Yôel 2:13 - Nau Brah Ndu Ngơi 2023

¹³ Hêk hom nuih n'hâm khân may jêh ri lơi hêk ôh ao. Plơ̆ sĭt hom ma Yêhôva, Brah Ndu khân may, Yorlah Păng ueh, yô̆ nđach, mâu gơnh ji nuih jêh ri ndrŏng ma nau rŏng; Rgâl nau mĭn mâu ƀư mhĭk.

Yôel 2:13 Iomraidhean Croise

Nau Ntơm 37:29

Nôk Y-Ruben plơ̆ tay ta ntu nây, mâu saơ ôh Y-Yôsep gŭ tâm dâng nây, pôri păng nkhêk ao păng nơm,

Nau Ntơm 37:34

Y-Yakôb nkhêk kho ao, sŏk bok ƀau mbăn ta bŭt jêh ri rngot klâng ma kon păng jŏ nar.

II Samuel 1:11

Y-Đavit khêk ao păng nơm; lĕ rngôch phung tĭng ndô̆ păng tâm ban lĕ ƀư pônây da dê.

I Phung Hađăch 21:27

Tơlah Y-Ahap tăng lĕ nau nây, păng nkhêk bok ao, nsoh ao nsrôt ƀau, ver ât sông sa, bê̆ch tâm ƀau, jêh ri mbơh nau n'hôi săk păng nơm deh rhêt.

II Phung Hađăch 22:11

Lah tăng lĕ nau ngơi tă bơh ndrom samƀŭt nau vay, hađăch nkhêk ro ao păng nơm.

II Phung Hađăch 22:19

‘Tơlah may tăng nau Gâp lah tâm rdâng đah ntŭk aơ jêh ri tâm rdâng đah phung ƀon lan păng pô aơ, ntŭk aơ mra jêng rngol, phung ƀon lan bu rak rtăp, yorlah may geh nuih n'hâm rmal, trŭnh săk may nơm tanăp măt Brah Yêhôva, nkhêk ao may nơm jêh ri nhhiăng nhĭm tanăp măt Gâp. Yor ri, Gâp hŏ tăng jêh nau may mbơh sơm.

II Phung Hađăch 5:7

Tơlah jêh hađăch Israel răk samƀŭt nây lôch jêh, păng nkhêk ro bok ao păng jêh ri lah: “Păng prơh nơm văch ma gâp gay gâp ƀư bah ji phŭng. Gâp mâu di jêng Brah Ndu lĕ, dĭng dơi nkhĭt jêh ri ăn dâk rêh? Ăn khân may gĭt jêh ri saơ pô aơ păng joi nau gay ƀư jêr đah gâp.”

II Phung Hađăch 6:30

Tơlah hađăch tăng lĕ nau bu ur nây ngơi lôch jêh, păng nkhêk lơi ro bok ao păng nơm. Nôk nây, păng dôl hăn rgăn ta klơ mpêr ƀon, phung ƀon lan saơ, păng nsoh ao ƀau.

II Nau Rêh Jêng 6:27

ta rnôk ri dăn ma May klơ trôk rkêng tôr iăt, yô̆ an ma nau tih phung oh mon May jêh ri ma phung ƀon lan Israel May. Jêh nây tơlah May sâm nti jêh ma khân păng trong di ma khân păng hăn tĭng, dăn ma May ăn dak mih djrah ta klơ neh May ăn jêh ma phung ƀon lan May jêng drăp ndơn.

Nêhêmi 9:17

Khân păng mâu tông bâr ôh jêh ri mâu kah gĭt ma nau mbên khlay ngăn ngên Kôranh Brah hŏ ƀư jêh ta nklang khân păng, Ƀiălah khân păng dăng ko jêh ri tâm nôk tâm rdâng, Khân păng săch du huê kôranh chiă uănh gay leo ma khân păng plơ̆ sĭt tay nau ƀư dĭk. Ƀiălah Kôranh Brah jêng Brah Ndu rơm ndrăp yô̆ an, vay ƀư nau yô̆, jêh ri yô̆ nđach, Mâu gơnh ji nuih jêh ri bêng ma nuih n'hâm ueh. Kôranh Brah mâu chalơi khân păng ôh.

