Yôel 2:23 - Nau Brah Ndu Ngơi 2023

²³ Hơi phung kon ƀon Siôn, maak răm rhơn hom Tâm Yêhôva Brah Ndu khân may! Yorlah Păng ăn dak mih tŭp yan bôk rah tâm di ăn ma khân may; Nkhŭt dak mih yan bôk rah jêh dak mih kêng dŭt yan Jŭr ăn ma khân may nâm bu saơm.

Yôel 2:23 Iomraidhean Croise

I Phung Hađăch 8:36

pôri dăn Kôranh Brah klơ trôk rkêng tôr iăt khân păng, yô̆ an ma nau tih ma phung oh mon May jêh ri ma phung ƀon lan Israel May. Dăn ma May sâm nti ma khân păng trong di gay ma khân păng mra hăn, jêh ri ăn dak mih tŭp tâm neh Kôranh Brah ăn jêh ma phung ƀon lan May jêng drăp ndơn.

Ndrom Samƀŭt bơh Yôp 33:23

Tơlah tâm khân păng geh du huê tông mpăr, Knŏng ŭch du huê dơm tâm rbăn tông mpăr, Jêng nơm gŭ vah vang gay ntĭm nti kon bunuyh gĭt nau sŏng,

Ndrom Samƀŭt bơh Yôp 37:13

Păng prơh ndâr tŭk hăn, geh tơ̆ gay nduyh nkra, Geh nôk gay djrah neh ntu, Mâu lah ăn nau ueh maak ma kon bunuyh.

Nau Mprơ Ơm 104:34

Ăn nau gâp mĭn dơi ƀư maak ma nuih n'hâm Păng; Yorlah gâp răm maak tâm Brah Yêhôva.

Nau Mprơ Ơm 147:8

Păng nkŭm lĕ ndâr trôk ma tŭk, Ndrăp dak mih ma neh ntu, Ƀư ăn gơ̆ hon tâm lĕ dor yôk.

Nau Mprơ Ơm 149:2

Ăn phung Israel răm maak tâm Nơm rhăk njêng jêh khân păng; Ăn phung kon ƀon Siôn răm maak tâm Hađăch khân păng.

Nau Mprơ Ơm 28:7

Brah Yêhôva jêng nau ktang jêh ri jêng khêl gâp; Nuih n'hâm gâp rnơm nsing ma Păng jêh ri gâp dơi geh nau kơl. Yor ri, nuih n'hâm gâp răm maak ngăn; Gâp mra sŏk nau mprơ tâm rnê ma Păng.

Nau Mprơ Ơm 32:11

Hơi phung sŏng srăng, răm rhơn hom jêh ri hâk maak tâm Brah Yêhôva! Hơi lĕ rngôch mbu geh nuih n'hâm sŏng, nter maak hom!

Nau Mprơ Ơm 84:6

Tơlah dôl hăn rgăn rlŭng nhĭm nhhiăng. Khân păng njêng rlŭng nây jêng dak n'hor; Dak mih bôk rah nkŭm păng ma nau ueh uĭn.

Nau Hôr 16:15

Măt hađăch ang nchrat, sol ang nau rêh; Nau yô̆ păng nâm bu tŭk leo tơm mih yan kao.

Êsai 30:21

Tơlah may teng pa ma mâu lah pa chiau, tôr may mra tăng pakơi may geh bâr lah: “Nây jêng trong, hăn tĭng hom!”

Êsai 30:23

Kôranh Brah mra ăn trôk mih ma găr ntil khân may srih jêh ta neh; ndơ sông sa jêng play kao bơh neh mra jêng ngăn jêh ri rmeh ler. Tâm nar nây, phung mpô mpa khân may rong mra sa gơ̆ tâm ndrêch huy.

Êsai 41:16

May mra mpruh khân păng, jêh ri sial mra khôm khân păng, Trôm sial vănh blông mra ƀư khân păng nchah rai pru pra. Ƀiălah may mra maak tâm Brah Yêhôva, Jêh ri may mra rnê êng tâm Nơm Kloh Ueh Israel.

Êsai 61:10

Gâp mra hâk răm ngăn tâm Brah Yêhôva, Huêng gâp mra răm maak tâm Brah Ndu gâp; Yorlah Păng sâm nsoh ao nau tâm rklaih ma gâp, Nkŭm jêh gâp ma ao jâr nau sŏng srăng, Tâm ban ma du huê bu klâu gŭ ur nsoh ndơ nkrơ̆ nâm bu kôranh ƀư brah, Tâm ban ma du huê bu ur gŭ sai nkrơ̆ păng nơm ma lŭ khlay.

Yêrêmi 3:3

Yor ri dak mih bu hŏ nchăng lơi jêh, Dak mih dŭt yan ăt mâu tât; Nđâp pônây may ăt mâu blau prêng, Măt kranh kơt lŭ tâm ban ma bu ur văng tĭr.

