Yêrêmi 9:5 - Nau Brah Ndu Ngơi 2023

⁵ Ăp nơm ăt ndơm phung chiau meng, Mâu geh nơm ngơi ngăn. Khân păng nti jêh mpiăt khân păng ngơi mƀruh, Mơng ƀư nau mhĭk ƀaƀơ.

Yêrêmi 9:5 Iomraidhean Croise

Nau Ntơm 19:11

jêh nây rmal phung bu klâu padih mpông, ntơm bơh mom ndăm tât bu ranh, ƀư chieh măt da dê, kŏ tât khân păng lĕ huăr jêh joi mpông ƀiălah mâu dơi.

Ndrom Samƀŭt bơh Yôp 11:3

Di lĕ nôk may ngơi ntưih bu gŭ rklăk da dê, Jêh ri dôl may gơm mưch mâu geh nơm nduyh lah may?

Ndrom Samƀŭt bơh Yôp 15:5

Yorlah nau tih mhĭk may ntĭm ma mbung may ngơi, Jêh ri may săch rplay nau ngơi bơh nơm plĕch rlăm.

Nau Mprơ Ơm 140:3

Khân păng tôl mplanh mpiăt khân păng nâm bu mpiăt bêh, Ndôi khân păng geh dak kăch bêh ku. (Sêla)

Nau Mprơ Ơm 50:19

Bâr mbung may ngơi lĕ nau mhĭk, Mpiăt may ngơi ma lĕ nau mƀruh nchơt.

Nau Mprơ Ơm 52:3

May rŏng nau mhĭk âk lơn ma nau ueh, Rŏng ngơi nau mƀruh rlau lơn ma nau sŏng srăng. (Sêla)

Nau Mprơ Ơm 64:3

Khân păng tôl mpiăt khân păng nơm nâm bu đao. Bruh nau kăch mhĭk ji tâm ban ma lĕ chiông hăr.

Nau Mprơ Ơm 7:14

Ri phung ƀai hŏ ntreo ma nau djơh mhĭk, Păng ntreo ma nau mhĭk, Jêh ri luh ma nau mƀruh.

Nau Hôr 12:5

Nau mĭn phung sŏng srăng jêng di ngăn, Nau nchră bơh phung ƀai jêng nau ndơm da dê.

Nau Hôr 4:16

Yorlah khân păng mâu nhêp măt tơlah ê hŏ ƀư nau mhĭk; Mâu đăp bê̆ch tơlah ê hŏ ƀư tŭp ma du huê bunuyh.

Êsai 5:18

Rêh ni ngăn ma phung dŏng rse nau kue đŏt nau mhĭk, Nâm bu rse brăt mphâk ndeh đŏt leo nau tih.

Êsai 57:10

May hŏ rgănh jêh yor trong ngai, Ƀiălah may mâu prot lah: “Nau nây dơm dam!” May saơ jêh nau ktang mhe may, Yor nây may mâu hŏt rgănh ôh.

Yêrêmi 12:13

Khân păng srih ba ƀlê jêh ri rek pôm lok, Hŏt rgănh mâu geh nau khlay ôh. Bêk prêng hom ma kao play khân păng, Yorlah nau Brah Yêhôva ji nuih hâu ngăn!”

Yêrêmi 12:6

Phung oh nâu may nơm jêh ri ngih mbơ̆ may Ăt rdâng đah may, Khân păng lŭng nter pakơi may. Nđâp lah khân păng ngơi ueh đah may, May lơi ta rnơm ôh ma khân păng.

Yêrêmi 13:23

Bunuyh Êthiôpi mra dơi tâm rgâl dak piâk ntâu Mâu lah yau brăch tâm rgâl nau rvanh păng? Tơlah dơi, pôri lĕ rngôch khân may jêng phung hŏ mơng ƀư mhĭk Mra dơi ƀư nau ueh.

Yêrêmi 4:22

“Phung ƀon lan Gâp rluk ngăn, Khân păng mâu gĭt năl Gâp ôh. Nây jêng du huê phung kon se rluk, Mâu geh nau gĭt rbăng, Blau ƀư nau mhĭk, Ƀiălah mâu gĭt ƀư nau ueh ôh.”

