Yêrêmi 8:14 - Nau Brah Ndu Ngơi 2023

¹⁴ Mâm ƀư he hôm gŭ mro? Tâm rƀŭn rgum, nchuăt ndrel lăp tâm ƀon nâp Jêh ri khĭt ta nây! Yorlah Yêhôva Brah Ndu he hŏ nal ăn he mra khĭt, Păng ăn he nhêt dak kăch khih, Yorlah he hŏ ƀư tih đah Brah Yêhôva.

Yêrêmi 8:14 Iomraidhean Croise

II Samuel 20:6

Y-Đavit lah ma Y-Abisai: “Aƀaơ ri, Y-Sêba, kon bu klâu Y-Bikri, mra ƀư mhĭk ma he âk lơn ma Y-Apsalôm. Pônây, sŏk hom phung tahan kôranh may jêh ri tĭng Y-Sêba, klach lah păng rvan sŏk lĕ ƀon nâp jêh ri păng du klaih tă bơh he.”

Nau Mprơ Ơm 39:2

Gâp gŭ rklăk, mâu ngơi Kŏ tât nau ueh ăt mâu dơi luh bơh trôm mbung gâp; Bi ma nau rngot hao âk lơn đŏng.

Nau Mprơ Ơm 69:21

Khân păng sŏk ndơ tăng ƀư jêng ndơ sa ma gâp. Jêh ri ăn gâp nhêt dak srat dôl ji hir dak.

Êsai 47:5

Ơ kon bu ur phung Kaldê, Gŭ rklăk hom, jêh ri rŭch ta ntŭk ngo! Yorlah bu mâu hôm mra rnha ay Jêng hađăch bu ur ma lĕ rngôch ƀon bri hađăch.

Yêrêmi 14:20

Ơ Brah Yêhôva, hên gĭt saơ jêh nau djơh mhĭk hên, Jêh ri nau tih phung chô yau hên, Yorlah hên hŏ ƀư tih jêh đah May.

Yêrêmi 14:7

“Ơ Brah Yêhôva, nđâp lah nau mhĭk hên ƀư mbơh nau tâm rdâng đah hên, Ăn yor amoh May ƀư yơh! Yorlah âk tơ̆ hên mâu răp jăp đah May; Hên hŏ ƀư tih đah may jêh.

Yêrêmi 23:15

Yor nây, Brah Yêhôva ma phung tahan lah ma phung mbơh lor nây pô aơ: “Ri, Gâp mra ăn phung ƀon lan aơ sa dak si tăng Jêh ri ăn nhêt dak kăch, Yorlah lĕ phung mbơh lor gŭ ta Yêrusalem Hŏ ƀư ăn nau rai yot lam ăp bri dak.”

Yêrêmi 3:25

Hên di ma lâng bê̆ch tâm nau bêk prêng, Ntâk klơ hên nau bêk prêng. Yorlah lĕ rngôch hên nđâp ma chô yau hên Hŏ ƀư tih đah Yêhôva Brah Ndu da dê; Ntơm bơh hôm mom ndăm tât aƀaơ, Phung hên mâu ŭch iăt nau Yêhôva Brah Ndu hên.”

Yêrêmi 35:11

Ƀiălah rnôk Y-Nêbukatnetsar, hađăch Babilôn, văch lơh bri dak aơ, hên tâm lah ndrăng nơm: ‘Kay lŏng he hăn hao Yêrusalem gay der ma phung tahan Kaldê jêh ri phung tahan Siri.’ Yor nây, hên gŭ tâm ƀon Yêrusalem.”

Yêrêmi 9:14

Ƀiălah khân păng rêh tĭng rôih ko nuih n'hâm dăng khân păng nơm, hăn tĭng lĕ brah Baal chô yau khân păng hŏ nti.”

Yêrêmi 9:15

Yor nây, Brah Yêhôva ma phung tahan, Brah Ndu phung Israel lah: “Aơ, Gâp mra ăn phung ƀon lan aơ sa tơm si tăng jêh ri ăn nhêt dak kăch khih.

Nau Nhĭm Vơl 3:19

“Dăn Kôranh Brah kah gĭt ma nau rngot jêh ri nau rêh gâp nsong mblêng, Knŏng tơm si tăng jêh ri play măt tăng.

Kan Lêvi 10:3

Jêh nây Y-Môis lah ma Y-Arôn: “Aơ jêng nau Brah Yêhôva hŏ ntăm jêh: ‘Ta nklang phung văch dăch Gâp Gâp mra mpơl nau kloh ueh Gâp; Jêh ri tanăp lĕ rngôch bunuyh ƀon lan Gâp mra dơi tâm rnê.’” Y-Arôn gŭ rklăk.

Amôt 6:10

Tơlah du huê ndŭl mpôl, jêng nơm djôt leo su săk nuyh khĭt jêh ri lah luh padih vâl, nơm nây mra ôp ma nơm hôm e tâm vâl: “Hôm geh lĕ bunuyh gŭ ndrel may?” Păng mra lah: “Mâu hôm geh bunuyh ôh!” Nôk nây, bunuyh ndŭl mpôl nây lah pô aơ: “Gŭ rklăk hom! He mâu dơi ngơi tât ma Amoh Brah Yêhôva ôh!”

Habakuk 2:20

Ƀiălah Brah Yêhôva gŭ tâm ngih brah kloh ueh păng; Tanăp Păng, gŭ rklăk hom lĕ rngôch bunuyh klơ neh ntu!”

Sakari 2:13

Ăn lĕ rngôch bunuyh gŭ rklăk hom tanăp măt Brah Yêhôva, yorlah Păng hŏ kah rngăl tă bơh ntŭk kloh ueh Păng.

Mathay 27:34

khân păng ăn ma Păng nhêt ndrănh tâm pot đah play măt tăng; ƀiălah dôl chiăm djê̆, Păng mâu ŭch nhêt ôh.

Nau Vay Nkah Tay 29:18

Nar aơ, lơi ăn geh ôh du huê tâm khân may, nđâp lah bu klâu mâu lah bu ur, nđâp lah rnăk vâl mâu lah ndŭl mpôl geh nuih n'hâm chalơi Yêhôva Brah Ndu he gay pah kan ma lĕ brah bơh phung ƀon lan nây. Tâm khân may lơi dĭng geh du mlâm reh deh play khih jêh ri play tăng.

Nau Vay Nkah Tay 32:32

Tơm krăk ƀâu khân păng sŏk ntil tă bơh ƀon Sôdôm, Tă bơh mir ƀon Gômôrơ; Pôri play krăk ƀâu khân păng jêng play khih, Rkŭm krăk ƀâu bêng play tăng.