Yôel 2:19 - Nau Brah Ndu Ngơi 2023

¹⁹ Brah Yêhôva lĕ plơ̆ lah jêh ri lah ma phung ƀon lan Păng pô aơ: “Aơ, Gâp mra ăn ma khân may: Ba răch, ndrănh mhe jêh ri dak ngi, Khân may mra hơm mpay ma lĕ ndơ nây. Gâp mâu mra ƀư ăn khân may Geh nau bêk prêng ta nklang phung mpôl băl bunuyh đŏng ôh.

Yôel 2:19 Iomraidhean Croise

Yêrêmi 31:12

Khân păng mra tât jêh ri mprơ ta klơ ntŭk prêh yôk Siôn; Răm rhơn ma lĕ nau ueh Brah Yêhôva, Ma ba ƀlê, ndrănh mhe, dak ngi, Ma biăp kon jêh ri ndrôk kon; Nuih n'hâm khân păng nâm bu du nkual đang djrah bĕ dak, Mâu hôm rngot hŏt rgănh đŏng ôh.

Êsêkiêl 34:29

Gâp mra ndâk ma khân păng n'gar play lư amoh, khân păng mâu mra khĭt ji ngot đŏng ôh tâm bri khân păng nơm, jêh ri khân păng mâu mra dơn đŏng ôh nau lĕ bri dak văr jŭm ƀư bêk prêng.

Êsêkiêl 36:15

Gâp mâu mra hôm ăn khân may tăng nau lĕ bri dak ƀư prêng đŏng ôh; may mâu mra hôm dơn ôh nau phung ƀon lan ntêh rmot jêh ri mâu mra ƀư chêh prah đŏng ôh ma phung ƀon lan, Kôranh Brah Yêhôva lah pônây.”

Êsêkiêl 36:29

Gâp mra tâm rklaih khân may bơh lĕ rngôch nau ƀơ̆ ƀơch. Gâp mra kuăl ba ƀlê ueh, ăn chăt hon ntop âk jêh ri mâu ăn nau sât ji ngot tât ma khân may.

Êsêkiêl 36:30

Gâp mra ntop âk kao play jêh ri kao play tă bơh mir gay ma khân may mâu geh nau bêk prêng ta nklang lĕ bri dak bu yor nau sa sât ji ngot.

Êsêkiêl 39:29

Gâp mâu mra pôn đŏng ôh muh măt đah khân păng yorlah Gâp mra nkhŭt Huêng Brah Gâp ta klơ ngih Israel,’ Kôranh Brah Yêhôva lah pônây.”

Ndrom Samƀŭt bơh Ôsê 2:15

Tă bơh ntŭk nây, Gâp mra ăn ma păng đang krăk ƀâu, Njêng rlŭng Akôr mra jêng mpông nau kâp gân. Ta nây, păng mra plơ̆ lah nâm bu tâm nar mom ndăm, Nâm bu tâm nar păng luh tă bơh n'gor bri Êjipt.”

Ndrom Samƀŭt bơh Ôsê 2:21

Brah Yêhôva lah: “Tâm nar nây Gâp mra plơ̆ lah, Gâp mra plơ̆ lah ma lĕ ndâr trôk, Lĕ ndâr trôk mra plơ̆ lah ma neh ntu.

Ndrom Samƀŭt bơh Ôsê 2:22

Neh ntu mra plơ̆ lah ma ba ƀlê, Ndrănh mhe, jêh ri dak ngi; Lĕ rngôch pe ntil nây mra plơ̆ lah ma Jesrêel.

Yôel 1:10

Mir ba lĕ rai jêh, Bri neh klâng rngot, yorlah ba ƀlê rai jêh; Ndrănh mhe hŏ suăt jêh, dak ngi ăt mâu hôm geh lĕ.

Yôel 2:24

Lĕ nkual mprah ba mra bêng ma ba ƀlê, Lĕ drŏng mra bêng ler ndrănh mhe jêh ri dak ngi.

Kan Lêvi 26:5

Yan mprah ba mra nđom jong kŏ tât yan pĕ play krăk ƀâu, yan pĕ play krăk ƀâu mra nđom jong kŏ tât yan tuch tăm. Khân may mra sa piăng let kŏ hơm jêh ri gŭ đăp mpăn tâm n'gor khân may.

Sakari 8:12

“Yorlah gŭ ta nây mra geh găr ntil đăp mpăn; tơm krăk ƀâu mra geh play jêh ri neh mra geh play âk tât yan păng, lĕ ndâr trôk mra ăn truh dak tŭk. Gâp mra ăn phung ƀon lan hôm klen dơi dơn lĕ ndơ aơ.

Mathay 6:33

Ƀiălah lor lơn, ăn khân may joi ƀon bri hađăch Brah Ndu jêh ri nau sŏng srăng Păng, ri mơ Păng mra ăn ntop lĕ rngôch ndơ nây ma khân may đŏng.

Nau Vay Nkah Tay 11:14

pôri Păng mra ăn dak mih tâm n'gor di yan, nđâp dak mih yan mih jêh ri dak mih yan kao, gay ma khân may dơi bun prăp ba, ndrănh jêh ri dak ngi.

Bu ur Rut 1:6

Nôk nây, dôl hôm gŭ ta bri Môap, H'Naômi tăng pô aơ Brah Yêhôva khâl jêh ma phung ƀon lan Păng jêh ri ăn ndơ sông sa ma khân păng rĭ dĭng păng ndrel ma bar hê ƀăn păng ntơm du luh bơh bri Môap sĭt ma bri păng nơm.