Yôel 2:11 - Nau Brah Ndu Ngơi 2023

¹¹ Brah Yêhôva ƀư nau Păng ngơi nteh huy tanăp phung tahan Păng, Yorlah pôih tahan Păng âk ngăn jêh ri âk ngăn ngên phung ƀư tĭng nau Păng ntăm ktang ngăn. Nar Brah Yêhôva toyh ngăn ngên jêh ri di ma klach ngăn, Mbu nơm dơi dơn?

Yôel 2:11 Iomraidhean Croise

Nau Mprơ Ơm 18:14

Păng pănh hăr ƀư ma phung rlăng du pru pra, Luh nteh nglaih nchrat ang ăn khân păng krit ngăn.

Nau Mprơ Ơm 46:6

Phung mpôl băl bunuyh drơu drơu, lĕ bri dak n'gơ n'găr; Geh bâr Păng, neh ntu lêk hoch ro.

Nau Mprơ Ơm 68:18

Păng hao jêh ntŭk yôk prêh, Njŭn leo âk ngăn phung bu nă, Păng dơn ndơ nhhơr tă bơh kon bunuyh, Nđâp ma phung tâm rdâng, Brah Yêhôva gŭ ndrel ma khân păng.

Êsai 13:4

Ta lĕ yôk geh nau uh ah, Tâm ban ma nteh phung tahan âk râk! Nĕ jêng nter rđuh ngrông bơh lĕ bri hađăch, Jêng lĕ bri dak tâm rƀŭn tâm mâp ndrel. Brah Yêhôva ma phung tahan dôl hŏ rgum băl Du phung tahan gay hăn tâm lơh.

Êsai 42:13

Brah Yêhôva mra hăn panăp tâm ban ma du huê nơm tahan janh ktang, Tâm ban ma du huê bunuyh tahan bêng ma nau duh nđơr; Păng nter, ngơi huy rduh tâm lơh, Jêh ri Păng mra lơh rai lĕ phung rlăng đah Păng nơm.

Êsai 7:18

Tâm nar nây, Brah Yêhôva mra uh nŭng kuăl huăch rhuay gŭ nglĕ dŭt tâm ăp dak krong bri Êjipt jêh ri kuăl sŭt bơh bri Asiri tât.

Yêrêmi 25:30

“Yor nây, ăn may gơnh djôt nau ngơi aơ mbơh lor tâm rdâng đah khân păng: ‘Bơh ntŭk prêh ta klơ, Brah Yêhôva hŏ nter troh, Păng hŏ ngơi, bơh ntŭk kloh ueh Păng nter huy tâm rdâng đah phung biăp Păng, Păng ntơm ngơi kuăl nâm bu phung jot play krăk ƀâu, Tâm rdâng đah lĕ rngôch phung gŭ ta neh ntu.

Yêrêmi 30:7

Rêh ni ngăn! Nar nây klach krit ngăn Mâu mâp geh nar tâm ban ma nar nây; Nây jêng rơh nau rêh ni tât ma phung Yakôb, Ƀiălah păng mra dơi rklaih bơh nar nây.’

Yêrêmi 50:34

Nơm Tâm chuai khân păng jêng ktang ngăn. Amoh Păng jêng Brah Yêhôva ma phung tahan. N'hêl nanê̆ Păng mra koh dŏng ma khân păng gay ăn nau đăp mpăn ma bri dak khân păng, ƀiălah ƀư rŭng răng ma phung gŭ tâm bri Babilôn.”

Êsêkiêl 22:14

Tât nar Gâp mra phat dôih, dơi lĕ nuih n'hâm may dơi dơn đŏng jêh ri ti may ăt hôm jêng ktang lĕ? Gâp, Brah Yêhôva, hŏ ngơi jêh pôri Gâp mra ƀư ngăn nau nây.

Yôel 1:15

Ơ nar nây! Yorlah nar Brah Yêhôva dăch tât jêh. Păng tât nâm bu du nau ƀư rai văch tă bơh Nơm Geh Nau Brah.

Yôel 1:6

Yorlah du phung mpôl bunuyh ktang jêh ri âk mâu dơi kơp hăn tâm lơh đah bri Gâp; Sêk khân păng jêng sêk yau mŭr, Khân păng geh neng yau mŭr me.

Yôel 2:1

Uh hom nŭng jêh ri tâm ƀon Siôn, Uh hom ăn nteh klơ yôk kloh ueh Gâp! Ăn lĕ rngôch phung gŭ tâm n'gor bri râm nsâr! Yorlah nar Brah Yêhôva dăch tât, nar nây dăch jêh.

