Yêrêmi 8:2 - Nau Brah Ndu Ngơi 2023

² Bu mra ih lĕ nting nây tâm dâng nar, khay, jêh ri lĕ rngôch mănh klơ trôk khân păng hŏ rŏng kơnh, pah kan, hăn tĭng ndô̆, dăn lup, jêh ri yơk mbah. Lĕ nting nây mâu mra dơi rgum tay, ăt mâu dơi tâp ƀiălah mra jêng nâm bu ŭnh buh ta klơ măt neh.

Yêrêmi 8:2 Iomraidhean Croise

II Phung Hađăch 17:16

Khân păng mƀăr lơi lĕ rngôch nau vay ntăm tă bơh Yêhôva Brah Ndu khân păng, jêh ri tŏ êng ma khân păng nơm bar mlâm rup ndrôk kon, ƀư rup brah bu ur Asêra, yơk mbah ma lĕ rngôch mănh mbing, jêh ri yơk mbah ma brah Baal.

II Phung Hađăch 21:3

Păng ndâk tay lĕ ntŭk prêh klơ mbơ̆ păng jêng Y-Hêsêkia ƀư rai jêh, ndâk tay đŏng nơng ƀư brah ma Baal, ndâk rup brah Asêrah nâm bu Y-Ahap, hađăch Israel, ƀư jêh. Păng chon mbah jêh ri yơk mbah ma lĕ rngôch mănh mbing.

II Phung Hađăch 21:5

Tâm bar ndring nhuang ngih brah Brah Yêhôva, păng ndâk nơng ƀư brah ma phung mănh mbing.

II Phung Hađăch 23:5

Păng mprơh lơi phung kôranh ƀư brah nây, jêng lĕ phung hađăch Yuđa hŏ njêng jêh, gây ma su ndơ ƀâu kah ta klơ lĕ ntŭk prêh tâm lĕ rngôch ƀon tâm n'gor Yuđa jêh ri tâm ăp ntŭk jŭm ƀon Yêrusalem. Hađăch mprơh đŏng phung kôranh ƀư brah su ndơ ƀâu kah ma brah Baal, ma nar, ma khay, ma mănh, jêh ri ma lĕ rngôch mănh mbing.

Nau Mprơ Ơm 53:5

Ntŭk mâu geh nau klach krit, Ƀiălah khân păng klach krit hâu ngăn. Yorlah Brah Ndu srih nting phung hăn tâm lơh đah phung ƀon lan Păng; Jêh ri khân păng mra geh nau bêk prêng, yorlah Brah Ndu chalơi khân păng.

Nau Mprơ Ơm 83:10

Jêng phung bu ƀư nkhĭt ta Ên-Dôr Jêh ri jêng ek ma neh.

Nau Mprơ Ơm 83:11

Ƀư hom ma phung ndrŏng khân păng nâm bu ma Ôrep jêh ri ma Sêep. Jêh ri lĕ rngôch kôranh toyh khân păng nâm bu ma Sêbah jêh ri ma Salmuna,

Nơm Nti 6:3

Tơlah geh du huê bunuyh deh du rhiăng kon sau jêh ri rêh jŏ du rhiăng năm, ƀiălah nuih n'hâm mâu mpay nau ŭch ma nau ueh lăng, jêh ri khĭt mâu lĕ geh tâp, gâp dơi lah du huê kon se jê̆ khĭt nôk mhe deh hôm e geh nau ueh lăng rlau bunuyh nây.

Yêrêmi 14:16

Bi ma lĕ phung hŏ iăt jêh nau khân păng mbơh lor bu klŭp mƀăr n'gŏ trong sâng Yêrusalem ndrel ma ur, kon bu klâu, kon bu ur khân păng, ƀư bunuyh bu nkhĭt ma đao, sa sât ji ngot mâu geh bunuyh tâp ôh. Yorlah Gâp mra ƀư nau ƀai khân păng nkhŭt tay ta klơ bôk khân păng.

Yêrêmi 16:11

May ngơi hom ma khân păng pô aơ Brah Yêhôva lah: ‘Yor phung chô yau khân may hŏ chalơi jêh Gâp tĭng lĕ brah êng, hŏ pah kan jêh ri yơk mbah ma lĕ brah nây. Khân păng hŏ chalơi jêh Gâp, mâu djôt prăp ôh nau vay Gâp.

Yêrêmi 16:4

“Khân păng mra khĭt yor nau ji tưp, mâu geh bunuyh nhĭm nhhiăng ăt mâu lĕ geh bunuyh tâp brôi. Khân păng mra jêng nâm bu buh ta klơ măt neh. Bu mra khĭt khân păng ma pêh đao jêh ri sa sât ji ngot. Săk jăn khĭt khân păng mra ƀư ndơ sa ăn ma phung sĭm klơ trôk jêh ri ma mpô mpa bri ta klơ neh.”

Yêrêmi 16:6

“Bunuyh toyh phung jê̆ mra khĭt da dê tâm neh aơ. Mâu geh nuyh tâp brôi, mâu lĕ geh nuyh nhĭm vơl, mâu lĕ rek tor săk jăn nơm mâu lah poih bôk yor khân păng.

Yêrêmi 19:13

Ngih vâl ƀon Yêrusalem jêh ri lĕ rngôch ngih phung hađăch Yuđa, nây jêng lĕ rngôch ngih bu hŏ su jêh ndơ ƀâu kah yơk mbah ma lĕ mănh tâm trôk jêh ri hŏ ƀư ndơ nhhơr nhêt ăn ma lĕ brah êng ta klơ chor ngih, bu mra ƀư ƀơ̆ da dê tâm ban Tôphet.’”

