Yôel 1:13 - Nau Brah Ndu Ngơi 2023

¹³ Hơi phung kôranh ƀư brah, nsoh hom ao ƀau jêh ri nhĭm vơl! Hơi phung pah kan ta nơng ƀư brah, nhĭm vơl hom! Hơi phung pah kan ma Brah Ndu gâp, Văch nsoh hom ao ƀau rngeh lĕ du măng! Yorlah ndơ ƀư brah rnih môi jêh ri ndơ nhhơr nhêt sa mâu hôm geh nhhơr Tâm ngih Brah Ndu khân may!

Yôel 1:13 Iomraidhean Croise

II Samuel 12:16

Yor ma kon Y-Đavit mbơh sơm ma Brah Ndu, hađăch ver ât sông sa jêh ri lăp tâm jrô kuen ta neh du năng kŏ ang.

I Phung Hađăch 21:27

Tơlah Y-Ahap tăng lĕ nau nây, păng nkhêk bok ao, nsoh ao nsrôt ƀau, ver ât sông sa, bê̆ch tâm ƀau, jêh ri mbơh nau n'hôi săk păng nơm deh rhêt.

Êsai 22:12

Tâm nar nây, Kôranh Brah jêng Brah Yêhôva ma phung tahan Kuăl khân may ma nau nhĭm jêh ri klâng rngot, Poih bôk jêh ri nsoh ao ƀau;

Êsai 61:6

Bi khân may bu mra rnha khân may phung kôranh ƀư brah ma Brah Yêhôva, Bu mra kuăl khân may jêng phung oh mon Brah Ndu he; Khân may mra dơn drăp ndơ bơh lĕ bri dak, Jêh ri sŏk lĕ nau geh jêng khân păng.

Yêrêmi 4:8

Yor nây, put hom bok ƀau tâm săk Nhĭm nhhiăng vơl dăn, Yorlah nau Brah Yêhôva ji nuih Ê hŏ du bơh he ôh.”

Yêrêmi 9:10

Gâp mra nhĭm nhhiăng vah vơl ăn lĕ yôk, Nau mprơ klâng rngot ăn ma ndrêch gơ̆ tâm bri rdah, Yorlah khân păng ŭch sa, mâu du huê bunuyh găn tât, Mâu hôm tăng bâr phung mpô mpa rong; Tă bơh sĭm tâm trôk kŏ tât mpa bri, Lĕ rngôch du roh da dê.

Êsêkiêl 21:12

Tơlah khân păng lah ma may: ‘Mâm ƀư may lŭng nter?’ Pôri may plơ̆ lah pô aơ: ‘Yorlah mbơh tât lam ntŭk ƀư ma lĕ nuih n'hâm rung răng da dê, lĕ rngôch ti mâu geh n'hâm suan, lĕ rngôch nau mĭn huăr rgănh, lĕ rngôch kômâk ra ai nâm bu dak. Aơ, nau nây dăch geh tât mra jêng nau ngăn, Kôranh Brah Yêhôva lah pônây!’”

Êsêkiêl 27:31

Khân păng poih bôk plưn yor may, Jêh ri nsoh ao ƀau. Khân păng mra nhĭm vơl may, Jêh ri nuih n'hâm bêng ma rngot klâng.

Êsêkiêl 7:18

Khân păng mra vân rse bŭt ma bok ƀau, nau krit nkŭm khân păng; lĕ rngôch muh măt prêng da dê, lĕ rngôch bôk poih plưn da dê.

Ndrom Samƀŭt bơh Ôsê 9:5

Mâm khân may mra ƀư tâm lĕ yan nau rƀŭn, Tâm nar rƀŭn ma Brah Yêhôva?

Yôel 2:12

Brah Yêhôva lah: “Aƀaơ aơ, plơ̆ sĭt hom ma Gâp ma lĕ nuih n'hâm, Ât hom sông sa, nhhiăng nhĭm jêh ri rngot vơl săk.

Yôel 2:14

Gĭt lah Păng mra plơ̆ tay, rgâl nau mĭn, jêh ri ăn nau ueh uĭn pakơi Păng, Ăn ma khân may geh mông găl nhhơr ndơ ƀư brah rnih môi, ndơ nhhơr nhêt Ma Yêhôva Brah Ndu khân may?”

