Yêrêmi 7:6 - Nau Brah Ndu Ngơi 2023

⁶ tơlah khân may mâu tŭn jot ôh phung bu năch, phung kon đơi mâu lah bu ur khĭt sai, jêh ri mâu ƀư pling mham mâu geh nau tih ta ntŭk aơ, mâu lĕ nchuăt tĭng phung brah êng gay vơt nau mhĭk ma khân may nơm,

Yêrêmi 7:6 Iomraidhean Croise

II Phung Hađăch 21:6

Păng nhhơr kon păng tâm ŭnh gay ndơ ƀư brah ma brah, ƀư nau sek uănh mănh jêh ri nau ƀŭk rƀên, dăn ôp phung gru rƀên jêh ri phung n'hŭm. Păng ƀư âk nau djơh tanăp măt Brah Yêhôva gay nsônh Păng ji nuih.

II Phung Hađăch 24:4

jêh ri yor păng hŏ ƀư pling đŏng mham phung mâu geh tih, ƀư ăn ma Yêrusalem bêng mham mâu tih, kŏ tât Brah Yêhôva mâu hôm yô̆ an ôh.

Nau Mprơ Ơm 106:38

Khân păng ƀư nkhŭt mham mâu geh tih, Nây jêng mham kon bu klâu kon bu ur khân păng Gay ƀư brah ma rup brah n'gor bri Kanaan, Ăn n'gor bri jêng ƀơ̆ ƀơch yor mham nây.

Nau Hôr 23:10

Lơi ta trơn ôh jrŏng n'har neh ơm kăl e, Jêh ri lơi ta in ôh mir phung kon đơi;

Êsai 59:7

Jâng khân păng nchuăt tât nau mhĭk, Khân păng ndal ƀư pling mham phung mâu geh nau tih; Nau mĭn khân păng jêng nau mĭn kue, Nau ƀư roh jêh ri nau ƀư rai gŭ ta trong khân păng.

Yêrêmi 13:10

Phung ƀon lan mhĭk aơ mâu ŭch iăt ôh nau Gâp, sŏl ko ƀư tĭng nau mĭn nuih n'hâm khân păng nơm, nchuăt tĭng ndô̆ phung brah êng ŭch pah kan jêh ri yơk mbah. Khân păng mra jêng mâu hôm dŏng nâm bu rse vân bŭt aơ.”

Yêrêmi 19:4

yorlah khân păng hŏ chalơi jêh Gâp, ƀư ntŭk aơ jêng ntŭk blă blơ. Ntŭk aơ, khân păng nhhơr ndơ ƀâu kah ma lĕ brah êng jêng lĕ brah ndơm dam khân păng nơm tâm ban ma phung chô yau khân păng, jêh ri lĕ phung hađăch Yuđa mâu mâp gĭt da dê. Khân păng hŏ ƀư jêh ntŭk aơ bêng ma mham mâu mâp geh nau tih ôh.

Yêrêmi 2:30

“Gâp hŏ dong jêh phung kon khân may mâu khlay ôh, Khân păng mâu ŭch dơn nau nkra nti, Đao khân may hŏ nkhĭt lĕ phung nơm mbơh lor Nâm bu yau mŭr sa hêk mpa.

Yêrêmi 2:34

Ta klơ ntôr ao may Ăt krêp mham phung o ach mâu geh nau tih, Nđâp lah may mâu nhŭp ban khân păng lôk mpêr, Ƀiălah may ƀư lĕ rngôch.

Yêrêmi 26:15

Nđâp lah pônây, ăn khân may gĭt nanê̆ pô aơ lah nkhĭt gâp pôri khân may, ƀon toyh aơ jêh ri lĕ rngôch phung gŭ tâm ƀon mra sŏk dơn mham mâu geh ôh nau tih. Yorlah n'hêl nanê̆ ngăn Brah Yêhôva hŏ prơh gâp tât gay mbơh lĕ rngôch nau ngơi aơ lăp ta tôr khân may.”

Yêrêmi 26:23

nhŭp Y-Uri luh bơh bri Êjipt jêh ri têk leo ăn ma hađăch Y-Jêhôjakim. Hađăch ntrŭnh nau vay ƀư nkhĭt lơi păng nây ma đao jêh ri klŭp săk jăn tâm môch phung ƀon lan.

Yêrêmi 35:15

Gâp ƀaƀơ prơh hăn jêh lĕ rngôch phung oh mon Gâp, jêng phung nơm mbơh lor, hăn tât lah ma khân may: “Ăp nơm tâm khân may mra chalơi trong mhĭk jêh ri tâm rgâl nau khân may ƀư. Lơi ta tĭng ôh gay pah kan ma lĕ brah êng, ri mơ khân may mra gŭ tâm bri Gâp hŏ ăn jêh ma khân may jêh ri ma phung chô yau khân may.” Ƀiălah khân may mâu mâp rkêng tôr, jêh ri mâu iăt ôh nau Gâp.

