Yôel 1:12 - Nau Brah Ndu Ngơi 2023

¹² Tơm krăk ƀâu huănh kro, tơm rvi roh rai; Nđâp tơm pom gra nat, tơm đung, tơm pôm, Jêh ri lĕ rngôch tơm si tâm mir huănh kro da dê; Nau răm maak kon bunuyh huănh roh tâm ban lĕ!

Yôel 1:12 Iomraidhean Croise

Nau Mprơ Ơm 4:7

May ăn nuih n'hâm gâp bêng ler nau maak, Rlau lơn ma nau maak khân păng tơlah geh ba ƀlê jêh ri rmeh âk ndrănh krăk ƀâu.

Nau Mprơ Ơm 92:12

Phung sŏng srăng mra hon nâm bu tơm tră, Jêh ri văch ma toyh nâm bu tơm si sêdar ta n'gor Liban.

Nau Mprơ Ueh 2:3

Nơm ay rŏng ta nklang phung bu klâu ndăm, Nâm bu tơm si mandragôr ta nklang tơm si tâm krŏng. Gâp hâk răm dơi gŭ tâm dâng gui may, Jêh ri play may njŭng ngăn tâm mbung gâp.

Nau Mprơ Ueh 4:13

Jêng du đang play pom gra nat ndrel lĕ nkeh nse, Ndrel ăp ntil play tơm si săch, Kao hêna jêh ri tơm si dak kôlônh;

Êsai 16:10

Bu hŏ sŏk lơi jêh nau răm maak Bơh đang tơm sa play; Jêh ri tâm đang krăk ƀâu Mâu lĕ hôm geh nau troh răm maak, Mâu geh nơm jot play krăk ƀâu tâm ntu păt ndrănh; Gâp hŏ ƀư roh jêh nau troh răm maak ma nơm jot play krăk ƀâu.

Êsai 24:11

Bu nter ta trong sâng yor mâu geh ndrănh; Lĕ rngôch nau hâk răm jêng nau ngo klĕng da dê, Nau maak ta neh hŏ du ngai!

Êsai 24:7

Ndrănh mhe lŭng nter, Tơm krăk ƀâu lĕ kro klêu jêh, Lĕ rngôch phung geh nuih n'hâm hâk răm nsôr jong da dê;

Êsai 9:3

Yorlah May hŏ pă jêh mâng mbăk jâk, Mâng rpăt ta săng nglik khân păng, Jêh ri mâng nơm tŭn jot khân păng. Nâm bu May hŏ ƀư tâm rnôk Madian.

Yêrêmi 48:3

Geh bâr nter vah vơl bơh Hôrônaim: ‘Nau jêng rngot njăp jêh ri nau ƀư rai toyh ngăn!’

Yêrêmi 48:33

Nau maak răm hâk maak hŏ roh jêh Tă bơh đang mir geh jêng ngăn bri Môap; Gâp hŏ ƀư ăn ma ndrănh suăt kro tă bơh ntŭk kĭn păt; Mâu hôm geh bunuyh troh maak đŏng ôh dôl jot play krăk ƀâu; Nđâp tơlah geh bâr troh nter ăt mâu jêng bâr troh maak ôh.

Yôel 1:10

Mir ba lĕ rai jêh, Bri neh klâng rngot, yorlah ba ƀlê rai jêh; Ndrănh mhe hŏ suăt jêh, dak ngi ăt mâu hôm geh lĕ.

Yôel 1:16

Mâu hĕ ndơ sông sa bu hŏ sŏk lơi Panăp măt he, Jêh ri nau maak răm hâk maak Hŏ roh jêh tă bơh ngih Brah Ndu he lĕ?

Yônais 4:7

Ƀiălah kah ôi taơ, luh nar, Brah Ndu ăn du mlâm ndrŭng tât chuh ma tơm rpŭng nây, jêh ri păng nhop klêu.

Ndrom Samƀŭt bơh Agê 2:19

Khân may hôm e đŏng ntil găr tâm jay prăp? Kŏ tât aƀaơ aơ, tơm krăk ƀâu, tơm rvi, tơm pom gra nat, tơm ôlive, tâm ban lĕ mâu geh ôh luh play. Ƀiălah ntơm bơh nar aơ, Gâp mra ăn nau ueh uĭn ma khân may.’ ”

Malachi 3:11

Yor khân may, Gâp mra buay lơi ma phung mpa sa ƀư rai kao play tă bơh neh khân may; jêh ri tơm krăk ƀâu khân may tâm mir mâu hôm ăn rŭng đŏng ôh play tât yan păng.” Brah Yêhôva ma phung tahan lah pônây.

Nau Kơp Bunuyh 13:23

Khân păng tât ta n'hor dak Êskôl, ta nây khân păng nkăp du n'gĭng tơm krăk ƀâu geh du rkŭm play krăk ƀâu jêh ri bar hê dŏng mâng gay tung. Khân păng djôt sĭt đŏng lĕ play pom gra nat jêh ri play rvi.