Yêrêmi 9:22 - Nau Brah Ndu Ngơi 2023

²² May ngơi hom: “Brah Yêhôva lah pô aơ: ‘Săk jăn phung khĭt mra cha lôt Nâm bu buh nkhŭt ta lôk mir, Nâm bu nkong ba pakơi nơm rek Mâu geh nơm dônh khân păng ôh.’”

Yêrêmi 9:22 Iomraidhean Croise

II Phung Hađăch 20:13

Jêh iăt nau phung mbơh nkoch jêh, Y-Hêsêkia ăn ma khân păng uănh lĕ rngôch jay prăp drăp ndơ khlay păng tâm ban ma prăk, mah, dak si ƀâu kah, dak ngi khlay, jay prăp ndơ tâm lơh, jêh ri lĕ rngôch ndơ tâm lĕ jay prăp drăp ndơ păng. Mâu hôm geh du ntil ndơ ôh tâm ngih hađăch jêh ri tâm lĕ ƀon bri hađăch păng, dĭng Y-Hêsêkia mâu ăn khân păng uănh.

II Phung Hađăch 20:15

Y-Êsai ôp tay: “Moh ndơ khân păng saơ jêh tâm ngih hađăch may?” Y-Hêsêkia plơ̆ lah: “Khân păng lĕ saơ jêh lĕ rngôch ndơ ngih hađăch gâp. Mâu geh du ntil ndơ tâm lĕ jay prăp drăp ndơ khlay dĭng gâp mâu tâm mpơl ăn ma khân păng saơ.”

II Phung Hađăch 9:37

Săk jăn khĭt H'Jêsêbel mra tâm ban ma ek klơ neh tâm mir Jesrêel, kŏ tât bu mâu lah: Aơ yơh jêng H'Jêsêbel.’”

Ndrom Samƀŭt bơh Yôp 5:13

Păng nhŭp phung blau plĕch tâm nau plĕch rlăm păng, Jêh ri nhŭp rdâng ro nau ŭch mĭn phung ƀlăch ƀlêr.

Nau Mprơ Ơm 49:7

Mâu geh ôh du huê nơm dơi tâm chuai oh nâu păng Mâu lah nkhôm rnoh chuai bunuyh nây tâm Brah Ndu.

Nau Mprơ Ơm 83:10

Jêng phung bu ƀư nkhĭt ta Ên-Dôr Jêh ri jêng ek ma neh.

Nau Hôr 18:11

Drăp ndơ bunuyh ndrŏng jêng pôih nâp ngăn ma păng, Jêng pêr prêh tâm nau mĭn lor bơh nơm nây.

Nau Hôr 23:4

Lơi ƀư jêr ôh may nơm gay ƀư ndrŏng; Lơi hôm nau nsing ma nau gĭt mĭn may nơm.

Êsai 5:25

Yor nây, Brah Yêhôva hŏ ji nuih đah phung ƀon lan Păng. Păng yơr jêh ti tâm rdâng đah khân păng jêh ri dong khân păng, Yôk n'găr mpât da dê. Săk jăn khĭt khân păng jêng tâm ban ma ndŏk ta nklang trong. Nđâp lah kơt nĕ, nau Păng ji nuih ê bah ôh, Ƀiălah ti Păng ăt hôm yơr ƀư ƀaƀơ.

Yêrêmi 16:4

“Khân păng mra khĭt yor nau ji tưp, mâu geh bunuyh nhĭm nhhiăng ăt mâu lĕ geh bunuyh tâp brôi. Khân păng mra jêng nâm bu buh ta klơ măt neh. Bu mra khĭt khân păng ma pêh đao jêh ri sa sât ji ngot. Săk jăn khĭt khân păng mra ƀư ndơ sa ăn ma phung sĭm klơ trôk jêh ri ma mpô mpa bri ta klơ neh.”

Yêrêmi 25:33

Tâm nar nây, săk phung khĭt Brah Yêhôva nkhĭt khĭt mra bêng lam măt neh. Mâu geh bunuyh nhĭm vơl mâu lah rgum gay tâp brôi, mâu lah rgum tay gay ma tâp brôi; khân păng jêng buh ta klơ măt neh!

Yêrêmi 6:21

Yor ri, Brah Yêhôva lah: “Aơ, Gâp mra dơm ndơ king tanăp phung ƀon lan nây Ƀư ăn khân păng chêh prah; Lĕ rngôch mê̆ mbơ̆ jêh ri phung kon, Phung chiau meng jêh ri mĭt jiăng khĭt roh da dê.”

Yêrêmi 7:33

Săk jăn khĭt phung ƀon lan aơ mra ƀư mpa sa ăn phung sĭm trôk jêh ri mpô mpa bri klơ neh, jêh ri mâu geh bunuyh mprơh khân păng du.

Yêrêmi 8:2

Bu mra ih lĕ nting nây tâm dâng nar, khay, jêh ri lĕ rngôch mănh klơ trôk khân păng hŏ rŏng kơnh, pah kan, hăn tĭng ndô̆, dăn lup, jêh ri yơk mbah. Lĕ nting nây mâu mra dơi rgum tay, ăt mâu dơi tâp ƀiălah mra jêng nâm bu ŭnh buh ta klơ măt neh.

Habakuk 1:11

Rnôk nây, rduh ran tât jêh ri hăn ntrŭt nâm bu sial phŭt, Khân păng ƀư tih jru ngăn Yorlah uănh nau dăng khân păng nơm jêng brah.”

Sôphôni 1:17

Gâp mra leo nau rêh ni tât ma phung bunuyh; Khân păng mra chuat hăn nâm bu bunuyh chieh măt, Yorlah hŏ ƀư tih jêh đah Brah Yêhôva; Mham khân păng mra nkhŭt nâm bu neh muy, Jêh ri proch ôm hăch nâm bu ek.

Nau Vay Nkah Tay 8:17

Pôri, ăn blau njrăng, lơi khân may lah tâm nuih n'hâm pô aơ: ‘Nau brah jêh ri nau dăng bơh bar đah ti gâp hŏ njêng jêh ma gâp nau ndrŏng aơ.’