Yêrêmi 5:28

Khân păng toyh jêh ri lay. Nau tih mhĭk khân păng lĕ rlau keh; Khân păng mâu phat dôih ma nau di gay ma phung kon đơi dơi geh, Ăt mâu sâm kơl nau geh ma phung o ach.”

Yêrêmi 7:5

Yorlah tơlah khân may rgâl ngăn trong jêh ri nau khân may ƀư, tơlah nanê̆ khân may gŭ ngao ndrăng nơm ma nau sŏng,

Yêrêmi 7:9

Mâu di hĕ khân may ntŭng, nkhĭt bunuyh, ƀư tih văng tĭr, ton mƀruh, nhhơr ndơ ƀâu kah ăn ma brah Baal, tĭng ndô̆ brah êng, jêng brah khân may mâu gĭt lĕ?

Nau Nhĭm Vơl 4:13

Ma yor nau tih phung Nơm mbơh lor, Yorlah nau mhĭk phung kôranh ƀư brah, Jêng phung hŏ ƀư pling jêh mham bunuyh sŏng srăng Ta nklang ƀon.

Êsêkiêl 18:6

mâu sa ôh ndơ nhhơr ta klơ yôk mâu lah kâp gân ma phung rup brah ngih Israel; mâu ƀư bêk prêng ôh ur chiau meng păng mâu lah mâu gŭ êp ôh ma du huê bu ur dôl geh săk bu ur;

Êsêkiêl 22:7

Ta ntŭk may, bu tâm rmot mê̆ mbơ̆; ta ntŭk may, bu tŭn jot ma nơm njơh ƀât lât; ta ntŭk may, bu tŭn jot ma phung kon đơi ndrel phung ndrô.

Kan Lêvi 19:33

Tơlah geh bunuyh gŭ njưh tâm n'gor khân may, lơi tŭn jot ma khân păng ôh.

Kan Lêvi 25:17

Lơi tâm ndơm ndrăng khân may nơm ôh, ƀiălah ăn khân may klach yơk ma Brah Ndu khân may, yorlah Gâp jêng Yêhôva Brah Ndu khân may.

Malachi 3:5

“Gâp mra văch dăch khân may gay phat dôih, jêh ri Gâp mra ƀư ndal mbơh nau tâm rdâng đah phung n'hŭm, đah phung văng tĭr, phung ton mƀruh, phung sa đĭ nau nkhôm ma phung pah kan, phung tŭn jot bu ur ndrô khĭt sai jêh ri phung kon đơi, phung ƀư djơh đah phung bu năch; yorlah khân păng mâu klach yơk ma Gâp.” Brah Yêhôva ma phung tahan lah pônây.

Mathay 27:25

Lĕ phung ƀon lan plơ̆ lah da dê: “Dăn mham păng tŭp ta hên jêh ri ta phung kon sau hên!”

Mathay 27:4

jêh ri lah pô aơ: “Gâp hŏ ƀư tih jêh yor jao mham mâu geh nau tih!” Ƀiălah khân păng plơ̆ lah: “Kan nây moh nau geh đah hên? Nây jêng nau may nơm.”

Nau Vay Nkah Tay 11:28

mâu lah khân may mra geh nau rak rtăp tơlah khân may mâu tông ôh lĕ nau vay Yêhôva Brah Ndu ntăm, ƀiălah khân may teng bơh trong gâp lĕ ntĭnh ma khân may nar aơ, gay hăn tĭng phung brah êng khân may mâu mâp gĭt năl ôh.

Nau Vay Nkah Tay 24:17

Khân may mâu dơi ôh gŭ ngao mâu sŏng đah nơm gŭ njưh ƀât lât mâu lah kon se kon đơi, jêh ri kŏ mâu đŏng sŏk bok ao bu ur ndrô jêng ndơ nchăm.

Nau Vay Nkah Tay 27:19

‘Di ma rak rtăp ma nơm nsak nkhăng nau di ma nơm gŭ njưh ƀât lât, ma bunuyh kon đơi, jêh ri ma bu ur ndrô!’ Ăn lĕ rngôch phung ƀon lan mra plơ̆ lah: ‘Amen!’

Nau Vay Nkah Tay 8:19

Tơlah khân may chuêl hêng Yêhôva Brah Ndu khân may jêh ri kơt tĭng lĕ brah êng, pah kan jêh ri yơk mbah ma khân păng, pôri nar aơ gâp mbơh ma khân may pô aơ n'hêl nanê̆ khân may mra rai lôch.

Yakơ 1:27

Nau chroh kloh ngăn, mâu ƀơ̆ ôh tanăp Brah Ndu, Mbơ̆ he, jêng jô̆ khâl phung kon đơi, phung bu ur ndrô dôl khân păng geh nau rêh ni, jêh ri mât mray khân may nơm bơh nau ƀơ̆ tă bơh neh ntu.