Yêrêmi 7:7 - Nau Brah Ndu Ngơi 2023

⁷ pôri Gâp mra ăn khân may gŭ tay ta ntŭk aơ, tâm n'gor Gâp hŏ ăn jêh ma chô yau khân may ntơm bơh kăl e kŏ tât n'ho ro.

Yêrêmi 7:7 Iomraidhean Croise

II Nau Rêh Jêng 33:8

Tơlah phung Israel mât mray ƀư tĭng lĕ rngôch nau vay dăp jêh ri nau vay ƀư, Gâp hŏ dŏng jêh Y-Môis ntĭm nti khân păng, pôri Gâp mâu mra ăn ma mpang jâng phung Israel luh du tă bơh n'gor Gâp hŏ ăn jêh ma phung chô yau khân păng.”

Nau Ngluh Êjipt 22:22

Khân may lơi tŭn jot ôh du huê bu ur ndrô mâu lah ma du huê kon đơi.

Êsai 1:19

Tơlah khân may ŭch jêh ri tông bâr, Khân may mra dơi sa play kao ueh lơn tâm bri.

Yêrêmi 25:5

Khân păng lah: ‘Plơ̆ sĭt hom, ăn ăp nơm tâm phung khân may chalơi hom tă bơh trong nau mhĭk jêh ri nau păng ƀư tih, jêh nây khân may mra dơi gŭ tâm bri Brah Yêhôva hŏ ăn jêh ma khân may jêh ri phung chô yau khân may bơh rnôk saơm kŏ tât ƀaƀơ n'ho ro.

Yêrêmi 26:13

Nôk aơ nkra hom trong khân may jêh ri nau khân may ƀư. Tông hom bâr Yêhôva Brah Ndu khân may pôri Brah Yêhôva mra rgâl nau mĭn ƀư lĕ nau mhĭk Păng hŏ mbơh ma khân may.

Yêrêmi 3:18

Tâm nar nây, ngih Yuđa mra hăn ndrel ma ngih Israel, jêh nây khân păng mra nsum ndrel luh bơh neh mpeh pa lơ, plơ̆ sĭt ma n'gor Gâp hŏ ăn ma phung chô yau khân may ƀư drăp ndơn.

Yêrêmi 35:15

Gâp ƀaƀơ prơh hăn jêh lĕ rngôch phung oh mon Gâp, jêng phung nơm mbơh lor, hăn tât lah ma khân may: “Ăp nơm tâm khân may mra chalơi trong mhĭk jêh ri tâm rgâl nau khân may ƀư. Lơi ta tĭng ôh gay pah kan ma lĕ brah êng, ri mơ khân may mra gŭ tâm bri Gâp hŏ ăn jêh ma khân may jêh ri ma phung chô yau khân may.” Ƀiălah khân may mâu mâp rkêng tôr, jêh ri mâu iăt ôh nau Gâp.

Yêrêmi 4:1

Brah Yêhôva lah: “Hơi phung Israel, tơlah may plơ̆ sĭt, Tơlah khân may plơ̆ sĭt ma Gâp, Tơlah may mƀăr lơi lĕ rngôch nau ƀơ̆ ƀơch du bơh măt Gâp, Jêh ri mâu mpât n'gơ đŏng ôh,

Sôphôni 3:7

Gâp hŏ lah jêh: ‘May knŏng klach yơk ma Gâp, Dơn nau bu nkra ntĭm!’ Pôri ntŭk păng gŭ bu mâu mra ƀư rai ôh Tĭng ăp ntil nau Gâp hŏ nal jêh ma păng. Ƀiălah khân păng dâk ơm ôi Gay ƀư lĕ nau ƀai.”

Nau Vay Nkah Tay 4:40

Djôt prăp hom lĕ nau vay Păng dăp jêh ri nau vay Păng ntăm, gâp ăn jêh ma khân may nar aơ gay ma khân may jêh ri ma phung kon sau khân may pakơi taơ geh nau ueh uĭn, jêh ri dơi gŭ jŏ nar tâm n'gor Yêhôva Brah Ndu khân may ăn jêh ma khân may n'ho ro.”