Yêrêmi 9:23 - Nau Brah Ndu Ngơi 2023

²³ Brah Yêhôva lah: “Bunuyh blau lơi rnê êng ma nau blau mĭn păng nơm; Bunuyh ktang lơi rnê êng ma nau dăng ktang păng nơm; Bunuyh ndrŏng lơi rnê êng ma nau ndrŏng păng nơm ôh.

Yêrêmi 9:23 Iomraidhean Croise

Ndrom Samƀŭt bơh Yôp 32:13

Lơi ta gơnh ngơi: ‘He hŏ dơi jêh joi nau blau mĭn.’ Brah Ndu mra dun ma Y-Yôp mâu di ôh ma kon bunuyh.

Ndrom Samƀŭt bơh Yôp 41:15

Play nuih păng dăng nâm bu lŭ, Dăng nâm bu glo mpăl tâm dâng.

Nau Mprơ Ơm 33:5

Păng rŏng nau sŏng srăng jêh ri nau di; Lam neh ntu bêng ma nau ueh Brah Yêhôva.

Nau Mprơ Ơm 34:3

Yơk mbah Brah Yêhôva ndrel ma gâp. Phung he ndrel n'grŭp tâm rnê ma amoh Păng.

Nau Mprơ Ơm 44:9

Ƀiălah aƀaơ May chalơi jêh hên, ƀư bêk prêng ma hên; May mâu lĕ hăn tâm lơh ndrel ma phung tahan hên đŏng ôh.

Nau Mprơ Ơm 62:10

Lơi ta rnơm ma nau tŭn jot, Mâu kâp gân ma nau dơm dam tâm nau ntŭng; Tơlah drăp ndơ ntop âk, lơi ăn nuih n'hâm khân may rnơm ta nây ôh.

Nau Hôr 11:4

Drăp ndơ mâu geh ôh nau khlay ta nar nau ji nuih, Ƀiălah nau sŏng srăng tâm rklaih bơh nau khĭt.

Nau Hôr 21:30

Mâu geh nau blau mĭn, nau gĭt rbăng, mâu lah moh nau ŭch nchră Dơi tâm rdâng đah Brah Yêhôva.

Nau Hôr 3:5

Rnơm nsing hom ma Brah Yêhôva ma lĕ nuih n'hâm, Lơi nsing ôh tâm nau gĭt mĭn may nơm.

Nơm Nti 2:19

Mbu nơm dơi gĭt đŏng bunuyh nây blau mĭn mâu lah rluk? Nđâp tơlah păng mra mât uănh lĕ rngôch nau kan gâp hŏt rgănh jêh ri blau mĭn ƀư tâm dâng nar. Nau nây ăt jêng nau dơm dam.

Nơm Nti 9:11

Gâp saơ tay tâm dâng nar: Mâu di lĕ ngăch jâng jêng blau nchuăt, Suan ktang jêng dơi nau tâm lơh, Ăt mâu di lĕ blau mĭn jêng hơm tŏng, Gĭt rbăng jêng ndrŏng kuăng, Jêh ri blau ngăn jêng nau yô̆; Yorlah mông găl jêh ri nau ƀŭn lap tât da dê ăn ma lĕ rngôch bunuyh.

Êsai 10:8

Yorlah păng lah: “Mâu di hĕ phung kôranh tahan gâp jêng hađăch da dê?

Êsai 20:5

Rnôk nây, mbu uănh bri Kus jêng nau kâp gân, jêh ri uănh Êjipt jêng nau hưn ma păng mra klach krit jêh ri bêk prêng.

Êsai 47:10

Ay rnơm tâm nau ƀai ay. Jêh ri ay lah pô aơ: “Mâu geh nơm saơ gâp ôh.” Nau blau mĭn jêh ri nau ay gĭt rbăng Hŏ njŭn leo ay tâm trong tih, Jêh ri ay lah jêh tâm nuih n'hâm pô aơ: “Gâp aơ, rlau ma gâp mâu geh nơm êng ôh!”

Êsai 5:21

Rêh ni ngăn ma phung kơp khân păng nơm jêng blau mĭn, Jêh ri kơp ma khân păng nơm jêng gĭt rbăng!

Yêrêmi 31:34

Khân păng mâu mra sâm nti ôh ma nơm chiau meng mâu lah oh nâu păng pô aơ: ‘Gĭt năl hom Brah Yêhôva,’ yorlah lĕ rngôch khân păng gĭt năl Gâp da dê, ntơm bơh nơm jê̆ lơn tât ma nơm toyh lơn,” Brah Yêhôva lah: “Yorlah Gâp mra yô̆ an nau djơh mhĭk khân păng jêh ri mâu hôm kah gĭt ma nau tih khân păng đŏng.”

Yêrêmi 48:14

Mâm khân may dơi lah: ‘Hên jêng phung janh nănh, Jêng phung tahan ktang ntŭk tâm lơh’?

Yêrêmi 48:7

Yorlah may rnơm ma kan jêh ri jay ndơ khlay may nơm, Yor nây bu mra pit in may; Brah Chêmôs mra jêng bu nă Ndrel ma phung kôranh ƀư brah jêh ri phung kôranh păng.