Yêrêmi 22:19

Bu mra tâp păng nâm bu du mlâm seh bri, Bu uih jêh ri mƀăr lơi padih mpông ƀon Yêrusalem.

Yêrêmi 25:33

Tâm nar nây, săk phung khĭt Brah Yêhôva nkhĭt khĭt mra bêng lam măt neh. Mâu geh bunuyh nhĭm vơl mâu lah rgum gay tâp brôi, mâu lah rgum tay gay ma tâp brôi; khân păng jêng buh ta klơ măt neh!

Yêrêmi 31:40

Lĕ rlŭng tâp săk khĭt jêh ri ŭnh buh, lĕ rngôch mir ngai n'gŏ dak n'hor Kidrôn jêh ri tât ta njônh Mpông Pêr Seh mpeh pa luh nar, mra dơi prăp jêng ntŭk kloh ueh ma Brah Yêhôva da dê. Ƀon nây bu mâu mra kuyh lơi păng mâu lĕ ƀư rlâm n'ho ro đŏng ôh.”

Yêrêmi 36:30

Yor nau nây, Brah Yêhôva lah ma Y-Jêhôjakim, hađăch Yuđa pô aơ: ‘Păng mâu mra geh du huê nơm gŭ ta sưng hađăch Đavit; săk jăn păng bu mra pla lơi tâm nklang duh dôl nar, jêh ri ăn bĕ dak ngom tâm dôl măng.

Yêrêmi 9:20

Hơi lĕ bu ur, iăt hom nau Brah Yêhôva, Pơk hom tôr iăt nau bơh mbung Păng; Nti hom ăn kon bu ur khân may nau mprơ nhĭm vơl, Nti ndrel nau mprơ rngot klâng!

Yêrêmi 9:21

Yorlah nau khĭt hŏ hao găn mpông bloh, Lăp mpôn ngih hađăch he, Nkhĭt jêh phung kon se rŏ trong sâng Jêh ri phung bu klâu ndăm tâm lĕ nhuang ƀon.

Yêrêmi 9:22

May ngơi hom: “Brah Yêhôva lah pô aơ: ‘Săk jăn phung khĭt mra cha lôt Nâm bu buh nkhŭt ta lôk mir, Nâm bu nkong ba pakơi nơm rek Mâu geh nơm dônh khân păng ôh.’”

Êsêkiêl 29:5

Gâp mra klŭp may mŭt tâm bri rdah, May jêh ri lĕ rngôch ka tâm lĕ dak krong may. May mra cha lôt ta klơ ndrêch gơ̆ hŏng, Bu mâu mra dônh mâu lah rgum tay. Gâp mra jao may ƀư mpa sông sa Ăn ma mpô mpa tâm dâng neh jêh ri phung sĭm ta klơ trôk.

Êsêkiêl 39:5

May mra chôt khĭt tâm mir nâm bu Gâp hŏ lah jêh,’ Kôranh Brah Yêhôva lah pônây.

Êsêkiêl 6:5

Gâp mra dơm săk jăn nuyh khĭt phung kon Israel panăp rup brah khân păng jêh ri srih mbrach nting khân may jŭm nơng khân may.

Êsêkiêl 8:16

Jêh nây, Păng leo gâp lăp nkual nhuang ta trôm ngih Brah Yêhôva, ntŭk trong lăp ngih Brah Yêhôva, ta vah vang ndring jêh ri nơng ƀư brah. Gâp saơ geh tâm bar jât ma prăm nuyh, ndôn kơi mpeh ma ngih Brah Yêhôva, bi muh măt rle mpeh ma luh nar gŭ yơk mbah ma nar mpeh luh nar.

Sôphôni 1:17

Gâp mra leo nau rêh ni tât ma phung bunuyh; Khân păng mra chuat hăn nâm bu bunuyh chieh măt, Yorlah hŏ ƀư tih jêh đah Brah Yêhôva; Mham khân păng mra nkhŭt nâm bu neh muy, Jêh ri proch ôm hăch nâm bu ek.

Sôphôni 1:5

Gâp mra nkhĭt lĕ phung chon mbah ta klơ chor ngih Jêh ri yơk mbah ma tahan tâm trôk, Phung yơk mbah jêh ri sơm ton đah Brah Yêhôva, Jêh nây sơm ton đŏng yor tă hađăch khân păng,

Kôranh Oh Mon 7:42

Pôri, Brah Ndu mâu hôm n'gĭl măt ma khân păng jêh ri jao khân păng ăn yơk mbah ma phung tahan tâm trôk, tĭng nâm hŏ nchih jêh tâm lĕ ndrom samƀŭt phung nơm mbơh lor pô aơ: ‘Hơi phung Israel, di lĕ khân may hŏ nhhơr mpa ƀư brah jêh ri ndơ nhhơr ma Gâp Tâm puăn jât năm gŭ ta bri rdah?

Nau Vay Nkah Tay 17:3

hăn pah kan jêh ri yơk mbah ma phung brah êng, mâu lah mbah ma nar, ma khay mâu lah lĕ rngôch mănh mbing, jêng nau gâp mâu ntĭnh ôh,

Nau Vay Nkah Tay 4:19

Lah khân may n'gơr măt klơ trôk, jêh ri khân may saơ nar, khay, lĕ mănh mbing, lĕ rngôch phung tahan tâm trôk, lơi ăn bu đŏt rdu khân may chon mbah mâu lah yơk mbah ma khân păng, yorlah ndơ nây knŏng jêng ndơ Yêhôva Brah Ndu khân may hŏ ăn jêh ma lĕ rngôch phung ƀon lan gŭ tâm dâng neh.