Yôel 2:6 - Nau Brah Ndu Ngơi 2023

⁶ Phung ƀon lan klach sâr tanăp măt khân păng, Lĕ rngôch klach brâp muh măt da dê.

Yôel 2:6 Iomraidhean Croise

Nau Mprơ Ơm 119:83

Yorlah gâp jêng nâm bu nông ntâu krêp nhhuay ŭnh, Ƀiălah ăt gâp mâu chuêl ôh nau vay May dăp.

Êsai 13:8

Khân păng mra râm nsâr. Nau ji ktang jêh ri nau rngot mra tât ma khân păng; Khân păng mra ji tâm ban ma nau ji rngot klâng bu ur dôl deh kon. Khân păng mra tâm uănh ndrăng khân păng nơm ma nau klach, Muh măt khân păng chăng tâm ban ma ŭnh!

Yêrêmi 30:6

Ôp sek hom ri jêh ri sek uănh, Du huê bu klâu dơi deh lĕ? Mâm ƀư Gâp saơ ăp nơm bu klâu Muh măt jêng nglang pal Bar đah ti ut ndŭl nâm bu du huê bu ur ji deh?

Yêrêmi 8:21

Yorlah nau sôt rmanh phung kon bu ur ƀon lan gâp nuih n'hâm gâp ji ngăn yơh, Gâp nhĭm vơl klâng ndrê, nau krit nhŭp nâp gâp.

Nau Nhĭm Vơl 4:8

Ƀiălah aƀaơ măt krăk lơn ônh rnga, Mâu geh ôh bunuyh gĭt năl khân păng ta trong sâng; Knŏng ntâu ndop klơ nting, Lĕ kro nâm bu tơm si.

Nahum 2:10

Khân păng lĕ bu ƀư rai jêh ri sŏk pit lĕ bhiau! Nuih n'hâm khân păng huăr huơi da dê, kômâk râm sâr; Ndŭr kơi ji hâu ngăn, Muh măt lĕ brâp.

Nahum 2:11

Ƀaƀă, tă trôm yau mŭr, Jêng ntŭk ăn yau mŭr kon de sa, Jêng ntŭk yau mŭr nkuăng, yau mŭr me jêh ri kon păng chuat hăn Mâu geh ôh ndơ ƀư ăn ma khân păng klach, Aƀaơ aơ ta ntŭk trôm nây?