Yêrêmi 8:22 - Nau Brah Ndu Ngơi 2023

²² Tâm Gilêat mâu geh ntăk si ƀâu kah hĕ? Ta nây ăt mâu hôm geh nai dak si hĕ? Pônây mâm ƀư sôt rmanh kon bu ur phung ƀon lan gâp Mâu dơi ƀư bah?

Yêrêmi 8:22 Iomraidhean Croise

Nau Ntơm 37:25

Nôk phung nâu Y-Yôsep dôl hôm gŭ sông sa, khân păng n'gơr măt uănh jêh ri saơ du phung tăch drăp Ismaêl văch tă bơh Gilêat. Seh samô khân păng rdeng bêng ndơ ƀâu kah, dak si ƀâu kah jêh ri dak si tăng trŭnh let Êjipt.

Nau Ntơm 43:11

Y-Israel, mbơ̆ khân păng, lah: “Lah pôri khân may ƀư hom kơt aơ: Tâm ndô ndơ khân may djôt leo ndơ khlay bơh n'gor aơ nâm bu ntăk si ƀâu kah djê̆ jêh ri dak sŭt djê̆, ndơ sa kah, dak si tăng, găr guyh jêh ri play amandê gay ƀư ndơ nhhơr ma nơm nây.

Yêrêmi 14:19

“May hŏ chalơi ngăn jêh phung Yuđa hĕ? Di lĕ nuih n'hâm May dôl tâm rmot ma phung Siôn lĕ? Mâm ƀư may dong hên, Mâu ƀư bah ôh ma hên? Hên kâp gân ma nau đăp mpăn, ƀiălah mâu saơ nau ueh tât ôh; Ŭch kâp yan ƀư bah, knŏng saơ nau klach krit.

Yêrêmi 22:6

Aơ jêng nau Brah Yêhôva lah ma ngih hađăch phung Yuđa: ‘Gâp uănh may jêng nâm bu Gilêat, Nâm bu n'gơn nâm Liban, Ƀiălah nanê̆ Gâp mra njêng may bri rdah, Lĕ ƀon mâu geh bunuyh gŭ ôh.

Yêrêmi 46:11

Ơ bu ur druh, kon bu ur bri Êjipt! Hăn hao hom ma bri Gilêat, jêh ri sŏk ntăk si ƀâu kah; Khân ay dŏng âk ntil dak si kŏ mâu khlay lĕ, Mâu geh nau ƀư bah ma khân ay ôh!

Yêrêmi 51:8

Ƀât lât, ƀon Babilôn lĕ tŭp jêh ri nchah rai jêh, Nhĭm vơl hom ma păng! Sŏk hom dak si ƀâu kah mhĭng ta sôt rmanh păng; Gĭt lah păng dơi bah?

Yêrêmi 6:7

Nâm bu ntu dak mâm ƀư prăp ăn dak nđik nâm pônây, Pôri ƀon nây ăt prăp nau mhĭk păng pônây lĕ. Lam ƀon knŏng tăng nau ƀai jêh ri ƀư rai; Tanăp măt Gâp knŏng saơ ji kuet jêh ri sôt rmanh.

Yêrêmi 9:1

Ơ! Ŭch ma bôk gâp jêng dak n'hor, Măt gâp jêng tu dak măt, Gâp mra nhĭm ndăng nar măng Ăn phung bunuyh bu nkhĭt kon bu ur ƀon lan gâp!

Yêrêmi 9:11

“Gâp mra ƀư ƀon Yêrusalem jêng mbŭch bun ndơ rai jêh, Jêng trôm so bri; Jêh ri ƀư ăn lĕ ƀon Yuđa jêng rngot njăp, Mâu geh bunuyh gŭ ôh.”

Nau Nhĭm Vơl 2:13

Hơi bu ur druh Yêrusalem, Moh ndơ gâp ƀư gay mbơh nkoch ăn ma may? Mbu đah ay tâm rđĭl? Hơi bu ur druh Siôn, Moh ndơ gâp sŏk tâm rđĭl đah may gay ma bonh leng ay? Nau mhĭk may toyh nâm bu dak mƀŭt. Mbu nơm dơi ƀư bah?

Êsêkiêl 27:17

N'gor Yuđa jêh ri n'gor Israel ăt tăch rgâl đah may tâm ban lĕ; khân păng djôt ba ƀlê tă bơh Minnit, ƀănh njŭng, dak sŭt, dak ngi ôlive jêh ri dak si ƀâu kah tâm rgâl đah ndrăp ndơ đah may.

Nau Kơp Bunuyh 32:1

Phung kon sau Ruben jêh ri phung kon sau Gat geh âk mpôl mpô mpa rong. Khân păng saơ n'gor Jaser jêh ri n'gor Gilêat jêng ntŭk ueh ma nau rong chiăp mpô mpa rong.

Luka 8:43

Geh du huê bu ur ji rih hŏ jât ma bar năm jêh; nđâp tơlah hŏ huach lĕ jêh prăk jêh ri drăp ndơ ma phung kôranh dak si, ƀiălah mâu geh du huê dơi ƀư bah ma păng.