Yêrêmi 9:4 - Nau Brah Ndu Ngơi 2023

⁴ Ăp nơm mra njrăng ma nơm chiau meng, Lơi ta rnơm ir ôh du huê oh nâu êng; Yorlah oh nâu mra ndơm ndrăng oh nâu, Bi ma phung chiau meng hăn ngơi nchơt.

Yêrêmi 9:4 Iomraidhean Croise

Nau Ntơm 32:28

Bunuyh nây lah: “Săk may mâu hôm mra jêng Y-Yakôb ôh, ƀiălah jêng Y-Israel, yorlah may hŏ tâm nhăt jêh đah Brah Ndu jêh ri đah bu, jêh ri may dơi da dê.”

Nau Mprơ Ơm 101:5

Nơm ndâp mpôn ngơi djơh ma phung chiau meng păng, Gâp mra mƀăr lơi. Bi ma phung geh măt n'hao êng nơm jêh ri nuih n'hâm sưr, Gâp mâu mra yô̆ ôh.

Nau Mprơ Ơm 15:3

Păng geh mpiăt mâu ngơi nchơt, Mâu lĕ ƀư mhĭk ma mĭt jiăng, Mâu đŏng srih nau bêk prêng phung chiau meng păng;

Nau Hôr 10:18

Bunuyh pôn mo nau tâm rmot geh mbung mƀruh, Mbu nơm ngơi nchơt jêng bunuyh rluk mâl.

Nau Hôr 25:18

Nơm ngơi nchơt tâm rdâng đah phung chiau meng păng Nâm bu du mlâm me nôp, du mlâm đao, chiông hăr mplanh.

Nau Hôr 4:16

Yorlah khân păng mâu nhêp măt tơlah ê hŏ ƀư nau mhĭk; Mâu đăp bê̆ch tơlah ê hŏ ƀư tŭp ma du huê bunuyh.

Nau Hôr 4:17

Khân păng sa piăng let ma nau djơh mhĭk Jêh ri nhêt ndrănh ma nau janh ƀai.

Nau Hôr 6:16

Geh prao ntil Yêhôva ji nuih Jêh ri pơh ntil păng tâm rmot:

Nau Hôr 6:19

Nơm nkoch mƀruh jêh ri ngơi nau nchơt, Nơm joi nau tâm djrel ndrăng oh nâu.

Êsai 59:13

Hên hŏ tâm rdâng jêh ri dun Brah Yêhôva, Rle ndŭr kơi mâu tĭng ndô̆ ôh Brah Ndu hên. Hên ngơi ma nau tŭn jot jêh ri nau tâm rdâng, Mpơl lĕ nau ngơi mƀruh hên hŏ prăp tâm nuih n'hâm.

Êsai 9:16

Yor nây, Kôranh Brah mâu maak ôh đah phung bu klâu ndăm khân păng, Mâu lĕ yô̆ ma kon đơi jêh ri phung ndrô khân păng. Yorlah ăp nơm khân păng jêng phung mâu blau yơk ma Brah Ndu jêh ri phung ƀai Jêh ri lĕ rngôch trôm mbung ngơi ma nau rluk. Nđâp lĕ nau nây kđôi lĕ, nau Păng ji nuih mâu du ôh, Jêh ri ti păng ăt yơr!

Yêrêmi 12:6

Phung oh nâu may nơm jêh ri ngih mbơ̆ may Ăt rdâng đah may, Khân păng lŭng nter pakơi may. Nđâp lah khân păng ngơi ueh đah may, May lơi ta rnơm ôh ma khân păng.

Yêrêmi 6:28

Lĕ rngôch phung khân păng tâm rdâng da dê, Hăn ngơi nchơt ăp ntŭk. Pler nâm bu kông, dăng nâm bu loih, Khân păng knŏng gĭt ƀư rai.

Yêrêmi 9:8

Mpiăt khân păng jêng hăr kăch Vay bên ma nau ngơi ndơm. Padih mbung ngơi đăp mpăn ăn ma phung chiau meng Ƀiălah tâm nuih n'hâm sân dăk ƀư mhĭk păng.”

Êsêkiêl 22:9

Ta ntŭk may, geh phung ngơi nchơt njêng nau ŭch pling mham; ta ntŭk may, geh phung ndrăp sông sa ta klơ lĕ rngôch yôk; ta nklang may, geh bunuyh ƀư tih văng tĭr.

Kan Lêvi 19:16

Mâu dơi tâm phong ta nklang phung mpôl băl, mâu đŏng ngơi nchơt mƀruh gay ƀư mhĭk nau rêh ma phung chiau meng. Gâp jêng Brah Yêhôva.

Malachi 2:10

Mâu di bơh lĕ rngôch he geh knŏng du huê mbơ̆? Mâu di bơh geh knŏng du huê Brah Ndu rhăk njêng jêh he? Mâm ƀư ăp nơm phung he mâu gŭ răp jăp ôh ndrăng oh nâu he, ƀư ƀơ̆ nau tâm rnglăp bơh chô yau he?

Mathay 10:17

Njrăng hom bunuyh ta neh ntu, yorlah khân păng mra nhŭp jao khân may ma Mpôl Kôranh Phat Dôih jêh ri mra dong khân may tâm ngih rƀŭn.

Mathay 10:21

Nâu mra jao oh păng nơm ma bu gay ƀư nkhĭt, mbơ̆ mra jao kon păng nơm, phung kon mra plơ̆ dâk tâm rdâng đah mê̆ mbơ̆ jêh ri ƀư ăn ma khân păng khĭt.

Luka 21:16

Mbơ̆ mê̆, oh nâu, phung băl jêh ri phung mĭt jiăng khân may nơm lĕ, mra jao khân may, jêh ri mra nkhĭt âk tâm phung khân may.

I Têsalônik 4:6

Tâm ntil nau aơ, lơi ăn geh bunuyh ƀư tih, mâu lah ndơm oh nâu păng nơm; yorlah Kôranh Brah jêng Nơm phat dôih tâm rmal ma lĕ nau nây, nâm bu hên hŏ lah lor jêh ri mbơh jêh ma khân may.