Yêrêmi 8:4 - Nau Brah Ndu Ngơi 2023

⁴ “May mbơh hom ma khân păng pô aơ geh Brah Yêhôva lah: ‘Dôl chêh prah, bu mâu plơ̆ dâk lĕ? Dôl vĭ nhhơt, bu mâu plơ̆ sĭt lĕ?

Yêrêmi 8:4 Iomraidhean Croise

I Phung Hađăch 8:38

tơlah geh du huê bunuyh mâu lah lĕ rngôch phung ƀon lan Israel Kôranh Brah lĕ nuih n'hâm gĭt năl ma nau rêh ni khân păng nơm, jêh ri yơr ti rle mpeh ma ngih brah aơ gay mbơh sơm, vơh vơl ma lĕ rngôch nau,

Nau Hôr 24:16

Yorlah bunuyh sŏng srăng nđâp lah păng cha lôt pơh tơ̆ hôm dơi dâk đŏng, Bi ma phung djơh mhĭk mra ngâm tâm nau mhĭk.

Êsai 44:22

Gâp jut jêh nau tih may tâm ban ma tŭk mbâl, Jêh ri nau tih may tâm ban ma ndâr tŭk. Plơ̆ sĭt hom ma Gâp, yorlah Gâp tâm chuai jêh may.

Êsai 55:7

Ăn phung ƀai chalơi hom trong păng nơm, Ăn bunuyh kue chalơi hom nau păng mĭn; Plơ̆ sĭt hom ma Brah Yêhôva, Păng mra yô̆ an, Văch hom ma Brah Ndu he, yorlah Păng mra yô̆ an rmeh ler.

Yêrêmi 23:14

Ƀiălah nklang phung mbơh lor gŭ ta Yêrusalem, Gâp hŏ saơ jêh nau mhĭk: Khân păng ƀư tih văng tĭr, chuat hăn tâm nau mƀruh; Khân păng ƀư ntop nau dăng ktang ăn ma ti phung ƀai, Kŏ tât mâu geh bunuyh chalơi nau mhĭk khân păng. Gâp uănh lĕ rngôch khân păng nâm bu Sôdôm, Jêh ri phung ƀon lan gŭ ta Yêrusalem nâm bu Gômôrơ.”

Yêrêmi 3:1

Brah Yêhôva lah: “Tơlah nơm ri chalơi ur, Ur nơm nây luh du jêh ri sŏk sai êng, Pôri sai ơm păng mra plơ̆ tay Đah bu ur nây lĕ? Mâu di hĕ neh aơ hŏ ƀơ̆ ƀơch ngăn? Păng hŏ ƀư nau văng tĭr đah âk nơm rŏng, Hôm e mĭn plơ̆ tay đah Gâp hĕ?

Yêrêmi 3:22

“Hơi phung kon mâu răp jăp, plơ̆ sĭt hom! Gâp mra ƀư bah nau mâu răp jăp khân may.” Khân may plơ̆ lah: “Aơ, phung hên tât ma May, Yorlah May jêng Yêhôva Brah Ndu hên.

Yêrêmi 36:3

Klăp lah phung Yuđa mra gĭt lĕ rngôch nau mhĭk Gâp mĭn jêh ŭch ƀư ma khân păng, khân păng plơ̆ sĭt tay, ăp nơm chalơi trong mhĭk păng, jêh ri Gâp yô̆ an nau djơh mhĭk jêh ri nau tih khân păng.”

Yêrêmi 4:1

Brah Yêhôva lah: “Hơi phung Israel, tơlah may plơ̆ sĭt, Tơlah khân may plơ̆ sĭt ma Gâp, Tơlah may mƀăr lơi lĕ rngôch nau ƀơ̆ ƀơch du bơh măt Gâp, Jêh ri mâu mpât n'gơ đŏng ôh,

Êsêkiêl 18:23

Kôranh Brah Yêhôva lah: ‘Di lĕ Gâp geh nau maak yor nau khĭt phung ƀai? Mâu di Gâp maak yor păng chalơi trong păng gay dơi rêh lĕ?

Ndrom Samƀŭt bơh Ôsê 14:1

Hơi Israel, plơ̆ sĭt hom ma Yêhôva Brah Ndu may, Yorlah nau tih may nơm ƀư ăn may chêh prah.

Ndrom Samƀŭt bơh Ôsê 6:1

“Văch hom, ăn he plơ̆ sĭt ma Brah Yêhôva Yorlah Păng hŏ sa hêk jêh he, ƀiălah Păng mra ƀư bah; Păng hŏ dong sôt he, ƀiălah mra put sôt.

Ndrom Samƀŭt bơh Ôsê 7:10

Nau sưr Israel plơ̆ mbơh ma păng; Nđâp tơlah pônây, khân păng ăt mâu plơ̆ sĭt ôh ndrel ma Yêhôva Brah Ndu khân păng, Jêh ri mâu tĭng joi Păng tâm ban lĕ!

Amôt 5:2

“Bu ur druh tang tat Israel lĕ cha lôt jêh, Mâu mra hôm dâk đŏng ôh. Bu lĕ mƀăr lơi jêh păng ta neh Mâu geh bunuyh kơl rdâk.”

Mika 7:8

Hơi nơm rlăng gâp, lơi ta răm maak ôh yor gâp. Nđâp lah gâp lĕ cha lôt, gâp mra dâk đŏng; Nđâp lah gŭ tâm ntŭk nau ngo, Brah Yêhôva mra jêng nau ang ma gâp.