Yôel 1:15 - Nau Brah Ndu Ngơi 2023

¹⁵ Ơ nar nây! Yorlah nar Brah Yêhôva dăch tât jêh. Păng tât nâm bu du nau ƀư rai văch tă bơh Nơm Geh Nau Brah.

Yôel 1:15 Iomraidhean Croise

Nau Mprơ Ơm 37:13

Ƀiălah Kôranh Brah mra gơm mưch rmot păng Yorlah saơ nar tâm rmal păng dăch tât.

Yêrêmi 30:7

Rêh ni ngăn! Nar nây klach krit ngăn Mâu mâp geh nar tâm ban ma nar nây; Nây jêng rơh nau rêh ni tât ma phung Yakôb, Ƀiălah păng mra dơi rklaih bơh nar nây.’

Yêrêmi 46:10

Ma nar nây jêng nar Kôranh Brah, jêng Brah Yêhôva ma phung tahan, Jêng nar har plơng bôk, Gay har plơng ma phung rlăng đah Păng. Đao rvăn kŏ tât hơm, Nhêt mham hơm mpay. Yorlah Kôranh Brah, jêng Yêhôva ma phung tahan, Nâm bu ndơ ƀư brah nhhơr tâm bri mpeh pa lơ, ta kơh dak krong Ơphrat.

Êsêkiêl 30:3

Yor nar nây dăch jêh, Nar Brah Yêhôva hŏ dăch jêh, Jêng nar tŭk mbâl, Rơh nau mhĭk tât ăn ma lĕ rngôch mpôl bunuyh.

Yôel 2:11

Brah Yêhôva ƀư nau Păng ngơi nteh huy tanăp phung tahan Păng, Yorlah pôih tahan Păng âk ngăn jêh ri âk ngăn ngên phung ƀư tĭng nau Păng ntăm ktang ngăn. Nar Brah Yêhôva toyh ngăn ngên jêh ri di ma klach ngăn, Mbu nơm dơi dơn?

Yôel 2:31

Nar mra plơ̆ jêng ngo klĕng, Khay chăng nâm bu mham Lor tât nar dŭt toyh jêh ri klach krit văch bơh Brah Yêhôva.”

Yôel 3:14

Mpôl bunuyh âk ngăn, n'hêl nanê̆ jêng âk râk ngăn Tâm rlŭng Nau Phat Dôih! Yorlah nar Brah Yêhôva dăch jêh Tâm rlŭng Nau phat dôih.

Apdia 1:15

Yorlah nar Brah Yêhôva hŏ dăch tât jêh ma lĕ rngôch bri dak. Aƀaơ, bu mra ƀư ma may di nâm bu may hŏ tă ƀư; Lĕ nau kan may ƀư mra nkhŭt tay ta bôk may nơm.

Sôphôni 1:7

Gŭ klăk klêm hom tanăp Kôranh Brah Yêhôva! Yorlah nar Brah Yêhôva hŏ dăch tât jêh; Brah Yêhôva hŏ ndrăp nkra jêh du mlâm mpa ƀư brah, Prăp êng ma phung bu năch Păng lĕ jă jêh.

Yakơ 5:9

Hơi phung oh nâu, lơi tâm nduyh ndrăng khân may nơm, gay ma khân may mâu geh nau phat dôih; ri, Nơm phat dôih dôl dâk ta bôk mpông.

Nau Tâm Mpơl 6:17

yorlah nar phung Păng ji nuih toyh hŏ tât jêh, mbu nơm dơi gŭ tanăp nau nây?”