Yôel 2:26 - Nau Brah Ndu Ngơi 2023

²⁶ Khân may mra sông sa jêh ri dơi hơm mpay, Jêh ri mra tâm rnê ma amoh Yêhôva Brah Ndu khân may, Jêng Nơm ƀư jêh nau khlay ngăn ngên ma khân may. Phung ƀon lan Gâp mâu mra geh nau bêk prêng đŏng ôh.

Yôel 2:26 Iomraidhean Croise

Nau Ntơm 33:11

Gâp dăn ma may sŏk hom ndơ gâp ăn ma may, yorlah Brah Ndu hŏ yô̆ nđach gâp, jêh ri ăn ma gâp geh rĭng ăp ndơ jêh.” Păng nchâp ngăn jêh ri Y-Êsau sŏk dơn.

Nêhêmi 9:25

Khân păng sŏk jêh lĕ rplay ƀon pôih nâp ngăn, Neh ueh ngăn, ngih bêng ăp ntil ndơ ueh, Lĕ ntu dak kuyh jêh, Đang krăk ƀâu, đang ôlive jêh ri tơm play âk ngăn. Khân păng sa kŏ hơm jêh ri jêng lay ueh; Khân păng răm maak tâm nau ueh toyh ngăn bơh May.

Nau Mprơ Ơm 103:5

Păng ƀư ăn ma may geh nau maak đah lĕ ntil nau ueh Gay nau mom ndăm may dơi plơ̆ sĭt tay nâm bu klang ƀŭng.

Nau Mprơ Ơm 116:7

Ơ huêng gâp, lŏ sĭt hom ma ntŭk may rlu, Yorlah Brah Yêhôva ƀư ueh ma may rmeh ler.

Nau Mprơ Ơm 13:6

Gâp mra mprơ ma Brah Yêhôva, Yorlah Păng ƀư jêh nau ueh ma gâp.

Nau Mprơ Ơm 22:26

Phung blau tông bâr mra sông sa jêh ri dơi hơm; Phung tĭng joi Brah Yêhôva mra tâm rnê ma Păng; Ăn bunuyh geh nuih n'hâm dêh rhêt dơi rêh lĕ rngôch rnôk n'ho ro.

Nau Mprơ Ơm 37:19

Tâm rnôk rêh ni khân păng mâu mra bêk prêng ôh; Tâm nar sât ji ngot khân păng ăt dơi hơm mpay.

Nau Mprơ Ơm 67:5

Ơ Brah Ndu, ăn phung ƀon lan tâm rnê ma May! Lĕ rngôch bunuyh tâm rnê ma May.

Nau Mprơ Ơm 72:18

Khư mprơ tâm rnê ma Yêhôva Brah Ndu jêng Brah Ndu phung Israel. Knŏng du huê Păng ƀư lĕ kan khlay ngăn!

Nau Hôr 13:25

Bunuyh sŏng srăng dơi geh ndơ sông sa tŏng ma păng, Bi ndŭl phung ƀai mra geh nau ji ngot ngăn.

Nau Mprơ Ueh 5:1

Hơi oh gâp, ƀăn gâp, Gâp hŏ lăp tâm đang gâp jêh! Gâp hŏ pĕ si tăng jêh ri ndơ ƀâu kah, Sa mpơng sŭt nđâp dak sŭt gâp, Nhêt ndrănh đah dak toh. Hơi mĭt jiăng, sa hom! Hơi băl mpôl, nhŭl hom ndrui nau rŏng!

Êsai 25:1

Ơ Brah Yêhôva, May jêng Brah Ndu gâp! Gâp mât ton May, gâp tâm rnê ma amoh May; Yorlah May ƀư jêh lĕ nau kan khlay ngăn Jêng lĕ nau kan May hŏ dăp jêh bơh kăl e tâm nau răp jăp jêh ri nau nanê̆ ngăn.

Êsai 29:22

Yor nây, Brah Yêhôva jêng Nơm tâm chuai jêh Y-Abraham hŏ lah jêh ma ngih Yakôb pô aơ: “Aƀaơ aơ, Yakôb mâu mra hôm bêk ôh, Jêh ri muh măt khân păng mra mâu hôm pal.

Êsai 45:17

Bi Israel, Brah Yêhôva mra tâm rklaih, Ma nau tâm rklaih n'ho ro; Kŏ tât n'ho ro, Khân may mâu mra bêk mâu lah uh ah ôh!

Êsai 49:23

Phung hađăch mra jêng mbơ̆ rong siăm may, Phung hađăch bu ur mra jêng me sâm pu may. Khân păng mra kŭnh măt nđĭl ta neh tanăp may, Ler ndruyh neh ta jâng may. Jêh nây may mra gĭt Gâp jêng Brah Yêhôva; Jêh ri phung kâp gân Gâp mâu mra bêk ôh.

Êsai 54:4

“Lơi klach ôh, yorlah ay mâu mra bêk ôh. Lơi dĭl ôh, yorlah ay mâu hôm bêk đŏng ôh. Ay mra chuêl nau ay bêk dôl kon se, Jêh ri ay mâu mra kah gĭt ôh ma nau ay bêk tâm nau bu ur ndrô sai.

Êsai 55:2

Mâm ƀư khân may mplơ̆ prăk gay rvăt ndơ mâu jêng piăng let ôh? Mâm ƀư khân may djôt nau pah kan khân may nơm rgâl sŏk ndơ mâu blau hơm ôh? Njrăng iăt Gâp, sa hom ndơ kah, Jêh ri ƀư maak huêng khân may nơm ma ndơ sa kah.