Yêrêmi 49:4

Ơ kon bu ur mâu geh răp jăp ri, Mâm ƀư khân may ntưih ir ma ntŭk rlŭng, Lĕ rngôch ntŭk rlŭng geh jêng may? May rnơm nsing ma ngih bun drăp ndơ khlay may nơm, Yor nây lah pô aơ: ‘Mbu nơm nănh văch tâm lơh đah gâp?’”

Êsêkiêl 29:9

N'gor bri Êjipt mra jêng rngol, nsoih dơm jêh ri khân păng mra gĭt Gâp jêng Brah Yêhôva.’ Yorlah Pharaôn geh lah jêh pô aơ: ‘Dak krong Nil jêng ndơ gâp, gâp hŏ njêng jêh păng.’

Êsêkiêl 7:19

Khân păng mƀăr lơi prăk khân păng tâm trong toyh, mah khân păng jêng ndơ ƀơ̆ ƀơch. Prăk mâu lah mah ăt mâu dơi tâm rklaih ôh khân păng tâm nar Brah Yêhôva ji nuih. Khân păng mâu dơi ƀư ma khân păng bah ji ngot mâu hơm ndŭl yorlah nây jêng ndơ ƀư ăn ma khân păng tŭp tâm nau tih!

Daniel 3:15

Aƀaơ, tơlah khân may tăng bâr nŭng, bâr dĭng, bâr gong rêng, dĭng vưt, gong rêng loih, gâr jê̆ jêh ri ăp ntil gong kreh huy khân may rơm ndrăp chon mon muh măt yơk mbah ma rup gâp ƀư jêh mra jêng ueh; ƀiălah tơlah khân may mâu chon mbah ôh bu mra klŭp khân may tâm năk ŭnh hit, rlong uănh mbu brah dơi tâm rklaih khân may bơh ti gâp?”

Daniel 4:37

Aƀaơ aơ, gâp, Y-Nêbukatnetsar mprơ tâm rnê, mât ton jêh ri yơk ma hađăch tâm Trôk Yorlah lĕ nau kan Păng jêng nanê̆ ngăn da dê Jêh ri lĕ trong Păng jêng sŏng da dê. Mbu nơm hăn tâm nau sưr Păng mra ntrŭnh.

Mika 6:8

Hơi bunuyh! Păng hŏ tâm mpơl jêh ma may ntil nau jêng ueh, Ntil nau Brah Yêhôva gay ŭch ăn ma may ƀư. Nây mâu di jêng ƀư nau sŏng srăng, ŭch nau ueh Jêh ri chuat hăn ma nau dêh rhêt ndrel ma Brah Ndu may lĕ?

Sôphôni 1:18

Nđâp ma prăk mâu lah mah khân păng Kŏ mâu dơi đŏng tâm rklaih khân păng Tâm nar Brah Yêhôva ji nuih. Ƀiălah tâm lam neh ntu mra geh ŭnh ntôn bơh Păng su ntrŭt, Yorlah Păng mra ƀư rai lĕ rngôch phung gŭ ta klơ neh ntu Ma nau krit toyh ngăn!”

Markôs 10:24

Phung oh mon hih rhâl ma nau aơ. Ƀiălah Brah Yêsu lah đŏng: “Hơi phung kon, phung bunuyh rnơm nsing ma nau ndrŏng gay lăp tâm ƀon bri hađăch Brah Ndu dŭt jêr ngăn.

Samƀŭt Pôl Njuăl Ăn Ma Phung Nsing Ta Ƀon Rôm 1:22

Khân păng êng mbơh khân păng nơm jêng blau mĭn, ƀiălah plơ̆ jêng brŭt rluk.

I Kôrintô 1:31

yor ri, tâm ban ma nau nchih jêh: “Mbu nơm rnê êng, tâm rnê êng hom tâm Kôranh Brah.”

Nau Vay Nkah Tay 8:17

Pôri, ăn blau njrăng, lơi khân may lah tâm nuih n'hâm pô aơ: ‘Nau brah jêh ri nau dăng bơh bar đah ti gâp hŏ njêng jêh ma gâp nau ndrŏng aơ.’

Philip 3:10

gay ma gâp dơi gĭt năl Păng, nau brah bơh nau Păng dâk rêh tay, dơi tâm pă nau Păng rêh ni, jêh ri plơ̆ jêng tâm ban ma Păng tâm nau păng khĭt;

Philip 3:8

Rlau ma nây, gâp uănh đŏng lĕ ntil ndơ tâm ban ma nau roh rai, yor nau gĭt năl Brah Yêsu Krist, Kôranh Brah gâp, jêng khlay lơn. Yor Păng, gâp dơn nau roh rai ma lĕ rngôch, jêh ri uănh lĕ nau nây nâm bu ndŏk, gay geh Brah Krist,

I Timôthê 6:10

Yorlah nau rŏng ma prăk jêng tơm reh ma lĕ rngôch nau mhĭk, ƀaƀă bunuyh yor ma tĭng joi prăk hŏ chalơi nau chroh, sŏk dơn êng ma khân păng nơm âk nau rêh ni hâu ngăn.

I Samuel 17:42

Bu klâu Philistin uănh Y-Đavit, saơ păng knŏng jêng du huê ndăm rah, muh măt dŭm, săk jăn ray ueh, jêh ri mưch ma păng.