Yôel 2:21 - Nau Brah Ndu Ngơi 2023

²¹ Hơi bri neh, lơi klach ôh! Maak răm rhơn hom, Yorlah Brah Yêhôva ƀư jêh lĕ kan toyh.

Yôel 2:21 Iomraidhean Croise

Nau Ntơm 15:1

Jêh lĕ nau nây, nau ngơi Brah Yêhôva tât ma Y-Abram bơh nau tâm saơ: “Hơi Abram, lơi klach ôh! Gâp jêng khêl ma may; nau nkhôm may mra toyh ngăn.”

Nau Mprơ Ơm 71:19

Ơ Brah Ndu, nau sŏng srăng May Prêh tât tâm trôk. May yơh ƀư jêh lĕ nau kan dŭt toyh, Ơ Brah Ndu, mbu nơm jêng tâm ban ma May?

Nau Mprơ Ơm 98:8

Ăn lĕ dak krong tap ti, Lĕ rngôch yôk mprơ maak ndrel tanăp Brah Yêhôva!

Êsai 35:1

Bri rdah jêh ri neh sơh mra maak; Ndrêch rdah mra răm maak jêh ri luh kao tâm ban ma kao rôs.

Êsai 41:10

Lơi klach ôh yorlah Gâp gŭ ndrel ma may, Lơi klach krit ngăn ôh yorlah Gâp jêng Brah Ndu may! Gâp mra ƀư ktang may; di yơh, Gâp mra kơl may, Gâp mra kuăn rdâng may ma ti ma nau sŏng srăng Gâp.

Êsai 44:23

Ơ lĕ ndâr trôk, mprơ rhơn hom, Yorlah Brah Yêhôva hŏ ƀư jêh nau nây! Ơ lĕ ntŭk tâm dâng neh ntu, troh nter hom! Ơ phung yôk, ơ krŏng jêh ri lĕ rngôch tơm si ta nây, Mprơ huy hom! Yorlah Brah Yêhôva tâm chuai jêh phung Yakôb, Jêh ri tâm mpơl nau chrêk rmah Păng tâm phung Israel.

Êsai 54:4

“Lơi klach ôh, yorlah ay mâu mra bêk ôh. Lơi dĭl ôh, yorlah ay mâu hôm bêk đŏng ôh. Ay mra chuêl nau ay bêk dôl kon se, Jêh ri ay mâu mra kah gĭt ôh ma nau ay bêk tâm nau bu ur ndrô sai.

Êsai 55:12

Yorlah khân may mra hăn ma nau răm maak, Bu mra njŭn khân may ma nau đăp mpăn. Yôk jêh ri dor mra mprơ tanăp khân may, Lĕ rngôch tơm si tâm bri mra tap ti.

Yêrêmi 33:3

‘Kuăl mbơh sơm hom ma Gâp, Gâp mra plơ̆ lah ma may; Gâp mra mpơl ma may lĕ kan toyh jêh ri jêr, jêng lĕ kan may mâp gĭt ôh.’

Ndrom Samƀŭt bơh Ôsê 2:21

Brah Yêhôva lah: “Tâm nar nây Gâp mra plơ̆ lah, Gâp mra plơ̆ lah ma lĕ ndâr trôk, Lĕ ndâr trôk mra plơ̆ lah ma neh ntu.

Yôel 2:20

Gâp mra ăn phung rlăng mpeh pa lơ du ngai ma khân may, Mprơh khân păng tâm ntŭk neh kro nđang jêh ri bri rdah: Mprơh du phung tahan panăp khân păng tâm dak mƀŭt luh nar, Phung tahan pakơi khân păng tâm dak mƀŭt nhâp nar. N'hôl khân păng ƀâu ngăn, N'hôl khân păng luh ƀâu chrĭ.” Yorlah n'hêl nanê̆ Kôranh Brah hŏ ƀư lĕ nau kan toyh.

Yôel 2:26

Khân may mra sông sa jêh ri dơi hơm mpay, Jêh ri mra tâm rnê ma amoh Yêhôva Brah Ndu khân may, Jêng Nơm ƀư jêh nau khlay ngăn ngên ma khân may. Phung ƀon lan Gâp mâu mra geh nau bêk prêng đŏng ôh.

Sakari 8:15

“pôri nar aơ tâm ban lĕ, Gâp hŏ mĭn tay ăn nau ueh yô̆ ma ƀon Yêrusalem jêh ri ma ngih Yuđa. Khân may lơi ta klach ôh!

Nau Vay Nkah Tay 4:32

“Pôri, ăn khân may mĭn ma lĕ nar kăl e, rnôk panăp ma khân may, ntơm bơh nar Brah Ndu rhăk njêng bunuyh ta neh; mĭn hom bơh bôl trôk aơ tât dŭt bôl trôk ri, prot geh nau tât toyh kơt nây, mâu lah hŏ tă tăng jêh moh nau kan tâm ban kơt nây lĕ mâu?

I Samuel 12:16

Pôri, aƀaơ dâk hom ta aơ, gay uănh kan toyh Brah Yêhôva mra ƀư tanăp măt khân may.

I Samuel 12:24

Knŏng khân may klach yơk ma Brah Yêhôva, sŏk lĕ nuih n'hâm răp jăp pah kan ma Păng. Uănh hom lĕ nau kan toyh Păng hŏ ƀư jêh ma khân may!