Yêrêmi 9:13 - Nau Brah Ndu Ngơi 2023

¹³ Brah Yêhôva lah: “Yorlah khân păng chalơi nau vay Gâp hŏ ndâk ăn khân păng, mâu tông ôh bâr Gâp jêh ri mâu rêh tĭng nau vay Gâp.

Yêrêmi 9:13 Iomraidhean Croise

II Nau Rêh Jêng 7:19

Ƀiălah tơlah khân may teng trong êng jêh ri chalơi lĕ nau vay dăp jêh ri lĕ nau vay ntăm bơh Gâp hŏ n'gân jêh panăp khân may, hăn tĭng phung brah êng jêh ri yơk mbah ma khân păng,

Êsra 9:10

Aƀaơ ri, hơi Brah Ndu phung kon, pakơi lĕ nau aơ, mâm phung kon mra lah? Yorlah hên hŏ chalơi lĕ rngôch nau vay ntăm bơh May ntĭnh.

Nau Mprơ Ơm 119:53

Gâp ji nuih hâu ngăn, Dôl phung ƀai chalơi nau vay May.

Nau Hôr 28:4

Phung chalơi nau vay tâm rnê ma phung djơh, Bi ma phung mât prăp nau vay tâm rdâng đah khân păng.

Yêrêmi 13:10

Phung ƀon lan mhĭk aơ mâu ŭch iăt ôh nau Gâp, sŏl ko ƀư tĭng nau mĭn nuih n'hâm khân păng nơm, nchuăt tĭng ndô̆ phung brah êng ŭch pah kan jêh ri yơk mbah. Khân păng mra jêng mâu hôm dŏng nâm bu rse vân bŭt aơ.”

Yêrêmi 22:9

Mra geh bunuyh plơ̆ lah: ‘Yorlah phung ƀon lan tâm ƀon nây hŏ chalơi jêh nau tâm rnglăp đah Yêhôva Brah Ndu khân păng, yơk mbah jêh ri rhŏ ma lĕ brah êng.’

Yêrêmi 5:19

Dôl khân păng lah: ‘Mâm ƀư Yêhôva Brah Ndu he ntrŭnh lĕ nau nây ta klơ phung he?’ pôri may ngơi hom đah khân păng pô aơ: ‘Khân may hŏ chalơi Gâp jêh ri pah kan lĕ brah bu năch tâm neh may nơm mâm ƀư, lĕ khân may ăt mra pah kan ma phung ƀon lan bu năch tâm n'gor mâu di bri phung khân may tâm ban lĕ.’

Yêrêmi 7:26

Ƀiălah khân păng mâu ŭch iăt Gâp, mâu ŭch lĕ srâng iăt, lơ hâu dăng bôk dăng ko, gŭ ngao mhĭk lơn ma phung chô yau khân păng.”