Yêrêmi 9:12 - Nau Brah Ndu Ngơi 2023

¹² Mbu nơm jêng bunuyh tŏng blau mĭn gay gĭt rbăng lĕ nau aơ? Mbung Brah Yêhôva lah mbu nơm gay khân păng mbơh tay? Mâm ƀư ntŭk ƀư rai jêh, rngot njăp nâm bu bri rdah, mâu geh du huê găn tât?

Yêrêmi 9:12 Iomraidhean Croise

Nau Mprơ Ơm 107:34

Jêh ri neh hon ndơ jêng neh chiăt, Yor nau djơh mhĭk phung gŭ ta nây.

Nau Mprơ Ơm 107:43

Ăn bunuyh blau mĭn rkêng tôr iăt lĕ nau aơ, Jêh ri mĭn rvê ma nuih n'hâm ueh Brah Yêhôva.

Êsai 42:23

Mbu nơm tâm phung khân may rkêng tôr iăt ma nau aơ, Mbu nơm rkêng tôr iăt gay ma gĭt lĕ nau mra tât tâm nar kăndơ̆?

Yêrêmi 23:10

Bri dak bêng ma phung văng tĭr; Geh nau rak rtăp rĭ dĭng bri dak geh nau rngot rvê, Lĕ rngôch ndrêch gơ̆ tâm bri rdah kro da dê jêh. Trong khân păng hăn jêng nau kue, Nau dơi khân păng djôt jêng nau mâu di.

Yêrêmi 23:16

Brah Yêhôva ma phung tahan lah: “Lơi ta iăt ôh nau phung mbơh lor mbơh ma khân may. Khân păng srih nau kâp gân ma nau dơm dam Ngơi nau tâm saơ yor bơh khân păng nơm mĭn êng Mâu di bơh trôm mbung Brah Yêhôva lah ôh.

Yêrêmi 23:22

Tơlah khân păng dâk tâm nau Gâp tâm rgum, Pôri hŏ mbơh nau Gâp ăn ƀon lan Gâp, Kơl ƀon lan Gâp chalơi trong mhĭk, Jêh ri der ngai lĕ nau ƀư mhĭk.”

Yêrêmi 23:28

Moh nơm mbơh lor geh nau mbơi, nkoch hom nau mbơi nây! Mbu nơm hŏ dơn jêh nau Gâp, răp jăp hom mbơh tay nau Gâp! Rhe dơi lĕ tâm rlŭk đah ba ƀlê?” Brah Yêhôva lah pônây.

Yêrêmi 9:20

Hơi lĕ bu ur, iăt hom nau Brah Yêhôva, Pơk hom tôr iăt nau bơh mbung Păng; Nti hom ăn kon bu ur khân may nau mprơ nhĭm vơl, Nti ndrel nau mprơ rngot klâng!

Êsêkiêl 14:23

Di ngăn yơh, khân păng mra ƀư ăn ma khân may geh nau bonh leng tơlah khân may saơ trong jêh ri nau kan khân păng ƀư, jêh ri khân may mra gĭt Gâp mâu ƀư ôh lĕ rngôch nau nây tâm ƀon Yêrusalem tơlah mâu geh nau,’” Brah Yêhôva lah pônây.

Ndrom Samƀŭt bơh Ôsê 14:9

Mbu nơm jêng bunuyh blau mĭn, gĭt rbăng hom nau aơ? Mbu nơm jêng bunuyh gĭt rbăng, gĭt hom lĕ nau nây? Yorlah lĕ trong Brah Yêhôva jêng sŏng; Phung sŏng srăng mra chuat hăn ta nây, Bi ma phung ƀư tih mra chêh prah ta nây.

Ndrom Samƀŭt bơh Ôsê 4:10

Khân păng mra sông sa ƀiălah mâu hơm ôh, Khân păng ƀư nau văng tĭr ƀiălah mâu bĭk rơ̆ lĕ; Yorlah khân păng lĕ chalơi jêh Brah Yêhôva, Hăn tĭng phung brah êng.

Yôel 1:11

Hơi phung ƀư mir, bêk prêng hom; Hơi phung tăm tơm krăk ƀâu, nhĭm vơl hom ma ba ƀlê jêh ri ba ôrgơ, Yorlah yan kăch roih tâm mir hŏ roh jêh.

Sôphôni 3:6

“Gâp hŏ ƀư rai jêh phung ntil mpôl bunuyh, Ƀư lĕ vâl tŭm gak ta njônh mpêr ƀon jêng rlâm rai. Gâp ƀư ma trong sâng păng jêng bri hŏng, Kŏ tât mâu geh ôh bunuyh hăn rgăn ta nây. Lĕ ƀon khân păng bu hŏ ƀư rai jêh, Mâu hôm geh du huê bunuyh, jêh ri kŏ mâu geh lĕ bunuyh gŭ ta nây.

Mathay 24:15

Tơlah khân may saơ nau ƀơ̆ ƀơch ngăn ƀư nau rai ma Ntŭk Kloh Ueh, nâm nau nơm mbơh lor Y-Đaniel hŏ lah (mbu moh rŏ nau aơ gĭt hom),

Nau Vay Nkah Tay 32:29

Tơlah nau blau mĭn khân păng mra gĭt rbăng nau aơ, Jêh ri gĭt vât tât dăch dŭt mâm khân păng mra jêng pakơi taơ.

Nau Tâm Mpơl 1:3

Ueh maak yơh ma bunuyh răk ndrel ma phung tăng nau mbơh lor aơ jêh ri djôt prăp lĕ nau bu nchih jêh tâm nây, yorlah mông nar dăch tât.