Yôel 2:27 - Nau Brah Ndu Ngơi 2023

²⁷ Khân may mra gĭt pô aơ Gâp gŭ ta nklang phung Israel, Jêh ri gĭt pô aơ Gâp jêng Yêhôva Brah Ndu khân may, Mâu hôm geh nơm êng ôh. Phung ƀon lan Gâp mâu mra geh nau bêk prêng đŏng ôh.

Yôel 2:27 Iomraidhean Croise

Nau Mprơ Ơm 46:5

Brah Ndu gŭ ta nklang ƀon nây, păng mâu mra n'gơ ôh. Ơm ôi Brah Ndu mra kơl păng.

Nau Mprơ Ơm 68:18

Păng hao jêh ntŭk yôk prêh, Njŭn leo âk ngăn phung bu nă, Păng dơn ndơ nhhơr tă bơh kon bunuyh, Nđâp ma phung tâm rdâng, Brah Yêhôva gŭ ndrel ma khân păng.

Nau Hôr 1:23

Plơ̆ sĭt hom iăt nau gâp nkra ntĭm, Aơ, gâp mra nkhŭt brah huêng gâp ma khân may; Ƀư ăn ma khân may gĭt rbăng nau gâp nti.

Êsai 12:6

Ơ phung gŭ tâm ƀon Siôn, troh nter hom jêh ri nter huy tâm rnê! Yorlah Nơm dôl gŭ ta nklang jêng dŭt toyh, Jêng Nơm Kloh Ueh Israel!”

Êsai 44:3

Yorlah Gâp mra nkhŭt dak ta bunuyh ji hir, Ăn dak n'hor hoch ta neh sơh. Gâp mra nkhŭt Brah Gâp ma noi deh may Jêh ri ăn nau ueh lăng ma phung sau se may.

Êsai 44:8

Lơi klach ôh, mâu rŭng răng. Mâu di hĕ Gâp mbơh nau nây ma khân may bơh jŏ jêh? Khân may jêng phung mbơh ngăn ma Gâp. Rlau ma Gâp, hôm geh Brah Ndu êng đŏng? Nanê̆ ngăn, mâu geh Lŭ Toyh êng ôh; Gâp gĭt mâu hôm geh nơm êng ôh.”

Êsai 45:18

Yorlah Brah Yêhôva jêng Nơm hŏ rhăk njêng lĕ ndâr trôk, Jêng Brah Ndu, Nơm hŏ rhăk njêng rplay neh, Păng njêng jêh ri ƀư ăn nâp, Păng mâu rhăk ăn jêng ntŭk hŏng ôh, Ƀiălah njêng păng ăn ntŭk kon bunuyh gŭ. Nơm nây lah pô aơ: “Gâp jêng Brah Yêhôva, mâu hôm geh Nơm êng ôh!”

Êsai 45:5

Gâp jêng Brah Yêhôva, mâu geh Nơm êng ôh, Rlau ma Gâp, mâu hôm geh Brah Ndu êng ôh. Nđâp tơlah may mâu gĭt năl Gâp, Gâp mra rêt an rse bŭt may,

Êsai 45:6

Gay ma phung bunuyh dơi gĭt ntơm bơh ntŭk nar luh tât nar nhâp, Rlau ma Gâp, mâu geh Nơm êng ôh. Gâp jêng Brah Yêhôva, mâu geh Nơm êng ôh.

Êsai 46:9

Ăn khân may kah gĭt tay lĕ nau kan panăp, ntơm bơh rnôk kăl e; Yorlah Gâp jêng Brah Ndu, mâu geh Nơm êng ôh. Gâp jêng Brah Ndu jêh ri mâu geh nơm tâm ban ma Gâp ôh.

Êsai 49:23

Phung hađăch mra jêng mbơ̆ rong siăm may, Phung hađăch bu ur mra jêng me sâm pu may. Khân păng mra kŭnh măt nđĭl ta neh tanăp may, Ler ndruyh neh ta jâng may. Jêh nây may mra gĭt Gâp jêng Brah Yêhôva; Jêh ri phung kâp gân Gâp mâu mra bêk ôh.

Êsai 53:6

Lĕ rngôch he tâm ban ma biăp hăn nhhơt, Ăp nơm he teng tĭng trong păng nơm; Brah Yêhôva hŏ ƀư lĕ rngôch nau tih he N'gân klơ Păng da dê.

Êsêkiêl 37:6

Gâp mra dơm rse suan tâm khân may, mra ăn mlay puăch hon ta klơ khân may jêh ri nkŭm khân may ma ntâu. Gâp mra ăn n'hâm nsôr tâm khân may jêh ri khân may mra rêh; jêh nây khân may gĭt Gâp jêng Brah Yêhôva.’”

Êsêkiêl 39:22

Ntơm bơh nar nây tât kăndơ̆, ngih Israel mra gĭt Gâp jêng Yêhôva Brah Ndu khân păng.