Yôel 2:2

Nây jêng du nar ngo kleng chuê chuăng, Du nar tŭk krăk mbâl ngăn! Yorlah geh du phung mpôl bunuyh âk ngăn jêh ri ktang văch tât Luh nchrat lam jŭm yôk nâm bu ang ơm ôi; Ntơm bơh kăl e nau kơt nây mâu hŏ mâp geh, Jêh ri lĕ rngôch rnôk kăndơ̆ ăt mâu mra geh tâm ban pônây đŏng ôh.

Yôel 2:25

Gâp mra ntrok tay ăn ma khân may Ma lĕ yan geh grăch sa Tă bơh ma krah, ndrŭng n'huk ntâu, ndrŭng rchuăl jêh ri krah nsăt, Jêng phung tahan toyh Gâp hŏ njuăl tât ta nklang khân may.

Yôel 2:31

Nar mra plơ̆ jêng ngo klĕng, Khay chăng nâm bu mham Lor tât nar dŭt toyh jêh ri klach krit văch bơh Brah Yêhôva.”

Yôel 3:14

Mpôl bunuyh âk ngăn, n'hêl nanê̆ jêng âk râk ngăn Tâm rlŭng Nau Phat Dôih! Yorlah nar Brah Yêhôva dăch jêh Tâm rlŭng Nau phat dôih.

Yôel 3:16

Brah Yêhôva mra rđuh bơh Siôn; Păng ƀư ăn nteh huy bâr Păng nơm luh bơh Yêrusalem. Lĕ ndâr trôk jêh ri lĕ rngôch neh ntu mpât n'găr da dê. Ƀiălah Brah Yêhôva jêng ntŭk nde ma phung ƀon lan Păng, Jêng pôih nâp ma phung ƀon lan Israel.

Amôt 1:2

Păng lah: “Tă bơh yôk Siôn, Brah Yêhôva ngrông nter. Tă bơh Yêrusalem, Păng ƀư bâr ngơi huy ngăn. Lĕ ndrêch gơ̆ phung chiăp biăp mra vơl nđor, N'gơn yôk Karmel mra nhop kro.”

Amôt 5:18

“Rêh ni ngăn ma khân may jêng phung kâp gân nar Brah Yêhôva! Ndơ jan khân may kâp gân ma nar Brah Yêhôva? Nây jêng nar nau ngo klĕng, mâu di nar nau ang ôh.

Amôt 5:20

Mâu di hĕ nar Brah Yêhôva jêng nar nau ngo, mâu geh nau ang, Nar ngo vêt vê mâu geh nchrat ang ôh?

Apdia 1:15

Yorlah nar Brah Yêhôva hŏ dăch tât jêh ma lĕ rngôch bri dak. Aƀaơ, bu mra ƀư ma may di nâm bu may hŏ tă ƀư; Lĕ nau kan may ƀư mra nkhŭt tay ta bôk may nơm.

Nahum 1:6

Mbu nơm dơi dâk tanăp nau Păng ji nuih? Mbu nơm dơi srôih dơn nau Păng duh nuih? Nau Păng ji nuih nkhŭt nâm bu ŭnh sa, Lĕ lŭ toyh mra chah yor tă bơh Păng.

Malachi 3:2

Ƀiălah mbu nơm dơi dơn nar Păng văch? Mbu nơm dơi dâk lah păng tâm mpơl? Yorlah Păng jêng nâm bu ŭnh bunuyh blau krĕt prăk, nâm bu buh bunuyh blau ƀư kloh bok.

Nau Kơp Bunuyh 24:23

Y-Balaam ngơi nau mbơh lor pô aơ: “Vư! Tơlah Brah Ndu ƀư nau aơ, Mbu jêng lĕ phung rƀŭn ndrel mpeh bơh lơ?

I Têsalônik 4:16

Yorlah lah tât nau ăn jêh, ndrel ma bâr kuăl bơh kôranh tông mpăr, jêh ri bâr nŭng Brah Ndu, pô ri Kôranh Brah nơm mra jŭr văch tă bơh trôk. Nôk nây, phung bunuyh khĭt tâm Brah Krist mra dâk rêh tay lor lơn.

Nau Tâm Mpơl 18:8

Yor ri, tâm du nar lĕ nau rêh ni mra văch ma păng: Nau khĭt, nau klâng ndrê, nau sa sât ji ngot. Ŭnh mra su lơi păng, Yorlah Kôranh Brah, Nơm phat dôih păng, jêng Brah Ndu geh bêng nau dơi.”

Nau Tâm Mpơl 6:17

yorlah nar phung Păng ji nuih toyh hŏ tât jêh, mbu nơm dơi gŭ tanăp nau nây?”