Yôel 2:1 - Nau Brah Ndu Ngơi 2023

¹ Uh hom nŭng jêh ri tâm ƀon Siôn, Uh hom ăn nteh klơ yôk kloh ueh Gâp! Ăn lĕ rngôch phung gŭ tâm n'gor bri râm nsâr! Yorlah nar Brah Yêhôva dăch tât, nar nây dăch jêh.

Yôel 2:1 Iomraidhean Croise

I Nau Rêh Jêng 15:28

Pôri, lĕ rngôch Israel njŭn leo Hip Nau Tâm Rnglăp Brah Yêhôva ma nau troh nter, ma bâr nŭng, bâr rgu dang nteh ăn huy ngăn nđâp ma bâr gong rêng jêh ri gong rêng loih.

Nau Mprơ Ơm 119:120

Nglay săk gâp râm sâr yor klach ma May, Gâp klach râm sâr đŏng gŭ tanăp nau May phat dôih.

Nau Mprơ Ơm 87:1

Păng n'gân mbon ma ƀon Păng Ta klơ yôk kloh ueh.

Nau Ngluh Êjipt 10:14

Krah bêng lam n'gor Êjipt jêh ri trŭnh lam n'gor nây. Krah âk ngăn ngên, kăl e mâu mâp geh ôh krah jêh ri nar kăndơ̆ kŏ mâu geh đŏng kơt nây.

Êsai 13:6

Nhĭm nhhiăng hom, yorlah nar Brah Yêhôva dăch jêh! Nar nây mra tât tâm ban ma nau ƀư rai bơh Nơm Geh Lĕ Nau Brah.

Êsai 13:9

Aơ, nar Brah Yêhôva tât jêh, Jêng nar dŭt mhĭk, ma nau ji nuih jêh ri ji nuih hâu ngăn, Gay ăn bri neh jêng rngot njăp, Jêh ri ƀư rai phung tih bơh nây.

Êsai 2:12

Yorlah Brah Yêhôva ma phung tahan hŏ tâm nal jêh du nar Tâm rdâng đah phung sưr, ma phung rnam, jêh ri ma phung n'hao êng khân păng nơm; Bu mra n'glưh lơi khân păng.

Êsai 66:2

Ti Gâp rhăk njêng jêh lĕ rngôch ndô ndơ aơ, Jêh ri lĕ rngôch ndơ nây jêng jêh.” Brah Yêhôva lah pônây. “Aơ jêng bunuyh Gâp uănh, Jêng nơm dêh rhêt jêh ri geh huêng rngot ma nau tih, Nơm klach râm nsâr ma nau Gâp ngơi.

Êsai 66:5

Ơ khân may jêng phung râm nsâr ma nau Ngơi Brah Yêhôva, Iăt hom nau Brah Yêhôva: “Phung oh nâu khân may tâm rmot ma khân may Jêh ri mƀăr lơi khân may yor amoh Gâp, khân păng geh lah pô aơ: ‘Ăn Brah Yêhôva geh nau chrêk rmah, Gay ma hên dơi saơ nau răm maak khân may!’ Ƀiălah khân păng yơh mra bêk.”

Yêrêmi 16:10

Dôl may mbơh ăn ma phung ƀon lan aơ lĕ rngôch nau nây, khân păng mra ôp may: ‘Mâm ƀư Brah Yêhôva tâm nal nkhŭt nau mhĭk dŭt krit kir aơ tât ma hên? Moh nau mhĭk hên? Moh nau hên hŏ ƀư tih đah Yêhôva Brah Ndu hên?’

Yêrêmi 16:7

Mâu geh nơm nkê̆ch ƀănh ăn ma phung klâng ndrê gay bonh leng khân păng ma bunuyh hŏ khĭt; mâu đŏng geh lĕ nơm ăn kachok tâm pă nau rngot yor nau khĭt mê̆ mbơ̆ khân păng.

Yêrêmi 4:5

Mbơh hom tâm phung Yuđa jêh ri tâm ƀon Yêrusalem pô aơ: “Uh nŭng hom lam neh. Nter huy hom pô aơ: ‘Abaơ, he tâm rgum hom Jêh ri du lăp ma ƀon nâp!’

