon nâm bu phung tahan; Ăp nơm hăn tĭng trong khân păng nơm, Mâu teng ôh bơh trong khân păng.

Yôel 2:7 Iomraidhean Croise

II Samuel 1:23

Y-Sôl jêh ri Y-Jônathan rŏng ndrăng khân păng âk ngăn, Tâm nau rêh jêh ri tâm nau khĭt, khân păng mâu tâm nkhah ôh: Khân păng prăl lơn klang lêl, Ktang lơn yau mŭr!

II Samuel 5:8

Tâm nar nây, Y-Đavit lah: “Lĕ rngôch phung ŭch tâm lơh đah phung Jêbusit, hăn tĭng hom trong ntu gay hăn trŭnh sŏk dak jêh ri tâm lơh đah phung rvĕn jêh ri phung chieh măt, jêng phung rlăng Y-Đavit.” Yor nau nây geh trong: “Phung chieh măt jêh ri phung rvĕn mâu mra dơi lăp tâm ngih ôh.”

I Nau Rêh Jêng 12:36

Phung ndŭl mpôl Aser, geh puăn rmưn nuyh blau tâm lơh nkra ma nau tâm lơh.

Ndrom Samƀŭt bơh Yôp 16:14

Păng ƀư ma gâp lĕ sôt rmanh aơ tât sôt rmanh ri, Rduh lơh gâp nâm bu du huê tahan janh ktang.

Nau Mprơ Ơm 19:5

Nar jêng tâm ban ma du huê sai luh tă bơh jrô păng, Maak răm nchuăt tâm rlong nâm bu du huê bunuyh dăng ktang.

Nau Hôr 30:27

Krah ndrach nđâp lah mâu geh hađăch, Ƀiălah mpăr n'hoch tĭng mbŭch;

Yêrêmi 5:10

“Hăn hao hom klơ mbor krăk ƀâu jêh ri ƀư rai lơi, Ƀiălah lơi ta ƀư rai lĕ ôh; Koh mƀăr hom lĕ n'gĭng păng, Yorlah mâu jêng ndơ Brah Yêhôva ôh.

Yôel 2:8

Khân păng mâu tâm nklơ̆ tâm tom ndrăng nơm, ăp nơm hăn tĭng trong păng nơm; Khân păng rduh rgăn lĕ ndơ tâm lơh ƀiălah mâu nkân ôh.

Yôel 2:9

Khân păng rduh ran rlet ma ƀon toyh, nchuăt klơ mpêr ƀon, Hao lăp tâm ngih lăp ta mpông bloh nâm bu nuyh ntŭng.