Kan Lêvi 25:19

Neh mra deh play kao ăn ma khân may, khân may mra sa kŏ hơm jêh ri gŭ rêh ma nau đăp mpăn tâm n'gor.

Kan Lêvi 26:26

Tơlah Gâp ngroh lơi ndơ sông sa ma khân may, jât nuyh bu ur mra gŭch piăng let nsum tâm du rplay năk, jêh ri nhueh piăng let gay pă kô̆; khân may mra sa ƀiălah mâu hơm ôh.

Kan Lêvi 26:5

Yan mprah ba mra nđom jong kŏ tât yan pĕ play krăk ƀâu, yan pĕ play krăk ƀâu mra nđom jong kŏ tât yan tuch tăm. Khân may mra sa piăng let kŏ hơm jêh ri gŭ đăp mpăn tâm n'gor khân may.

Mika 6:14

May mra sông sa ƀiălah mâu dơi hơm, Khŭng may hôm e nsoih; May mra bun ndơ ƀiălah mâu geh ôh prăp; Jêh ri moh ndơ may geh prăp pôri Gâp mra jao ma đao.

Sôphôni 3:11

Tâm nar nây, may mâu mra hôm bêk prêng ôh Ma lĕ nau may hŏ ƀư jêh gay tâm rdâng đah Gâp; Yorlah nôk nây, Gâp sŏk lơi tă bơh may Phung sưr ir ta nklang may; Jêh ri may mâu mra hôm ôh nau sưr Tâm yôk kloh ueh Gâp đŏng.

Sakari 9:15

Brah Yêhôva ma phung tahan mra mât njrăng khân păng, Khân păng mra sa rvăn jêh ri jot lơi lĕ găr lŭ dŏng pănh na; Khân păng mra nhêt sa jêh ri ƀư drơu drơu nâm bu nhŭl ndrănh, Jêh ri mra bêng ler nâm bu tâm ngan rlŭ, Nâm bu ăp njônh nơng ƀư brah.

Sakari 9:17

Ngăn yơh, ueh reh ngăn lĕ rngôch nau ueh! Ba mra ƀư ăn dăng phung mom ndăm, Jêh ri ndrănh mhe ƀư răm maak ma phung bu ur druh.

Samƀŭt Pôl Njuăl Ăn Ma Phung Nsing Ta Ƀon Rôm 10:11

Nau Brah Ndu Ngơi lah: “Mbu nơm chroh ma Păng mâu mra bêk prêng ôh.”

Samƀŭt Pôl Njuăl Ăn Ma Phung Nsing Ta Ƀon Rôm 5:5

jêh ri nau kâp gân mâu ƀư ăn ma he bêk prêng ôh, yorlah nau Brah Ndu rŏng hoch jêh tâm nuih n'hâm he ma Brah Huêng Ueh jêng Nơm ăn jêh ma he.

Samƀŭt Pôl Njuăl Ăn Ma Phung Nsing Ta Ƀon Rôm 9:33

tâm ban geh nchih: “Aơ, Gâp dơm ta Siôn du mlâm lŭ nking, jêng lŭ toyh ƀư ma khân păng chêh prah; Ƀiălah mbu nơm chroh ma păng mâu mra geh nau bêk prêng ôh.”

Nau Vay Nkah Tay 11:15

Păng mra ăn đŏng gơ̆ tâm mir khân may prăp ma mpô mpa rong khân may. Khân may mra sông sa nhêt hơm.

Nau Vay Nkah Tay 12:12

Khân may mra hâk răm tanăp măt Yêhôva Brah Ndu nđâp ma phung kon bu klâu, phung kon bu ur, phung kơl kan bu klâu, phung kơl kan bu ur khân may, jêh ri nđâp ma phung Lêvi gŭ tâm ƀon toyh khân may, yorlah khân păng bu mâu geh ôh mâu lah dơn drăp ndơn ndrel ma khân may.

Nau Vay Nkah Tay 12:18

Ƀiălah ăn khân may sa lĕ ndơ nây tanăp Yêhôva Brah Ndu ta ntŭk Păng lĕ săch, nđâp ma kon bu klâu, kon bu ur, nơm kơl kan bu klâu jêh ri nơm kơl bu ur jêh ri phung Lêvi gŭ tâm ƀon toyh khân may, jêh ri khân may mra hâk răm tanăp Yêhôva Brah Ndu tâm lĕ nau kan khân may hŏ ƀư jêh.

Nau Vay Nkah Tay 12:7

Ta nây, tanăp muh măt Yêhôva Brah Ndu, khân may mra nhêt sa nđâp ma phung tâm vâl khân may jêh ri hâk răm ma lĕ rngôch kan ti khân may nơm ƀư, yor Yêhôva Brah Ndu hŏ ăn jêh nau ueh uĭn ma khân may.

Nau Vay Nkah Tay 8:10

Pôri, lah khân may sa hơm jêh, ăn khân may kah gĭt tâm rnê ma Yêhôva Brah Ndu, yorlah Păng hŏ ăn jêh ma khân may nkual neh ueh nây.

I Timôthê 6:17

Nti nkah hom ma phung ndrŏng gŭ tâm neh ntu aơ lơi sưr rlau jêh ri lơi dơm nau kâp gân ma drăp ndơ mâu nanê̆, ƀiălah dơm hom nau kâp gân tâm Brah Ndu, jêng Nơm ăp nar ăn ma lĕ rngôch ndô ndơ tâm nau rmeh ler gay ma he maak sŏk dơn.

I Yôhan 2:28

Jêh ri aƀaơ, hơi phung kon jê̆, gŭ hom tâm Păng, gay nôk Păng tâm mpơl, he dơi geh nau nănh, mâu đit prêng tanăp măt Păng dôl Păng tât.