Yêrêmi 8:6 - Nau Brah Ndu Ngơi 2023

⁶ Gâp rkêng tôr iăt tăng jêh, Ƀiălah khân păng mâu ngơi ngăn ôh, Mâu geh du huê rmal nau ƀai păng nơm, Hôm ngơi: “Gâp mâu geh ƀư ôh!” Lĕ rngôch tĭng ndô̆ trong êng da dê Nâm bu du mlâm seh rduh tâm lơh.

Yêrêmi 8:6 Iomraidhean Croise

Ndrom Samƀŭt bơh Yôp 10:2

Gâp mra lah ma Brah Ndu: ‘Lơi ta rmal gâp, Dăn ăn gâp gĭt mâm nau May kơp gâp jêng tih.

Ndrom Samƀŭt bơh Yôp 34:31

Yorlah mâp geh lĕ bunuyh lah ma Brah Ndu pô aơ: ‘Gâp hŏ dơn jêh nau nduyh nkra, gâp mâu mra ƀư mhĭk đŏng ôh.

Ndrom Samƀŭt bơh Yôp 34:32

Dăn Kôranh ntĭm nti ma gâp moh nau gâp mâu saơ; Tơlah gâp hŏ ƀư tih, gâp mâu mra ƀư đŏng ôh’?

Nau Mprơ Ơm 14:2

Brah Yêhôva klơ trôk uănh ma phung kon bunuyh Gay uănh nơm geh nau blau mĭn, Tĭng joi Brah Ndu lĕ.

Êsai 30:18

Nđâp lah pônây, Brah Yêhôva ăt hôm kâp gân gay ăn nau ueh ma khân may; Păng mra dâk ŭch mpơl nau yô̆ nđach ma khân may. Yorlah Yêhôva jêng Brah Ndu sŏng. Ueh maak ngăn ma lĕ rngôch phung kâp gân Păng.

Êsai 57:17

Yor nau păng kơnh rlau ir dĭng Gâp ji nuih jêh ri dong păng. Tâm nau ji nuih, Gâp hŏ pôn jêh muh măt Gâp ma păng, Ƀiălah păng ăt plơ̆ tay nâm trong nuih n'hâm păng.

Êsai 59:16

Păng saơ mâu geh du huê bunuyh sŏng srăng ôh, Jêh ri hih rhâl yor mâu geh nơm vah vơl. Păng dŏng ti păng nơm ƀư tât nau tâm rklaih; Nau sŏng Păng nơm kơl.

Yêrêmi 23:25

Gâp hŏ tăng jêh nau phung mbơh lor aơ ngơi. Khân păng hŏ tâm amoh Gâp mbơh lor nklă pô aơ: ‘Gâp saơ nau mbơi jêh! Gâp saơ nau mbơi jêh!’

Yêrêmi 3:5

Di lĕ May ji nuih mro mrăng, Jêh ri nau ji nuih n'ho ro?’ Aơ, nđâp lah hŏ ngơi tâm ban pônây, May ăt ƀư nau mhĭk may nơm ŭch.”

Yêrêmi 5:1

“Hăn hom lam lĕ rŏ trong ƀon Yêrusalem, Ntreng uănh jêh ri nchih dơn! Tĭng joi hom lĕ ntŭk nhuang ƀon, Tơlah may dơi joi du huê bunuyh Ƀư nau sŏng srăng, joi ma nau nanê̆ ngăn, Pôri Gâp mra yô̆ an ma lĕ ƀon.

Êsêkiêl 18:28

Yorlah păng gĭt mĭn rvê jêh ri chalơi lĕ rngôch nau tih păng hŏ ƀư jêh n'hêl nanê̆ păng mra rêh, mâu khĭt ôh.

Êsêkiêl 22:30

Gâp joi jêh du huê bunuyh ta nklang khân păng gay ndâk tay mpêr ƀon toyh, yorlah neh gŭ dâk ta ntŭk lĕ đang chah tanăp Gâp gay ma Gâp mâu ƀư rai păng ôh; ƀiălah Gâp joi mâu dơi geh du huê bunuyh.

Daniel 9:11

Lĕ rngôch phung Israel ƀư tih da dê nau vay May, rle ndŭr kơi, mâu ŭch tông bâr May ôh. Yorlah pônây, lĕ nau rtăp rak jêh ri nau ton nchih tâm nau vay Y-Môis, oh mon Brah Ndu, hŏ nkhŭt jêh ta klơ hên yorlah hên ƀư tih jêh đah May.

Mika 7:2

Bunuyh klach yơk hŏ roh jêh bơh neh ntu; Mâu hôm geh ôh nơm sŏng tâm phung bunuyh. Khân păng kâp rmiăt ŭch ƀư pling mham da dê; Ăp nơm sŏk nhuăl da dê nthăng ma oh nâu păng nơm.

Sôphôni 3:7

Gâp hŏ lah jêh: ‘May knŏng klach yơk ma Gâp, Dơn nau bu nkra ntĭm!’ Pôri ntŭk păng gŭ bu mâu mra ƀư rai ôh Tĭng ăp ntil nau Gâp hŏ nal jêh ma păng. Ƀiălah khân păng dâk ơm ôi Gay ƀư lĕ nau ƀai.”

Ndrom Samƀŭt bơh Agê 1:5

Pôri aƀaơ aơ, Brah Yêhôva ma phung tahan lah pô aơ: ‘Mêt uănh hom trong khân may ŭch ƀư.

Ndrom Samƀŭt bơh Agê 1:7

Brah Yêhôva ma phung tahan lah: ‘Mêt uănh hom trong khân may ŭch ƀư.

Malachi 3:16

Nôk nây, phung klach yơk ma Brah Yêhôva nkoch bri ndrăng khân păng nơm, jêh ri Brah Yêhôva rkêng tôr iăt nau khân păng. Bu nchih jêh du ndrom samƀŭt ăn kah gĭt tanăp Brah Yêhôva ăn ma phung klach yơk ma Păng jêh ri yơk ma amoh Păng.

II Pêtrôs 3:9

Kôranh Brah mâu mbrĕ mbrơi ma nau Păng ton tĭng nâm ƀaƀă mĭn, ƀiălah Păng srôih đah khân may, mâu ŭch ôh du huê khĭt roh, ƀiălah ŭch ma lĕ rngôch rmal nau tih da dê.

Nau Tâm Mpơl 9:20

Kô̆ hôm e tâm kon bunuyh, phung bunuyh mâu khĭt yor nau ƀư rai aơ, mâu rmal ôh lĕ kan ti khân păng ƀư, mâu đŏng chalơi nau yơk mbah ma brah mhĭk, ma lĕ rup brah mah, prăk, kông, lŭ, tơm si jêng lĕ rup brah mâu dơi saơ, mâu tăng mâu lah blau nsong ôh.