Yêrêmi 51:58

Brah Yêhôva ma phung tahan lah: “Mpêr ƀon nâp ƀon Babilôn Bu mra ƀư lâng, Mpông ƀon prêh păng Mra ŭnh sa. Nây jêng, phung ƀon lan hŏt r'ah mâu geh du ntil ndơ, Lĕ rngôch bri dak pah kan ăn ma ŭnh jêh ri hŏt rgănh da dê.”

Yêrêmi 51:64

jêh nây lah: ‘Ƀon Babilôn mra ngâm tâm ban pônây jêh ri mâu mra dơi ntoh đŏng ôh, yorlah nau mhĭk Gâp ƀư mra tât ma păng. Khân păng mra cha lôt.’” Nau ngơi Y-Yêrêmi dŭt aơ.

Yêrêmi 7:28

May lah hom ma khân păng: ‘Aơ jêng ƀon lan mâu tông tĭng nau Yêhôva Brah Ndu khân păng, mâu dơn nau nkra nti. Nau nanê̆ ngăn hŏ rai lêk, hŏ du roh bơh trôm mbung khân păng jêh.

Yêrêmi 9:3

“Khân păng van mpiăt khân păng nâm bu van na Khân păng chiă uănh tâm n'gor đah nau mƀruh Mâu di đah nau nanê̆ ngăn ôh. Khân păng hăn bơh nau mhĭk aơ tât nau mhĭk ri, Ƀiălah mâu gĭt năl Gâp.” Brah Yêhôva lah pônây.

Yêrêmi 9:8

Mpiăt khân păng jêng hăr kăch Vay bên ma nau ngơi ndơm. Padih mbung ngơi đăp mpăn ăn ma phung chiau meng Ƀiălah tâm nuih n'hâm sân dăk ƀư mhĭk păng.”

Êsêkiêl 24:12

Păng pah kan hŏt rgănh dơm dam, Yorlah ek găm âk ngăn, mâu dơi ƀư kloh ôh, Nđâp tơlah tê̆ tâm ŭnh jêh, ek găm nây mâu du luh lĕ!

Mika 6:12

Yorlah phung ndrŏng ƀon aơ bêng ma nau ƀai, Phung ƀon lan păng jêng phung ngơi mƀruh Jêh ri mpiăt vay ndơm gŭ tâm trôm mbung khân păng.

Mika 6:3

“Hơi phung ƀon lan Gâp, moh nau Gâp hŏ ƀư jêh ma may? Moh nau Gâp ƀư dĭng rgănh ir ma may? Plơ̆ lah hom ma Gâp!

Habakuk 2:13

Nĕ, mâm mâu di jêng tă bơh Brah Yêhôva ma phung tahan Dĭng phung ƀon lan pah kan hŏt rơah gay ƀư ndơ prăp ma ŭnh sa, Jêh ri lĕ bri dak hŏt rgănh ma nau dơm dam lĕ?

Malachi 2:10

Mâu di bơh lĕ rngôch he geh knŏng du huê mbơ̆? Mâu di bơh geh knŏng du huê Brah Ndu rhăk njêng jêh he? Mâm ƀư ăp nơm phung he mâu gŭ răp jăp ôh ndrăng oh nâu he, ƀư ƀơ̆ nau tâm rnglăp bơh chô yau he?

Êphêsô 4:25

Pôri yơh, ăp nơm tâm khân may mƀăr lơi hom nau mƀruh nchơt, “Ngơi hom ngăn ma phung chiau meng,” yorlah he jêng kô̆ săk jăn ndrăng he da dê.

I Timôthê 4:2

yor tă nuih n'hâm nklă phung bunuyh ngơi mƀruh kŏ tât nuih n'hâm sŏng khân păng lĕ men jêh.

Phung Kôranh Phat Dôih 2:10

Jêh ri lĕ rngôch bunuyh rnôk rô̆ nây lĕ khĭt đŏng, jêh ri geh đŏng rnôk rô̆ phung êng pakơi khân păng; khân păng mâu gĭt năl ôh Brah Yêhôva mâu đŏng gĭt lĕ nau kan Păng ƀư jêh ma phung Israel.