Yôel 2:17

Phung kôranh ƀư brah jêng phung pah kan ma Brah Yêhôva, Nhhiăng nhĭm hom, nter kuăl ta nklang mpông ngih brah jêh ri ta nơng ƀư brah pô aơ: “Ơ Brah Yêhôva, dăn yô̆ nđach ma ƀon lan May, Lơi ăn drăp ndơn May phung mpôl băl bunuyh ƀư bêk prêng jêh ri mưch gơm. Mâm ăn bu ngơi ta nklang phung mpôl băl bunuyh lah pô aơ: ‘Ta ntŭk gŭ Brah Ndu khân păng?’”

Nau Kơp Bunuyh 28:14

Ndơ nhhơr nhêt mra jêng bar lit ndrănh krăk ƀâu ma du mlâm ndrôk nkuăng, du lit n'gul ma du mlâm biăp nkuăng jêh ri du lit ma ăp biăp kon. Nĕ jêng ndơ ƀư brah gŭch ăp tơ̆ bôk khay tâm du năm.

Nau Kơp Bunuyh 28:4

Nhhơr hom du mlâm biăp kon nây ơm ôi, du mlâm biăp kon êng dăch kêng măng,

Nau Kơp Bunuyh 28:7

Ndơ nhhơr nhêt mra jêng du lit ndrănh ma ăp biăp kon. May nhhơr hom ndơ nhhơr nhêt ma Brah Yêhôva tâm Ntŭk Kloh Ueh.

Nau Kơp Bunuyh 29:6

Ăn khân may nhhơr lĕ ndơ nhhơr nây padih ndơ ƀư brah gŭch ta bôk khay ndrel ma ndơ ƀư brah rnih môi, ndơ ƀư brah gŭch mro mrăng ndrel ma ndơ ƀư brah rnih môi ndrel ma ndơ nhhơr nhêt tĭng nâm nau vay nal. Lĕ ndơ ƀư brah nây ăn ŭnh sa gay nhhơr geh n'hôl ƀâu kah, maak ma Brah Yêhôva.”

I Kôrintô 4:1

Pôri, ăn lĕ rngôch bunuyh uănh ma hên nâm bu phung oh mon Brah Krist, phung mât uănh lĕ nau khlay ndâp bơh Brah Ndu.

I Kôrintô 9:13

Khân may mâu gĭt hĕ mbu nơm rvê pah kan tâm ngih brah mra sa ndơ nhhơr tâm ngih brah, bi mbu nơm rvê pah kan ta nơng ƀư brah geh ndơ bơh nơng ƀư brah nây lĕ ƀơh?

II Kôrintô 11:23

Khân păng jêng phung oh mon ma Brah Krist ƀơh? — Gâp ngơi nâm bu du huê bunuyh rluk mâl — gâp ueh lơn đah khân păng đŏng! Gâp hŏ pah kan hŏt rgănh âk lơn, gŭ ndrung âk lơn, bu dong âk lơn, âk tơ̆ bơi ma khĭt.

II Kôrintô 3:6

Păng yơh ăn ma hên geh nau blau gay pah kan ma nau tâm rnglăp mhe, mâu di nau tâm rnglăp ma rplay samƀŭt nchih ôh, ƀiălah nau tâm rnglăp tâm Brah Huêng Ueh, yorlah rplay samƀŭt djôt leo nau khĭt, ƀiălah Brah Huêng Ueh ăn nau rêh.

II Kôrintô 6:4

Ƀiălah tâm lĕ rngôch nau, hên tâm mpơl hên nơm jêng oh mon Brah Ndu: ma nau srôih âk ngăn tâm nau rêh ni, tâm nau hŏt rgănh, tâm nau jâk jêr,

Nau Tâm Mpơl 11:3

Gâp mra ăn ma bar hê nơm mbơh Gâp, khân păng nsoh ao bok ƀau jêh ri ngơi nau mbơh lor tâm du rbăn bar rhiăng prao jât nar.”