Yêrêmi 9:24 - Nau Brah Ndu Ngơi 2023

²⁴ Ƀiălah mbu nơm tâm rnê tâm rnê hom ma: Nau gĭt rbăng jêh ri gĭt năl Gâp jêng Brah Yêhôva, Nơm mra ƀư nuih n'hâm nau rŏng bu, Nau kloh ueh jêh ri sŏng srăng ta neh ntu; Yorlah Gâp ŭch rŏng lĕ nau nây.” Brah Yêhôva lah pônây.

Yêrêmi 9:24 Iomraidhean Croise

Nau Mprơ Ơm 20:7

Bunuyh aơ rnơm nsing ma ndeh, bunuyh êng rnơm nsing ma seh, Ƀiălah he rnơm nsing ma amoh Brah Yêhôva jêng Brah Ndu he.

Nau Mprơ Ơm 34:2

Huêng gâp mra tâm rnê êng ma Brah Yêhôva, Phung dêh rhêt mra iăt jêh ri răm maak.

Nau Mprơ Ơm 34:3

Yơk mbah Brah Yêhôva ndrel ma gâp. Phung he ndrel n'grŭp tâm rnê ma amoh Păng.

Nau Mprơ Ơm 44:8

Hên mprơ tâm rnê jêh ma Brah Ndu ăp nar, Jêh ri mra tâm rnê lah ueh ma Amoh May n'ho ro. (Sêla)

Nau Mprơ Ơm 44:9

Ƀiălah aƀaơ May chalơi jêh hên, ƀư bêk prêng ma hên; May mâu lĕ hăn tâm lơh ndrel ma phung tahan hên đŏng ôh.

Nau Mprơ Ơm 51:1

Ơ Brah Ndu! Dăn yô̆ nđach ma gâp Tĭng nuih n'hâm ueh May; Dăn jut lơi lĕ nau gâp ƀư tih Tĭng nâm nau yô̆ toyh May.

Nau Mprơ Ơm 91:14

Yorlah păng rŏng ma Gâp yor nây Gâp mra tâm rklaih păng; Gâp mra king n'gang păng yorlah păng gĭt năl amoh Gâp.

Nau Mprơ Ơm 99:4

May jêng Hađăch nau brah; May rŏng nau sŏng srăng; Păng rdâk nau di, Ƀư nau phat dôih jêh ri nau di tâm ngih Yakôb.

Êsai 20:5

Rnôk nây, mbu uănh bri Kus jêng nau kâp gân, jêh ri uănh Êjipt jêng nau hưn ma păng mra klach krit jêh ri bêk prêng.

Êsai 41:16

May mra mpruh khân păng, jêh ri sial mra khôm khân păng, Trôm sial vănh blông mra ƀư khân păng nchah rai pru pra. Ƀiălah may mra maak tâm Brah Yêhôva, Jêh ri may mra rnê êng tâm Nơm Kloh Ueh Israel.

Êsai 45:25

Ƀiălah tâm Brah Yêhôva, lĕ rngôch kon sau Israel Mra dơi kơp sŏng srăng jêh ri geh nau chrêk rmah.

Êsai 61:8

Yorlah Gâp, Brah Yêhôva, rŏng ma nau sŏng, Tâm rmot ma nau ntŭng jêh ri nau kue; Yor ri Gâp mra tĭng nau răp jăp gay nkhôm ma phung ƀon lan Gâp, Jêh ri Gâp mra ƀư đah khân păng nau tâm rnglăp n'ho ro.

Yêrêmi 22:16

Păng phat dôih ma nau sŏng ăn ma phung o ach jêh ri phung pưt kƀah, Pôri dơi geh nau ndrŏng ktang. Brah Yêhôva lah: ‘Mâu di hĕ nâm bu pônây jêng nau gĭt năl ma Gâp?

Yêrêmi 4:2

Tơlah may tâm amoh ‘Brah Yêhôva gŭ rêh mro mrăng’ Sŏk nau ton n'hêl nanê̆, nau di jêh ri nau sŏng srăng, Pôri lĕ rngôch bri dak Păng mra dơi ăn nau ueh uĭn Jêh ri dơi geh nau chrêk rmah tâm Păng.”