Yêrêmi 5:22

Brah Yêhôva lah: “Lĕ phung khân may mâu klach yơk ma Gâp Mâu râm nsâr hĕ tanăp măt Gâp? Gâp jêng Nơm hŏ sŏk jêh choih ƀư n'har ma dak mƀŭt, Du ntŭk nal n'ho ro mâu dơi rlau ôh. Rbuh geh nkŏch ăt mâu dơi; Dak Mƀŭt geh ngrông nteh ăt mâu ler rlau ôh.

Êsêkiêl 12:23

Yor nây, mbơh hom ma khân păng: ‘Kôranh Brah Yêhôva lah: Gâp mra ƀư ăn lôch nau hôr nây, bu mâu mra dŏng păng đŏng ôh ƀư du nau hôr tâm bri Israel.’ Ƀiălah ngơi hom ma khân păng pô aơ: ‘Lĕ nar dăch tât jêh, lĕ nau tâm saơ mra jêng n'hêl nanê̆ ngăn!’

Êsêkiêl 21:12

Tơlah khân păng lah ma may: ‘Mâm ƀư may lŭng nter?’ Pôri may plơ̆ lah pô aơ: ‘Yorlah mbơh tât lam ntŭk ƀư ma lĕ nuih n'hâm rung răng da dê, lĕ rngôch ti mâu geh n'hâm suan, lĕ rngôch nau mĭn huăr rgănh, lĕ rngôch kômâk ra ai nâm bu dak. Aơ, nau nây dăch geh tât mra jêng nau ngăn, Kôranh Brah Yêhôva lah pônây!’”

Êsêkiêl 30:3

Yor nar nây dăch jêh, Nar Brah Yêhôva hŏ dăch jêh, Jêng nar tŭk mbâl, Rơh nau mhĭk tât ăn ma lĕ rngôch mpôl bunuyh.

Êsêkiêl 33:3

bunuyh nây saơ đao tât tâm bri dak păng uh nŭng gay mbơh ma phung ƀon lan.

Êsêkiêl 33:6

Ƀiălah, tơlah nơm kâp gak saơ đao tât mâu ŭch uh ôh nŭng gay mbơh ma phung ƀon lan, yor nây đao tât nkhĭt lơi nau rêh du huê bunuyh nơm nây mra khĭt tâm nau djơh mhĭk păng nơm, ƀiălah Gâp mra kêt mham păng ta ti nơm gak.’

Êsêkiêl 7:10

Aơ, nar nây! Păng tât jêh! Mrô nal lĕ dăp nal jêh, mâng jra hŏ luh kao jêh, nau sưr lĕ chăt nse jêh.

Êsêkiêl 7:12

Mông hŏ tât jêh, nar lĕ dăch jêh! Nơm rvăt lơi ta răm, nơm tăch lơi ta rngot ôh, yorlah nau ji nuih dôl gŭ ma lĕ rngôch phung âk.

Daniel 6:26

Gâp ăn samƀŭt nau ntrŭnh pô aơ ta lam ntŭk tâm ƀon bri hađăch gâp lĕ rngôch bunuyh mra yơk mbah jêh ri râm nsâr klach tanăp Brah Ndu Y-Daniel Yorlah Păng jêng Brah Ndu gŭ rêh mro mrăng Jêh ri hôm gŭ rêh n'ho ro. Ƀon bri hađăch Păng mâu blau rai lôch ôh, Nau Păng chiă uănh mra dŭt toyh mâu blau lôch ôh.

Daniel 9:16

Ơ Kôranh Brah, tĭng nâm lĕ nau sŏng srăng May, gâp dăn ma May djoh ji nuih jêh ri rlu nau ji nuih đah ƀon Yêrusalem May, nây jêng yôk kloh ueh May, yorlah nau tih hên jêh ri nau mhĭk phung chô yau hên, lĕ rngôch phung gŭ jŭm hên ngơi djơh ma ƀon Yêrusalem jêh ri phung ƀon lan May.

