Yêrêmi 9:21 - Nau Brah Ndu Ngơi 2023

²¹ Yorlah nau khĭt hŏ hao găn mpông bloh, Lăp mpôn ngih hađăch he, Nkhĭt jêh phung kon se rŏ trong sâng Jêh ri phung bu klâu ndăm tâm lĕ nhuang ƀon.

Yêrêmi 9:21 Iomraidhean Croise

II Nau Rêh Jêng 36:17

Yor nây, Brah Yêhôva đă hađăch phung Kaldê lơh khân păng, sŏk đao nkhĭt phung ndăm ta ngih brah kloh ueh khân păng, jêh ri mâu yô̆ ôh, ma phung ndăm mâu lah bu druh, bu ranh mâu lah phung rdja. Brah Yêhôva jao lĕ khân păng tâm ti hađăch phung Kaldê.

Êsai 40:30

Phung druh ndăm ăt huăr rgănh, Phung bu klâu ndăm ăt chêh prah đŏng.

Yêrêmi 15:7

Gâp hŏ sŏk dông nsiăng khân păng Ta lĕ ntŭk mpông ƀon tâm n'gor. Gâp hŏ ntŭng rdu phung kon khân păng jêh ri ƀư rai phung ƀon lan Gâp, Yorlah khân păng mâu chalơi trong ơm jêh ri plơ̆ sĭt tay.

Yêrêmi 18:21

Yor nây, dăn May jao kon sau khân păng ăn ma nau sât ji ngot, Jêh ri jao khân păng ma pêh đao. Phung bu ur mra roh kon jêh ri jêng ndrô, Phung bu klâu khĭt yor ji tưp, Phung mom ndăm cha lôt khĭt ma pêh đao ta nklang ntŭk tâm lơh.

Yêrêmi 44:7

Aƀaơ ri, Yêhôva Brah Ndu ma phung tahan, Brah Ndu Israel, lah pô aơ: ‘Mâm ƀư khân may ƀư ăn ma khân may nơm nau ƀai dŭt toyh kŏ tât bơh ma phung bu klâu, phung bu ur, phung kon se jê̆, phung oh bê dôl hôm pu bu ƀư rai lĕ bơh n'gor bri Yuđa, mâu hôm geh du huê bunuyh hôm klen ăn ma khân may?

Yêrêmi 50:30

Yor nây, tâm nar nây, phung bu klâu ndăm păng mra cha lôt tâm nkual toyh; lĕ rngôch phung tahan păng mra gŭ rklăk.” Brah Yêhôva lah pônây.

Yêrêmi 6:11

Yor nây, nuih n'hâm gâp prăp bêng ma nau ji nuih Brah Yêhôva, Gâp mâu dơi ât rklăk ôh. “Nkhŭt hom nau ji nuih nây ta klơ phung kon se ta trong sâng, Ta klơ phung ndăm dôl tâm rgum; Lĕ rngôch ur nđâp ma sai, Bu ranh jêh ri bunuyh âk năm bu mra nhŭp da dê.

Yêrêmi 6:21

Yor ri, Brah Yêhôva lah: “Aơ, Gâp mra dơm ndơ king tanăp phung ƀon lan nây Ƀư ăn khân păng chêh prah; Lĕ rngôch mê̆ mbơ̆ jêh ri phung kon, Phung chiau meng jêh ri mĭt jiăng khĭt roh da dê.”

Yêrêmi 7:33

Săk jăn khĭt phung ƀon lan aơ mra ƀư mpa sa ăn phung sĭm trôk jêh ri mpô mpa bri klơ neh, jêh ri mâu geh bunuyh mprơh khân păng du.

Yêrêmi 8:2

Bu mra ih lĕ nting nây tâm dâng nar, khay, jêh ri lĕ rngôch mănh klơ trôk khân păng hŏ rŏng kơnh, pah kan, hăn tĭng ndô̆, dăn lup, jêh ri yơk mbah. Lĕ nting nây mâu mra dơi rgum tay, ăt mâu dơi tâp ƀiălah mra jêng nâm bu ŭnh buh ta klơ măt neh.

Yôel 2:9

Khân păng rduh ran rlet ma ƀon toyh, nchuăt klơ mpêr ƀon, Hao lăp tâm ngih lăp ta mpông bloh nâm bu nuyh ntŭng.

Amôt 5:2

“Bu ur druh tang tat Israel lĕ cha lôt jêh, Mâu mra hôm dâk đŏng ôh. Bu lĕ mƀăr lơi jêh păng ta neh Mâu geh bunuyh kơl rdâk.”

Amôt 6:9

Tơlah tâm du rnăk vâl hôm e jât nuyh Khân păng mra khĭt lĕ rngôch.

Sôphôni 1:17

Gâp mra leo nau rêh ni tât ma phung bunuyh; Khân păng mra chuat hăn nâm bu bunuyh chieh măt, Yorlah hŏ ƀư tih jêh đah Brah Yêhôva; Mham khân păng mra nkhŭt nâm bu neh muy, Jêh ri proch ôm hăch nâm bu ek.