Yêrêmi 9:10 - Nau Brah Ndu Ngơi 2023

¹⁰ Gâp mra nhĭm nhhiăng vah vơl ăn lĕ yôk, Nau mprơ klâng rngot ăn ma ndrêch gơ̆ tâm bri rdah, Yorlah khân păng ŭch sa, mâu du huê bunuyh găn tât, Mâu hôm tăng bâr phung mpô mpa rong; Tă bơh sĭm tâm trôk kŏ tât mpa bri, Lĕ rngôch du roh da dê.

Yêrêmi 9:10 Iomraidhean Croise

Êsai 41:15

Aơ, Gâp mra ăn may jêng ndơ mprah ba Ƀă mhe ƀă hơr ngăn jêh ri geh âk sêk. May mra jot plên jêh ri ƀư nchah rai lĕ yôk, Ƀư ma phung yôk jêng tâm ban ma rhe.

Êsai 49:19

Nanê̆, lĕ ntŭk rlâm jêng rngol, Jêh ri neh may bu ƀư rai jêh, Aƀaơ jêng rhăt ir ma phung ƀon lan may gŭ. Phung sa rvăn may mra du ngai ma may.

Yêrêmi 12:10

Geh âk phung rmăk biăp ƀư rai jêh đang krăk ƀâu Gâp, Jot nkrâm ta ntŭk neh Gâp, Rgâl ntŭk neh Gâp ŭch rŏng Jêng bri rdah rngot rjăp.

Yêrêmi 12:11

Khân păng hŏ ƀư ăn ma neh nây jêng rngol, rai lĕ; Păng vah vơl ma Gâp. Lĕ rngôch n'gor jêng rngol da dê, Ƀiălah mâu geh bunuyh mĭn tât ôh.

Yêrêmi 12:4

Tâm n'gor bri klâng ndrê, Gơ̆ tâm ndrêch klêu kro kŏ tât ndah jŏ? Yorlah ƀon lan djơh mhĭk Yor nây mpô mpa bri jêh ri sĭm och rai yot da dê. Khân păng lah pô aơ: “Păng mâu mra saơ nau tât nglĕ dŭt ma he ôh!”

Yêrêmi 14:6

Seh bri gŭ ta klơ lĕ yôk hil, Nsôr n'hâm nthôk nthơk nâm bu so bri, Măt lĕ huănh Yor mâu geh gơ̆.”

Yêrêmi 2:15

Phung yau mŭr ndăm rah ngrông, Rđuh dŭt huy tâm rdâng đah păng, Ƀư ăn neh păng rgâl jêng rngol; Lĕ rngôch ƀon păng lĕ bu su ma ŭnh, mâu geh bunuyh gŭ.

Yêrêmi 2:6

Khân păng mâu prot ôp: ‘Ta ntŭk Brah Yêhôva? Nây jêng Nơm hŏ djôt leo he luh bơh Êjipt, Njŭn leo he găn bri rdah, Găn n'gor rngol bêng ma ntu brŏng, Tâm neh kro đang jêh ri rđŭng nau khĭt, Ntŭk mâu geh bunuyh găn tât, Jêh ri mâu geh bunuyh nănh gŭ.’

Yêrêmi 23:10

Bri dak bêng ma phung văng tĭr; Geh nau rak rtăp rĭ dĭng bri dak geh nau rngot rvê, Lĕ rngôch ndrêch gơ̆ tâm bri rdah kro da dê jêh. Trong khân păng hăn jêng nau kue, Nau dơi khân păng djôt jêng nau mâu di.

Yêrêmi 50:3

Yorlah geh du phung ƀon lan tă bơh mpeh pa lơ văch hao lơh păng, ƀư ăn bri păng jêng rngol, mâu geh bunuyh gŭ ta nây ôh; nđâp bunuyh jêh ri mpô mpa nchuăt ngai da dê, du roh hêng.”

Yêrêmi 7:29

Koh hom sŏk jêh ri klŭp lơi; Ntơm nau nsôr nter hom ta klơ yôk hil; Yorlah Brah Yêhôva hŏ dun jêh ri chalơi jêh rô̆ aơ, Jêng rô̆ srônh nuih Păng.’”

Yêrêmi 8:18

Ŭch ma gâp dơi bonh leng bơh nau rngot, Nau knap ƀư nchah rai tâm nuih n'hâm!

Nau Nhĭm Vơl 1:16

Yor nây gâp nhĭm nhhiăng; Gâp hor âk dak măt; Yorlah nơm bonh leng gâp ngai jêh ma gâp, Mâu geh nơm n'hao nuih gâp ôh. Phung kon gâp gŭ êng, Yorlah phung rlăng hŏ dơi jêh.”