Daniel 9:20

Gâp thoi tay nau nkoch bri jêh ri mbơh sơm, mbơh nau tih gâp tâm ban lĕ nau tih phung ƀon lan Israel gâp jêh ri tâm mpơl tanăp Yêhôva Brah Ndu gâp nau vơh vơl ăn ma yôk kloh ueh Brah Ndu gâp.

Ndrom Samƀŭt bơh Ôsê 5:8

Uh hom rlet ta Gibêa, Uh nŭng ta Rama! Ăn khân may dat kuăl ăn bu njrăng ta Bet-Aven! Hơi Benjamin, phung rlăng gŭ pakơi may!

Ndrom Samƀŭt bơh Ôsê 8:1

Ăn hom nŭng ta trôm mbung may gay uh! Phung rlăng nâm bu du mlâm klang jŭr pah ngih Brah Yêhôva; Yorlah khân păng hŏ tâm rdâng đah nau tâm rnglăp Gâp, Ƀư tih đah nau vay Gâp.

Yôel 1:15

Ơ nar nây! Yorlah nar Brah Yêhôva dăch tât jêh. Păng tât nâm bu du nau ƀư rai văch tă bơh Nơm Geh Nau Brah.

Yôel 2:11

Brah Yêhôva ƀư nau Păng ngơi nteh huy tanăp phung tahan Păng, Yorlah pôih tahan Păng âk ngăn jêh ri âk ngăn ngên phung ƀư tĭng nau Păng ntăm ktang ngăn. Nar Brah Yêhôva toyh ngăn ngên jêh ri di ma klach ngăn, Mbu nơm dơi dơn?

Yôel 2:15

Uh hom nŭng tâm ƀon Siôn, Tâm nal hom nar ât sông sa, Kuăl hom du phung toyh!

Yôel 2:31

Nar mra plơ̆ jêng ngo klĕng, Khay chăng nâm bu mham Lor tât nar dŭt toyh jêh ri klach krit văch bơh Brah Yêhôva.”

Yôel 3:14

Mpôl bunuyh âk ngăn, n'hêl nanê̆ jêng âk râk ngăn Tâm rlŭng Nau Phat Dôih! Yorlah nar Brah Yêhôva dăch jêh Tâm rlŭng Nau phat dôih.

Yôel 3:17

“Rnôk nây, khân may mra gĭt Gâp jêng Yêhôva Brah Ndu khân may, Nơm gŭ ta Siôn, jêng yôk kloh ueh Gâp. Yêrusalem mra jêng ƀon kloh ueh Jêh ri phung bu năch mâu mra hôm pit in păng đŏng ôh.”

Amôt 3:6

Lah bu uh nŭng tâm ƀon toyh Pôri phung ƀon lan mâu hĕ klach? Geh lĕ nau mhĭk tât ma du rplay ƀon Tơlah Brah Yêhôva mâu ƀư nau nây?

Amôt 5:18

“Rêh ni ngăn ma khân may jêng phung kâp gân nar Brah Yêhôva! Ndơ jan khân may kâp gân ma nar Brah Yêhôva? Nây jêng nar nau ngo klĕng, mâu di nar nau ang ôh.

Amôt 8:2

Rnôk nây Păng lah: “Hơi Y-Amôt, moh may saơ?” Gâp lah: “Du bĭ play tơm si yan ta vai.” Brah Yêhôva lah tay ma gâp: “Nau nglĕ dŭt tât jêh ma phung ƀon lan Israel Gâp; Gâp mâu mra nhhuach ma khân păng ôh.

Apdia 1:15

Yorlah nar Brah Yêhôva hŏ dăch tât jêh ma lĕ rngôch bri dak. Aƀaơ, bu mra ƀư ma may di nâm bu may hŏ tă ƀư; Lĕ nau kan may ƀư mra nkhŭt tay ta bôk may nơm.

Sôphôni 1:14

“Nar toyh bơh Brah Yêhôva lĕ dăch tât jêh, Dăch ngăn jêh, păng tât gơnh ngăn ro. Geh bâr nter lah rêh ni ngăn tâm nar Brah Yêhôva, Nôk nây phung janh mra nter nhĭm tâm ban lĕ.

