Yêrêmi 8:16 - Nau Brah Ndu Ngơi 2023

¹⁶ Tă bơh ƀon Dan, bu hŏ tăng nau nter seh; Neh n'găr mpât yorlah nteh krĭ phung seh tâm lơh. Khân păng tât rvăn neh jêh ri play kao neh, Rvăn ƀon jêh ri bunuyh gŭ tâm ƀon.

Yêrêmi 8:16 Iomraidhean Croise

Ndrom Samƀŭt bơh Yôp 39:20

Yorlah Brah Ndu ƀư ma păng roh nau blau mĭn, Mâu ăn du kô̆ nau gĭt rbăng ma păng.

Nau Mprơ Ơm 24:1

Neh jêh ri lĕ rngôch ndơ ta klơ neh, Neh ntu jêh ri lĕ bunuyh gŭ tâm nây jêng ndơ Brah Yêhôva da dê.

Yêrêmi 10:25

Dăn May nkhŭt nau ji nuih ta klơ lĕ bri dak mâu gĭt năl May, Jêh ri ta klơ lĕ ndŭl mpôl mâu kuăl amoh May. Yorlah khân păng hŏ rvăn Y-Yakôb, Jêh ri hôm rvăn đŏng; Khân păng ƀư rai lĕ Y-Yakôb, Ƀư ăn ntŭk gŭ păng jêng rngot njăp.

Yêrêmi 3:24

Ntơm bơh hên hôm mom ndăm, Brah khư ma nau bêk prêng hŏ rvăn lĕ kan chô yau hên, Phung biăp, phung ndrôk, Phung kon bu klâu, kon bu ur khân păng.

Yêrêmi 30:16

Yor nây, lĕ rngôch mbu nơm rvăn may bu mra rvăn; Lĕ rngôch phung rlăng may, tâm ăp nơm mra hăn jêng bu nă; Mbu nơm tŭn jot may bu mra tŭn jot, Lĕ rngôch phung tŭn jot may, Gâp mra jao ma nau tŭn jot.’

Yêrêmi 30:5

“Brah Yêhôva lah: ‘He hŏ tăng jêh bâr nter nau phit phơr Nau klach krit, mâu di nau đăp mpăn ôh.

Yêrêmi 4:24

Gâp n'gơr uănh lĕ yôk, khân păng mâu mpât n'gơ da dê, Ăp dor prêh n'găr nsâr da dê.

Yêrêmi 4:7

Yau mŭr hŏ luh tă bơh bri krŏng, Nơm ƀư rai lĕ bri dak hŏ hăn jêh, Hŏ du bơh ntŭk păng, Gay ƀư ăn bri dak may jêng rngot njăp; Lĕ rngôch ƀon toyh may rai ƀhiau Mâu hôm du huê bunuyh.

Yêrêmi 47:3

Nteh nchop jâng seh lơ hâu, Nteh ndeh seh drơu drơu, nteh jâng ndeh ngŭr drưh, Jâng ti me mbơ̆ hươi ra ai ngăn Mâu hôm plơ̆ uănh ma phung kon.

Yêrêmi 5:17

Khân păng mra sa lĕ ba jêh ri ndơ sông sa may, Sa kon bu klâu, kon bu ur may; Sa lĕ phung biăp phung ndrôk may, Sa tơm krăk ƀâu jêh ri tơm rvi may. Sŏk đao ƀư rai lĕ ƀon nâp may, May vay rnơm nsing!”

Yêrêmi 50:42

Khân păng djôt nâp na jêh ri tak, Janh hâng mhĭk ƀai ngăn, mâu geh nuih n'hâm yô̆ nđach ôh. Nteh khân păng nter huy nâm bu dak mƀŭt lŭng nter, Ncho klơ seh, khân păng nkrĭp dăp tahan Du ai rduh tâm lơh đah may, Ơ phung kon bu ur ƀon Babilôn!

Yêrêmi 51:29

Neh n'gơ n'găr jêh ri rngot rvê Yorlah nau Yêhôva nkra ŭch ƀư ma ƀon Babilôn hŏ tât ngăn jêh, Gay ƀư ma bri Babilôn jêng rngol, Mâu geh bunuyh gŭ ta nây ôh.

Yêrêmi 6:23

Khân păng djôt nâp na jêh ri tak, Janh hâng mhĭk ƀai ngăn, mâu geh nuih n'hâm yô̆ nđach ôh. Nteh khân păng nter huy nâm bu dak mƀŭt lŭng nter; Khân păng ncho klơ seh, Âk bunuyh nâm bu du huê, Ndrăp rduh lơh may, Hơi kon bu ur Siôn!”

Nahum 3:2

Nteh rpăt mâng rvĕ, nteh drâm drâm jâng ndeh nchuăt; Seh nchuăt ngăch ngăn, ndeh seh nchuăt ngăch rjăng.

Habakuk 3:10

Lĕ rngôch yôk saơ Păng klach krit da dê; Lĕ n'hor dak hoch thăng ngăn Hoch rbuh mro mrăng, Brŏng jru nteh n'gôr dak, jêh ri yơr ti leo klơ.

I Kôrintô 10:26

Yorlah: “Neh ntu jêng ndơ Kôranh Brah jêh ri lĕ rngôch ndơ tâm Păng.”

I Kôrintô 10:28

Ƀiălah, tơlah du huê lah ma khân may: “Aơ jêng ndơ nhhơr jêh ma brah,” lơi ta khân may sa ndơ nây ôh. Yor nơm nây mbơh jêh, jêh ri yor nuih n'hâm sŏng.

Phung Kôranh Phat Dôih 18:29

Khân păng ntơ ƀon nây Dan, kon bu klâu Y-Israel, jêng chô yau khân păng gay ma ntơ ma ƀon toyh nây; bi ntơ amoh saơm jêng Lais.

Phung Kôranh Phat Dôih 20:1

Rnôk nây, lĕ rngôch phung ƀon lan Israel du luh ntơm bơh Dan tât ma Bêr-Sêba, nđâp lĕ n'gor Gilêat; hăn nâm bu du huê bunuyh jêh ri tâm rƀŭn tanăp Brah Yêhôva ta Mispa.

Phung Kôranh Phat Dôih 5:22

Nôk nây, lĕ rngôch nchop seh n'gôr nteh ktang, Lĕ seh khân păng nchuăt ngăch ngăn.