Yôel 2:31 - Nau Brah Ndu Ngơi 2023

³¹ Nar mra plơ̆ jêng ngo klĕng, Khay chăng nâm bu mham Lor tât nar dŭt toyh jêh ri klach krit văch bơh Brah Yêhôva.”

Yôel 2:31 Iomraidhean Croise

Yêrêmi 4:28

Yor nây, măt neh mra nhĭm vơl, Trôk mra ngo klĕng; Yor Gâp hŏ lah, lĕ dăp nal jêh, Pôri nau ŭch mâu rgâl, nau ngơi mâu plơ̆ ôh.”

Êsêkiêl 32:7

Tơlah Gâp buh nhhât may Gâp mra nkŭm lĕ ndâr trôk, Jêh ri ăn phung mănh klơ trôk jêng ngo klĕng; Nkŭm nar ma ndâr tŭk, Jêh ri khay mâu mra hôm nchrat ang đŏng ôh.

Yôel 2:1

Uh hom nŭng jêh ri tâm ƀon Siôn, Uh hom ăn nteh klơ yôk kloh ueh Gâp! Ăn lĕ rngôch phung gŭ tâm n'gor bri râm nsâr! Yorlah nar Brah Yêhôva dăch tât, nar nây dăch jêh.

Yôel 2:10

Tanăp khân păng, neh ntu n'găr, Lĕ ndâr trôk n'găr mpât, Nar, khay jêng ngo klĕng, Lĕ mănh mbing mâu hôm nchrat ôh.

Yôel 2:11

Brah Yêhôva ƀư nau Păng ngơi nteh huy tanăp phung tahan Păng, Yorlah pôih tahan Păng âk ngăn jêh ri âk ngăn ngên phung ƀư tĭng nau Păng ntăm ktang ngăn. Nar Brah Yêhôva toyh ngăn ngên jêh ri di ma klach ngăn, Mbu nơm dơi dơn?

Yôel 2:2

Nây jêng du nar ngo kleng chuê chuăng, Du nar tŭk krăk mbâl ngăn! Yorlah geh du phung mpôl bunuyh âk ngăn jêh ri ktang văch tât Luh nchrat lam jŭm yôk nâm bu ang ơm ôi; Ntơm bơh kăl e nau kơt nây mâu hŏ mâp geh, Jêh ri lĕ rngôch rnôk kăndơ̆ ăt mâu mra geh tâm ban pônây đŏng ôh.

Yôel 3:1

“Yor aơ, tâm lĕ nar nây, jêh ri jêng rnôk Gâp mra njŭn phung bu nă bơh Yuđa jêh ri Yêrusalem plơ̆ sĭt,

Yôel 3:15

Nar jêh ri khay jêng ngo klĕng, Lĕ mănh mbing mâu hôm nchrang ôh.

Sakari 14:6

Ta nar nây, mâu mra geh nau ang đŏng ôh, âk mănh mbing nchrat ang mra nhâp êng khân păng nơm.

Malachi 4:1

Brah Yêhôva ma phung tahan lah: “Nĕ, nar nây dăch tât, mra hĭt nâm bu ŭnh năk. Lĕ rngôch phung sưr, lĕ rngôch phung djơh mhĭk mra jêng nâm bu rhe. Nar nây tât mra su khân păng, mâu hôm om ôh ma khân păng reh mâu lah n'gĭng.

Malachi 4:5

Aơ, Gâp mra njuăl nơm mbơh lor Y-Êli văch ma khân may êlor tât nar Brah Yêhôva jêng toyh jêh ri klach hâu ngăn.

Mathay 24:29

Ƀât lât jêh lôch lĕ nar rêh ni nây, nar mra jêng ngo, khay mâu mra nchrat ang ôh, phung mănh mbing mra tŭp tă bơh trôk, jêh ri nau dơi ktang klơ trôk mra mpât n'gơ.

Mathay 27:45

Ntơm bơh nklang bôk nar tât pe mông mhaơ, geh nau ngo nkŭm lam neh ntu.

Luka 21:25

Mra geh nau mbên tâm nar, tâm khay, jêh ri tâm phung mănh, tâm neh ntu mra geh nau uh ah tâm phung mpôl băl bunuyh. Khân păng mâu gĭt, mâm ƀư tăng nteh dak mƀŭt jêh ri dak sial njach.

Kôranh Oh Mon 2:20

Nar mra plơ̆ jêng ngo klĕng, Khay mra jêng mham Lor tât nar dŭt toyh jêh ri chrêk rmah Kôranh Brah.

Nau Tâm Mpơl 8:12

Tông mpăr rơh puăn uh nŭng, du kô̆ tâm pe nar, du kô̆ tâm pe khay jêh ri du kô̆ tâm pe phung mănh mbing tâm tom ndrăng nơm kŏ tât du kô̆ tâm pe phung nĕ jêng ngo, ƀư ăn du kô̆ tâm pe nôk nar mâu geh nau ang, jêh ri nôk măng tâm ban lĕ.