Yêrêmi 5:24

Khân păng mâu lah ôh đah nuih n'hâm păng nơm: ‘He klach yơk hom ma Yêhôva Brah Ndu Nơm hŏ ăn dak mih di yan, Dak mih bôk yan jêh ri dak mih lôch yan, Jêh ri mray ăn phung he Lĕ nar pơh ma yan rek.’

Nau Nhĭm Vơl 4:2

Phung kon bu klâu Siôn ueh ngăn, Khlay ngăn nâm bu mah chrêk, Aƀaơ bu uănh tâm ban ma yăng bu mon uk, Tă bơh kan ti phung mon uk ƀư!

Êsêkiêl 34:26

Gâp mra ƀư ăn khân păng đah lĕ ntŭk văr jŭm yôk Gâp jêng tu nau ueh uĭn. Gâp mra ăn tŭp dak mih tâm di yan; dak mih nây mra jêng nau ueh uĭn.

Ndrom Samƀŭt bơh Ôsê 6:3

Ăn he gĭt năl Brah Yêhôva; Nsrôih hom nau gĭt năl Păng. Nau Păng plơ̆ văch jêng nanê̆ ngăn Nâm bu ƀli luh nar ơm ôi; Păng văch tât ma he nâm bu dak mih, Nâm bu dak mih yan vai tŏ neh.”

Kan Lêvi 26:4

Gâp mra ăn ma khân may dak mih di yan sial di keh, neh mra geh kao play jêh ri tơm si tâm mir mra geh play.

Amôt 4:7

“Tâm ban lĕ Gâp mâu ăn ôh dak mih ma khân may Tâm pe khay lor ma yan rek ba; Gâp hŏ ăn jêh dak mih ta ƀon toyh aơ Ƀiălah mâu ăn dak mih ta ƀon toyh ri. Mir aơ lĕ geh dak mih jêh, Bi ma lôk mir ri mâu geh dak mih ôh lĕ nhop kro.

Sakari 10:1

Dăn hom ma Brah Yêhôva ăn dak mih yan nglĕ dŭt, Brah Yêhôva mra ƀư nglaih lơp, Jêh ri ăn dak mih âk rmeh, Gay ma ăp nuyh dơi geh biăp n'ha tâm mir.

Sakari 10:7

Phung Êphraim mra jêng nâm bu phung geh nau janh, Nuih n'hâm khân păng hâk răm nâm bu nôk nhŭl ndrănh; Phung kon khân păng mra saơ nau nây jêh ri răm maak, Nuih n'hâm khân păng mra maak tâm Brah Yêhôva.

Sakari 9:13

Gâp mra van phung Yuđa nâm bu na gâp, Jêh ri Êphraim nâm bu hăr păng. Hơi ƀon Siôn, Gâp mra nsônh phung kon may Tâm rdâng đah phung kon Javan, Jêh ri Gâp mra ăn may jêng nâm bu đao phung tahan dăng tâm lơh.”

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Kôranh Oh Mon 14:17

Nđâp lah pônây, Păng vay nkoch ƀaƀơ ma Păng nơm dôl Păng ăn nau ueh uĭn, ăn dak mih jŭr tă bơh klơ trôk, ăn ma yan geh play âk, ndơ sông sa âk rmeh, ƀư ma nuih n'hâm khân may bêng ma nau răm maak.”

Nau Vay Nkah Tay 11:14

pôri Păng mra ăn dak mih tâm n'gor di yan, nđâp dak mih yan mih jêh ri dak mih yan kao, gay ma khân may dơi bun prăp ba, ndrănh jêh ri dak ngi.

Nau Vay Nkah Tay 28:12

Brah Yêhôva mra pơk jay ndơ khlay Păng tă tâm trôk gay ăn ma khân may, ăn dak mih di yan ta tâm n'gor khân may jêh ri ăn nau ueh uĭn ma lĕ rngôch kan ti khân may ƀư. Khân may mra ăn ma âk ndŭl mpôl manh ƀiălah khân may mâu mra manh bu ôh.

Nau Vay Nkah Tay 32:2

Nau gâp ntĭm nti tŭp tâm ban ma dak mih, Nau gâp ngơi truh tâm ban ma dak ngom, Tâm ban ma dak mih djrah ta klơ gơ̆ nse, Nâm bu mih ntâng tâm mir.

Philip 3:1

Nau nglĕ dŭt, hơi phung oh nâu gâp, maak hom tâm Kôranh Brah! Gâp mâu klach rkê̆ch tay lĕ nau nây ma khân may, yor nây jêng nau đăp mpăn ma khân may.

Philip 3:3

Yorlah he yơh jêng phung koh ntâu ngăn, phung bunuyh pah kan ma Brah Ndu tă bơh ma Brah Huêng Ueh, khư tâm Brah Yêsu Krist, jêh ri mâu mâp rnơm nsing ma nglay săk ôh.

Philip 4:4

Răm maak mro hom tâm Kôranh Brah, gâp lah tay đŏng: Răm maak hom!