Êsêkiêl 39:28

Khân păng mra gĭt Gâp jêng Yêhôva Brah Ndu khân păng, nđâp lah Gâp hŏ mprơh khân păng jêng bu nă tâm lĕ bri dak êng jêh nây rgum tay khân păng sĭt ta bri dak khân păng nơm, mâu ăn klen du huê bunuyh ôh.

Êsêkiêl 39:29

Gâp mâu mra pôn đŏng ôh muh măt đah khân păng yorlah Gâp mra nkhŭt Huêng Brah Gâp ta klơ ngih Israel,’ Kôranh Brah Yêhôva lah pônây.”

Yôel 2:26

Khân may mra sông sa jêh ri dơi hơm mpay, Jêh ri mra tâm rnê ma amoh Yêhôva Brah Ndu khân may, Jêng Nơm ƀư jêh nau khlay ngăn ngên ma khân may. Phung ƀon lan Gâp mâu mra geh nau bêk prêng đŏng ôh.

Yôel 3:17

“Rnôk nây, khân may mra gĭt Gâp jêng Yêhôva Brah Ndu khân may, Nơm gŭ ta Siôn, jêng yôk kloh ueh Gâp. Yêrusalem mra jêng ƀon kloh ueh Jêh ri phung bu năch mâu mra hôm pit in păng đŏng ôh.”

Yôel 3:21

Gâp mra ƀư kloh nau rnon mham khân păng Gâp ê hŏ mâp ƀư kloh ôh, Yorlah Brah Yêhôva gŭ ta Siôn.

Sôphôni 3:11

Tâm nar nây, may mâu mra hôm bêk prêng ôh Ma lĕ nau may hŏ ƀư jêh gay tâm rdâng đah Gâp; Yorlah nôk nây, Gâp sŏk lơi tă bơh may Phung sưr ir ta nklang may; Jêh ri may mâu mra hôm ôh nau sưr Tâm yôk kloh ueh Gâp đŏng.

Sôphôni 3:17

Yêhôva Brah Ndu may gŭ ta nklang may, Păng jêng Nơm geh nau brah mra tâm rklaih may; Păng mra rhơn răm ngăn yor ma may, Yor nuih n'hâm rŏng, Păng mra gŭ rklăk, Jêh ri yor ma may, Păng mra mprơ ma nau rhơn răm.”

Sakari 2:9

Yor aơ gâp mra rtuh ti tâm rdâng đah khân păng, gay ma khân păng jêng ndơ sa ma phung pah kan ma khân păng. Nôk nây, khân păng mra gĭt Brah Yêhôva ma phung tahan hŏ njuăl gâp hăn.

Nau Kơp Bunuyh 11:29

Y-Môis ơh nau: “Di lĕ may nach yor ma gâp? Vư! Ŭch ma lĕ rngôch phung ƀon lan Brah Yêhôva jêng phung nơm mbơh lor jêh ri Brah Yêhôva ăn ma Huêng Brah Păng ma khân păng!”

Nau Kơp Bunuyh 23:21

Păng mâu saơ ôh nau jêr tâm phung Yakôb Mâu lĕ păng saơ nau uh ah tâm phung Israel. Brah Yêhôva Brah Ndu khân păng gŭ ndrel ma khân păng, Hađăch nter răm maak nklang Israel.

II Kôrintô 6:16

Mâm dơi geh nau tâm rnglăp ngih brah Brah Ndu đah lĕ rup brah? Yorlah he jêng ngih brah Brah Ndu gŭ rêh mro mrăng, nâm bu Brah Ndu lah jêh: “Gâp mra rêh gŭ tâm khân păng jêh ri hăn nsong tâm khân păng; Gâp mra jêng Brah Ndu khân păng, Jêh ri khân păng mra jêng phung ƀon lan Gâp.”

Nau Vay Nkah Tay 23:14

Yorlah Yêhôva Brah Ndu hăn nsong tâm nklang rmlak tahan khân may, gay ma tâm rklaih jêh ri jao phung rlăng ma khân may, yor ri ăn rmlak tahan khân may jêng kloh ueh, gay ma Păng mâu saơ ôh du ntil ndơ ƀơ̆ ta nklang khân may kŏ tât du tă bơh khân may.”

I Pêtrôs 2:6

Yorlah Nau Brah Ndu Ngơi nchih: “Aơ, Gâp dơm ta Siôn du mlâm lŭ, Lŭ njônh ngih Gâp săch jêh ri khlay ngăn; Mbu nơm chroh lŭ nây mâu đit prêng ôh.”

Nau Tâm Mpơl 21:3

Gâp tăng nteh bâr ktang tă bơh sưng hađăch lah nâm pô aơ: “Ri, ngih bok Brah Ndu gŭ ndrel ma kon bunuyh! Păng mra gŭ ndrel ma khân păng jêh ri khân păng mra jêng phung ƀon lan Păng; Brah Ndu yơh mra gŭ ndrel ma khân păng.