Sôphôni 1:16

Nar geh bâr nŭng jêh ri nau nter tâm lơh Lĕ ƀon toyh pêr nâp jêh ri pôih tŭm prêh ta njônh mpêr ƀon.

Sôphôni 1:7

Gŭ klăk klêm hom tanăp Kôranh Brah Yêhôva! Yorlah nar Brah Yêhôva hŏ dăch tât jêh; Brah Yêhôva hŏ ndrăp nkra jêh du mlâm mpa ƀư brah, Prăp êng ma phung bu năch Păng lĕ jă jêh.

Sôphôni 3:11

Tâm nar nây, may mâu mra hôm bêk prêng ôh Ma lĕ nau may hŏ ƀư jêh gay tâm rdâng đah Gâp; Yorlah nôk nây, Gâp sŏk lơi tă bơh may Phung sưr ir ta nklang may; Jêh ri may mâu mra hôm ôh nau sưr Tâm yôk kloh ueh Gâp đŏng.

Sakari 14:1

Aơ, nar Brah Yêhôva dăch tât, nôk bu mra tâm pă lĕ rngôch ndơ pit sŏk bơh may ta nklang may.

Sakari 8:3

Brah Yêhôva lah: “Gâp mra plơ̆ sĭt đŏng ma Siôn jêh ri gŭ ta nklang ƀon Yêrusalem. Rnôk nây bu ntơ ƀon Yêrusalem jêng ƀon Nanê̆ Ngăn, yôk Brah Yêhôva ma phung tahan bu mra ntơ Yôk Kloh Ueh.”

Malachi 4:1

Brah Yêhôva ma phung tahan lah: “Nĕ, nar nây dăch tât, mra hĭt nâm bu ŭnh năk. Lĕ rngôch phung sưr, lĕ rngôch phung djơh mhĭk mra jêng nâm bu rhe. Nar nây tât mra su khân păng, mâu hôm om ôh ma khân păng reh mâu lah n'gĭng.

Nau Kơp Bunuyh 10:2

“May ƀư hom bar mlâm nŭng ma prăk bu chiăr n'hơ jêh ri dŏng khân păng gay kuăl rgum phung tâm rƀŭn jêh ri ntăm ma lĕ rmlak tahan hăn du luh.

Nau Kơp Bunuyh 10:3

Tơlah lĕ bar tơ̆ bu uh nŭng, lĕ rngôch phung tâm rƀŭn mra tâm rƀŭn tanăp măt may ta ntŭk lăp Ngih Bok Nau Tâm Rƀŭn.

I Kôrintô 14:8

Tơlah bâr nŭng mâu rah vah ôh, mbu nơm mra ndrăp tâm lơh?

Philip 2:12

Pôri, hơi phung oh nâu gâp rŏng ngăn ngên, nâm bu khân may vay tông bâr ƀaƀơ, mâu di knŏng nôk gâp geh măt, ƀiălah aƀaơ aơ, dôl gâp ndŭt măt, lơ hô tông bâr lơn đŏng; sŏk hom nau klach râm sâr gay ƀư lôch jêh nau tâm rklaih khân may nơm.

I Têsalônik 5:2

yorlah khân may nơm gĭt rah vah pô aơ nar Kôranh Brah mra tât nâm bu bunuyh ntŭng dôl măng.

Yakơ 5:8

Khân may tâm ban lĕ, srôih hom. Gŭ nâp hom nuih n'hâm, yorlah nar Kôranh Brah plơ̆ văch hŏ dăch jêh.

I Pêtrôs 4:7

Nau nglĕ dŭt lĕ rngôch ntil ndơ dăch tât jêh; pôri ăn khân may gĭt mĭn jêh ri di keh gay ma mbơh sơm.

Nau Tâm Mpơl 6:17

yorlah nar phung Păng ji nuih toyh hŏ tât jêh, mbu nơm dơi gŭ tanăp nau nây?”