Nau Nhĭm Vơl 2:11

Măt gâp lĕ huănh hươi jêh yor hoch âk dak măt, Proch khŭng uh ah ngăn; Nuih n'hâm gâp lĕ nkhŭt tâm neh Yorlah kon bu ur ƀon lan gâp bu ƀư rai jêh; Yorlah phung kon se jê̆ jêh ri oh bê Cha lôt prah tâm lĕ trong sâng.

Nau Nhĭm Vơl 5:18

Yorlah yôk Siôn hŏ jêng rngol jêh, Ƀư ntŭk so bri hăn nsong.

Êsêkiêl 14:15

Tơlah Gâp ăn mpa bri janh hăn ăp ntŭk ƀư rai lơi jêh ri ƀư ăn ma bri nây jêng rngol, kŏ tât mâu hôm geh bunuyh hăn prot yorlah klach mpô mpa nây;

Êsêkiêl 27:2

“Hơi kon bunuyh, ƀư hom du nau mprơ rngot ma ƀon Tyre.

Êsêkiêl 29:11

Mâu mra geh mpang jâng bunuyh hăn rgăn ta nây, mâu lĕ geh mpô mpa hăn rgăn đŏng ôh. Păng mâu mra geh bunuyh gŭ ta nây tâm puăn jât năm.

Êsêkiêl 33:28

Gâp mra ƀư bri aơ jêng rngol, rngot njăp, nau dăng ktang păng ƀư sưr rlau mra rai lôch; lĕ yôk Israel mra jêng rngol kŏ tât mâu geh du huê nuyh prot rgăn ta nây đŏng ôh.

Êsêkiêl 6:6

Ăp ntŭk khân may gŭ ƀon toyh bu ƀư rai, lĕ ntŭk prêh mra jêng rngol kŏ tât nơng ƀư brah khân may rai yot jêh ri rlâm lĕ, rup brah mbang nchah jêh ri mâu hôm geh đŏng ôh; Nơng ƀư brah su ndơ ƀâu kah bu ƀư rai lơi jêh ri lĕ rngôch kan khân may bu jut lĕ.

Ndrom Samƀŭt bơh Ôsê 4:3

Yor nây, bri dak mra klâng ndrê; Lĕ rngôch bunuyh huănh huơi da dê, Nđâp ma mpô mpa bri jêh ri sĭm klơ trôk tâm ban lĕ; Lĕ phung ka tâm dak mƀŭt ăt mâu hôm.

Yôel 1:13

Hơi phung kôranh ƀư brah, nsoh hom ao ƀau jêh ri nhĭm vơl! Hơi phung pah kan ta nơng ƀư brah, nhĭm vơl hom! Hơi phung pah kan ma Brah Ndu gâp, Văch nsoh hom ao ƀau rngeh lĕ du măng! Yorlah ndơ ƀư brah rnih môi jêh ri ndơ nhhơr nhêt sa mâu hôm geh nhhơr Tâm ngih Brah Ndu khân may!

Yôel 1:19

Ơ Brah Yêhôva, gâp mbơh sơm ma May. Yorlah ŭnh sa rvăn jêh lĕ ndrêch gơ̆ nse tâm bri rdah, Chiông ŭnh hŏ su lĕ rngôch tơm si tâm mir!

Amôt 5:1

Hơi ngih Israel, iăt hom nau aơ. Aơ jêng nau mprơ rngot gâp nhĭm vơl ma khân may:

Amôt 5:16

Yor nây, Brah Yêhôva jêng Brah Ndu ma phung tahan lah: “Tâm lĕ rngôch nhuang ƀon, bu mra nhhiăng nhĭm, Tâm lĕ rngôch trong sâng ta ƀon toyh, bu mra lah pô aơ: ‘Rêh ni ngăn! Rêh ni ngăn!’ Bu mra kuăl phung ƀư mir văch ma nau klâng rvê, Jêh ri phung nhĭm nkhôm văch gay mprơ ma nau mprơ rngot.

Mika 2:4

Tâm nar nây, bu mra gơm mưch ma khân may; Khân păng mra mprơ du nau mprơ nhĭm vơl pô aơ: ‘He rai yot lĕ rngôch jêh! Păng sŏk lơi drăp ndơn bơh phung ƀon lan gâp Ăn păng du bơh gâp, Sŏk neh mir gâp jêh nây tâm pă ăn ma phung ƀlăch ƀlêr.’”

Mika 3:12

Pônây, yor khân may Siôn bu mra chuar nâm bu lôk mir; Yêrusalem mra jêng du mbŭch rlâm rai, Jêh ri yôk ngih brah mra jêng nâm bu yôk bri krŏng!