Yôel 2:16 - Nau Brah Ndu Ngơi 2023

¹⁶ Rgum hom phung ƀon lan, Prăp êng phung tâm rƀŭn jêng kloh ueh; Jă hom phung kôranh bu ranh văch tât; Rgum hom phung kon se, Nđâp ma kon jê̆ hôm pu toh! Bu klâu ntơm nsông ur luh du hom tă bơh trôm jrô păng, Jêh ri ăn ƀăn luh du hom tă bơh jrô bê̆ch!

Yôel 2:16 Iomraidhean Croise

II Nau Rêh Jêng 20:13

Lĕ rngôch phung Yuđa, nđâp phung ur, phung kon se, gŭ dâk panăp Brah Yêhôva da dê.

II Nau Rêh Jêng 29:5

jêh ri lah: “Ơ phung Lêvi, iăt hom gâp! Aƀaơ ri, ƀư kloh hom khân may nơm, jêh ri ƀư kloh lơi ngih Yêhôva Brah Ndu phung chô yau khân may jêh ri sŏk mƀăr lơi ndơ ƀơ̆ ƀơch bơh ngih brah kloh ueh.

II Nau Rêh Jêng 30:17

Tâm phung tâm rƀŭn hôm geh âk phung ê hŏ ƀư kloh ôh khân păng nơm, yor nây, phung Lêvi nhhơr đŏng du kon biăp ƀư nhhơr Nau Găn ăn ma ăp nơm ê hŏ kloh, gay ma khân păng dơi jêng kloh ma Brah Yêhôva.

II Nau Rêh Jêng 30:19

“Dăn ma Brah Yêhôva jêng Nơm ueh, yô̆ an nau tih ma lĕ rngôch bunuyh hŏ lĕ nuih n'hâm tĭng joi Yêhôva Brah Ndu phung chô yau khân păng, nđâp lah mâu hŏ di ôh nau vay ƀư kloh tâm ngih brah kloh ueh gay ƀư kloh khân păng nơm.”

II Nau Rêh Jêng 35:6

Phung khân may nkhĭt hom mpa ƀư brah ƀư rƀŭn Nau Găn, prăp êng khân may nơm ma nau kloh ueh jêh ri nkra rƀŭn Nau Găn ăn ma phung oh nâu khân may, gay ƀư ăn di nâm bu nau ngơi Brah Yêhôva hŏ dŏng bâr mbung Y-Môis mbơh.”

Ndrom Samƀŭt bơh Yôp 1:5

Lôch jêh nar nhêt sa, Y-Yôp vay kuăl phung kon păng plơ̆ sĭt gay ƀư nau rƀŭn ƀư kloh ma khân păng. Păng kah rngăl ơm ôi nhhơr ndơ ƀư brah gŭch ma ăp nơm kon, yor păng mĭn êng: “Klach lah phung kon gâp ƀư tih jêh ri tâm nuih n'hâm suai rak Brah Ndu.” Y-Yôp ƀư ƀaƀơ pônây.

Nau Mprơ Ơm 19:5

Nar jêng tâm ban ma du huê sai luh tă bơh jrô păng, Maak răm nchuăt tâm rlong nâm bu du huê bunuyh dăng ktang.

Nau Ngluh Êjipt 19:10

Brah Yêhôva lah ma Y-Môis: “Hăn hom ma phung ƀon lan, prăp êng khân păng ăn kloh ueh ta nar aơ jêh ri ôi taơ. Đă khân păng pih lơi kho ao khân păng;

Nau Ngluh Êjipt 19:15

Păng ntăm ma phung ƀon lan: “Ăn khân may ndrăp kŏ tât nar tal pe. Lơi ta khân may bê̆ch ndrel ma du huê bu ur ôh.”

Nau Ngluh Êjipt 19:22

Nđâp lah phung kôranh ƀư brah kđôi lĕ, dôl văch dăch Brah Yêhôva, ăt ŭm rao ăn kloh khân păng nơm mơ; lah mâu iăt Brah Yêhôva mra rmal ma khân păng.”

Yôel 1:14

Nal hom nar ât sông sa! Kuăl hom tâm rgum du mpôl toyh! Tâm rgum hom phung kôranh bu ranh jêh ri lĕ rngôch bunuyh gŭ tâm n'gor Ta ntŭk ngih Brah Yêhôva Brah Ndu khân may! Jêh ri kuăl mbơh sơm hom ma Brah Yêhôva!

Mathay 21:16

jêh ri lah ma Brah Yêsu pô aơ: “May tăng lĕ nau phung kon se aơ lah?” Brah Yêsu plơ̆ lah: “Ơ, khân may mâu mâp uănh hĕ nau nchih jêh pô aơ: May geh jêh nau tâm rnê tă bơh trôm mbung kon se jê̆ jêh ri kon se dôl pu?”

Mathay 9:15

Brah Yêsu plơ̆ lah: “Mâm ƀư phung bu jă râng nau nhêt sông tâm nkol ur sai ƀiălah rngot muh măt tâm nôk bu klâu ntơm gŭ ur gŭ ndrel đah khân păng? Ƀiălah tât ta nar bu kuăl bu klâu nây du tă bơh khân păng, nôk nây khân păng mra ât sông sa.

I Kôrintô 7:5

Lơi tâm dun ndrăng khân ay may ôh, knŏng tơlah lĕ bar ding du ai ƀât lât, prăp êng mông nar ma nau mbơh sơm, ƀiălah pakơi nây plơ̆ gŭ ndrel, klach lah Satan ndơm khân ay may tâm nôk khân ay may mâu dơi ât.

Yôsuê 7:13

Dâk hom, ƀư kloh ueh phung ƀon lan jêh ri lah pô aơ: ‘Nar ôi taơ, khân may ƀư kloh hom khân may nơm yorlah Yêhôva Brah Ndu Israel lah: “Ơ Israel, khân may hôm mât lĕ ndơ prăp ma nau ƀư rai tâm nklang khân may! Khân may mâu dơi tâm rdâng đah phung rlăng khân may ôh kŏ tât rnôk khân may sŏk ngluh lơi lĕ ndơ prăp ma nau ƀư rai nây.”

Yôsuê 8:35

Y-Yôsuê răk rĭng lĕ rngôch nau Y-Môis ntăm tanăp lĕ rngôch phung ƀon lan Israel, lĕ phung bu ur, phung kon se, jêh ri phung bu năch gŭ tâm nklang khân păng.

I Samuel 16:5

Păng lah: “Nau đăp mpăn! Gâp văch gay nhhơr mpa ƀư brah ma Brah Yêhôva. Ƀư kloh hom khân may nơm jêh ri văch ndrel ma gâp ma nau ƀư brah.” Păng ƀư kloh đŏng ma Y-Yêsê jêh ri phung kon bu klâu păng, jêh ri jă khân păng hăn tât ndrel ma nau ƀư brah.