Ndrom Samƀŭt bơh Yôp 1:20

Y-Yôp dâk ro, nkhêk ao păng jêh ri poih bôk jêh nây chon mon ta neh mbah yơk

Nau Mprơ Ơm 103:8

Brah Yêhôva bêng ma nau yô̆ nđach, vay ƀư ueh, Mâu gơnh duh nuih jêh ri ndrŏng ma nau ueh.

Nau Mprơ Ơm 106:45

Păng kah gĭt yô̆ ma phung nây yor nau Păng tâm rnglăp. Păng yô̆ nđach ma phung nây tĭng nau ueh Păng mâu blau lôch ôh.

Nau Mprơ Ơm 34:18

Brah Yêhôva gŭ dăch đah phung bunuyh geh nuih n'hâm hŏt rgănh Jêh ri tâm rklaih phung geh nuih n'hâm rngot ma nau tih.

Nau Mprơ Ơm 51:17

Mpa ƀư brah ƀư maak nuih n'hâm Brah Ndu, nây jêng huêng rngot; Ơ Brah Ndu! May mâu tâm rmot ôh ma nuih n'hâm rêh ni rngot ma nau tih.

Nau Mprơ Ơm 86:15

Ƀiălah ơ Kôranh Brah, May jêng Brah Ndu blau yô̆ nđach jêh ri ƀư ueh, Mâu gơnh nuih, bêng ma nuih n'hâm ueh jêh ri nau nanê̆ ngăn.

Nau Mprơ Ơm 86:5

Ơ Kôranh Brah! May jêng ueh, bêng ma yô̆ an, Ăn bêng nau ueh ma phung kuăl dăn ma May.

Êsai 57:15

Nơm dŭt prêh, Nơm bu yơk mbah, gŭ ntŭk n'ho ro dŭt ngăn, Amoh Păng jêng Kloh Ueh; Nơm nĕ lah: “Gâp gŭ tâm ntŭk prêh jêh ri kloh ueh, Ƀiălah gŭ ndrel ma nơm geh nuih n'hâm rngot ma nau tih jêh ri nuih n'hâm dêh rhêt, Gay plơ̆ ăn rêh nuih n'hâm phung dêh rhêt, Jêh ri gay ăn rêh tay nuih n'hâm nơm rngot ma nau tih.

Êsai 58:5

Di lĕ nây jêng nau ât sông sa Gâp săch jêh, Jêng nar bu ntrŭnh săk păng nơm? Di lĕ kŭnh bôk tâm ban ma du mlâm tơm rpho, Gŭ ta klơ ƀau jêh ri ndruyh ŭnh buh, Khân may rnha nau nây jêng ât sông sa, Jêng nar Brah Yêhôva dơi dơn lĕ?

Êsai 66:2

Ti Gâp rhăk njêng jêh lĕ rngôch ndô ndơ aơ, Jêh ri lĕ rngôch ndơ nây jêng jêh.” Brah Yêhôva lah pônây. “Aơ jêng bunuyh Gâp uănh, Jêng nơm dêh rhêt jêh ri geh huêng rngot ma nau tih, Nơm klach râm nsâr ma nau Gâp ngơi.

Yêrêmi 36:7

Klăp lah khân păng mra plơ̆ tay vơh vơl ma Brah Yêhôva jêh ri chalơi trong mhĭk păng, yorlah nau nuih jêh ri hao nuih Brah Yêhôva hŏ mbơh jêh tâm rdâng đah ƀon lan aơ jêng krit toyh ngăn.”

Yêrêmi 41:5

pôri geh pham jât nuyh bu klâu tât tă bơh Sichem, Silô, jêh ri tât tă bơh Samari. Khân păng poih têp kang, nsoh bok ao sat, rek tor êng săk jăn khân păng nơm, ti djôt leo ndơ ƀư brah rnih môi jêh ri ndơ ƀâu kah gay nhhơr tâm ngih Brah Yêhôva.