Mika 6:8

Hơi bunuyh! Păng hŏ tâm mpơl jêh ma may ntil nau jêng ueh, Ntil nau Brah Yêhôva gay ŭch ăn ma may ƀư. Nây mâu di jêng ƀư nau sŏng srăng, ŭch nau ueh Jêh ri chuat hăn ma nau dêh rhêt ndrel ma Brah Ndu may lĕ?

Mika 7:18

Mbu nơm jêng Brah Ndu nâm bu May? May yô̆ an nau djơh mhĭk jêh ri mâu ndăng ôh nau ƀư tih Ma phung hôm e, jêng drăp ndơn Păng. Păng mâu prăp n'ho ro ôh nau păng nuih, Yorlah Păng răm maak nau ueh.

Mathay 11:27

Mbơ̆ Gâp jao jêh lĕ rngôch nau ma Gâp, padih Mbơ̆, mâu geh bu gĭt Kon. Padih Kon jêh ri mbu moh Kon ŭch tâm mpơl pôri ăt mâu dơi bu gĭt Mbơ̆.

Luka 10:22

Mbơ̆ jao jêh lĕ rngôch nau ma Gâp. Padih Mbơ̆, mâu geh bu dơi gĭt Kon; padih Kon jêh ri mbu moh Kon ŭch tâm mpơl dơi gĭt Mbơ̆.”

Yôhan 17:3

Nau rêh n'ho ro jêng nau gĭt năl Mbơ̆ jêng Brah Ndu knŏng nguay jêh ri nau nanê̆ ngăn, ndrel Yêsu Krist jêng Nơm Mbơ̆ hŏ njuăl jêh.

Samƀŭt Pôl Njuăl Ăn Ma Phung Nsing Ta Ƀon Rôm 5:11

Mâu knŏng kơt nây dơm, he hôm răm maak tâm Brah Ndu yor Kôranh Brah he jêng Brah Yêsu Krist, yor Păng yơh aƀaơ aơ he geh nau tâm rnglăp đah Brah Ndu.

I Kôrintô 1:31

yor ri, tâm ban ma nau nchih jêh: “Mbu nơm rnê êng, tâm rnê êng hom tâm Kôranh Brah.”

II Kôrintô 10:17

“Ƀiălah mbu nơm tâm rnê êng, tâm rnê hom tâm Kôranh Brah.”

II Kôrintô 4:6

Yorlah Brah Ndu jêng Nơm lah pô aơ: “Ăn nau ang sol bơh nau ngo,” hŏ sol ang jêh tâm nuih n'hâm hên, ăn nau ang gay ma gĭt rbăng nau chrêk rmah Brah Ndu ta muh măt Brah Yêsu Krist.

Galati 6:14

Bi ma gâp, gâp mâu ngơi ntưih ma moh ntil êng ôh, knŏng si tâm rkăng Kôranh Brah he jêng Brah Yêsu Krist. Yor si tâm rkăng nây, ma gâp neh ntu geh nau pâng kđĭn, jêh ri ma neh ntu gâp tâm ban lĕ.

Philip 3:3

Yorlah he yơh jêng phung koh ntâu ngăn, phung bunuyh pah kan ma Brah Ndu tă bơh ma Brah Huêng Ueh, khư tâm Brah Yêsu Krist, jêh ri mâu mâp rnơm nsing ma nglay săk ôh.

I Yôhan 5:20

He gĭt lĕ ma Kon Brah Ndu văch jêh, jêh ri ăn nau gĭt rbăng ma he gay ma he gĭt năl Păng jêng Nơm nanê̆ ngăn; he gŭ tâm Nơm nanê̆ ngăn, jêng gŭ tâm Kon Păng jêng Brah Yêsu Krist. Păng yơh jêng Brah Ndu nanê̆ ngăn jêh ri jêng nau rêh n'ho ro.

I Samuel 15:22

Y-Samuel lah: “Brah Yêhôva mâu prot maak ma ndơ ƀư brah gŭch jêh ri ma lĕ mpa ƀư brah, Ban nau tông bâr Brah Yêhôva? Pôri, nau tông bâr jêng ueh lơn đah mpa ƀư brah, Ma nau iăt tĭng jêng ueh lơn đah ngi biăp nkuăng.