Yêrêmi 42:10

‘Tơlah khân may hôm dŏng gŭ tâm n'gor bri aơ pôri Gâp mra ndâk mâu rơih lơi ôh, mra brôi tăm mâu geh rôk lơi ôh; yorlah Gâp nhhuach ma nau mhĭk Gâp hŏ ƀư jêh ma khân may.

Êsêkiêl 9:4

jêh ri lah: “Hăn hom rgăn lam ƀon, jêng ƀon Yêrusalem, jêh ri nchih nau mbên ta ndăr kleng phung bunuyh vơl nter, nhĭm nhhiăng ma lĕ rngôch nau mhĭk hŏ ƀư tih jêh nklang ƀon aơ.”

Ndrom Samƀŭt bơh Ôsê 14:1

Hơi Israel, plơ̆ sĭt hom ma Yêhôva Brah Ndu may, Yorlah nau tih may nơm ƀư ăn may chêh prah.

Yônais 3:9

Gĭt lah Brah Ndu mra tâm rgâl nau mĭn jêh ri lơi lĕ nau Păng ji nuih gay ăn ma he klaih bơh nau khĭt?”

Yônais 4:2

Păng mbơh sơm ma Brah Yêhôva pô aơ: “Ơ Brah Yêhôva, mâu di hĕ nau aơ jêng nau gâp hŏ lah jêh ma May dôl gâp hôm gŭ tâm bri gâp hĕ? Yor nây yơh gâp ndal hăn du ma bri Tarsis. Yorlah gâp gĭt May jêng Brah Ndu ueh, yô̆ nđach, mâu gơnh ji nuih ôh, bêng ma nau ueh jêh ri tâm rgâl nau mĭn mâu ƀư tŭp nau mhĭk.

Mika 7:18

Mbu nơm jêng Brah Ndu nâm bu May? May yô̆ an nau djơh mhĭk jêh ri mâu ndăng ôh nau ƀư tih Ma phung hôm e, jêng drăp ndơn Păng. Păng mâu prăp n'ho ro ôh nau păng nuih, Yorlah Păng răm maak nau ueh.

Nahum 1:3

Brah Yêhôva mâu gơnh nuih ôh jêh ri geh nau brah dŭt toyh, Ƀiălah Păng mâu uănh ôh nơm geh nau tih jêng mâu tih. Brah Yêhôva chuat hăn tâm phŭt chuănh jêh ri tâm sial vănh blông, Ndâr tŭk jêng ndruyh neh tâm dâng jâng Păng.

Nau Kơp Bunuyh 14:18

‘Brah Yêhôva mâu gơnh nuih ôh, Jêh ri ndrŏng ma nuih n'hâm yô̆ nđach, Yô̆ an nau tih jêh ri nau tâm rdâng, Ƀiălah mâu kơp nơm geh nau tih ôh jêng mâu geh nau tih, Jêh ri rmal ma phung kon sau kŏ tât pe puăn rô̆ nuyh Yorlah nau tih phung chô yau.’

Samƀŭt Pôl Njuăl Ăn Ma Phung Nsing Ta Ƀon Rôm 2:4

Mâu lah may uănh dơm dam lĕ ma nau âk rmeh nuih n'hâm ueh, nau srôih jêh ri nau yô̆ Păng? May mâu gĭt hĕ nuih n'hâm ueh Brah Ndu njŭn leo may tâm rmal nau tih may nơm?

Êphêsô 2:4

Ƀiălah Brah Ndu, jêng Nơm ndrŏng nuih n'hâm yô̆ nđach, yor Păng rŏng he ma nau rŏng dŭt prêh,

I Timôthê 4:8

yorlah nau nsrôih nti ma săk jăn knŏng jêng khlay djê̆ djê̆, ƀiălah nau klach yơk jêng khlay lơn ma lĕ rngôch nau, yorlah geh nau ton ma nau rêh rnôk aơ jêh ri ma nau rêh rnôk kăndơ̆ đŏng.