Yêrêmi 7:26 - Nau Brah Ndu Ngơi 2023

²⁶ Ƀiălah khân păng mâu ŭch iăt Gâp, mâu ŭch lĕ srâng iăt, lơ hâu dăng bôk dăng ko, gŭ ngao mhĭk lơn ma phung chô yau khân păng.”

Yêrêmi 7:26 Iomraidhean Croise

I Phung Hađăch 14:22

Phung Yuđa ƀư nau mhĭk tanăp măt Brah Yêhôva. Yor tă nau tih khân păng hŏ ƀư tih, khân păng nsônh Brah Yêhôva ji nuih, rmeh lơn ma phung chô yau khân păng hŏ ƀư jêh.

I Phung Hađăch 14:9

Ƀiălah may hŏ ƀư nau mhĭk jêh rlau lơn ma phung lor panăp may, njêng ma may nơm phung brah êng, rup tŏ chiăr gay nsônh nau ji nuih Gâp jêh ri dun mƀăr lơi Gâp.

II Phung Hađăch 17:14

Ƀiălah, khân păng mâu iăt nau jêh ri dăng ko nâm bu phung chô yau khân păng, jêng phung mâu chroh ôh ma Yêhôva Brah Ndu khân păng.

II Phung Hađăch 17:15

Khân păng mưch rmot ma lĕ nau vay dăp bơh Păng tâm ban đŏng nau tâm rnglăp Păng hŏ ƀư jêh ma chô yau khân păng, jêh ri khân păng mưch rmot đŏng lĕ nau tâm rmal Păng hŏ ntăm jêh ma khân păng. Khân păng hăn tĭng ndô̆ phung brah dơm dam jêh ri khân păng nơm ăt rlơ̆ jêng dơm dam. Khân păng kơt phung ntil mpôl bunuyh gŭ văr jŭm, jêng phung ntil mpôl bunuyh Brah Yêhôva ntrŭnh jêh ma khân păng mâu tĭng kơt phung nây.

II Nau Rêh Jêng 30:8

Aƀaơ, lơi ta dăng ko ôh nâm bu phung che khân may; yơr hom ti khân may nơm rle mpeh ma Brah Yêhôva jêh ri lăp hom Ntŭk Kloh Ueh jêng ntŭk ƀư kloh ueh n'ho ro jêh ri pah kan hom ma Yêhôva Brah Ndu khân may, gay ma nau Păng ji nuih dơi du ngai bơh khân may.

II Nau Rêh Jêng 33:10

Brah Yêhôva hŏ lah ma Y-Manasê jêh ri phung ƀon lan păng, ƀiălah khân păng mâu meng ôh.

II Nau Rêh Jêng 33:23

Hađăch Amôn mâu ŭch ntrŭnh săk păng nơm tanăp măt Brah Yêhôva nâm bu Y-Manasê, mbơ̆ păng hŏ ƀư jêh, ƀiălah păng ƀư tih lơ hâu lơn.

Nêhêmi 9:29

Kôranh Brah mbơh đŏng ăn khân păng njrăng, gay ƀư ăn khân păng plơ̆ sĭt ma nau vay May. Ƀiălah khân păng gŭ ngao ma nau sưr, mâu tông tĭng ôh ma nau vay ntăm bơh Kôranh Brah. Khân păng ƀư tih đah nau vay ƀư bơh Kôranh Brah, jêng nau vay ƀư ngăn tơlah mbu nơm tông, nanê̆ mra dơi rêh. Khân păng dăng bôk, dăng ko jêh ri mâu ŭch tông bâr ôh.

Nau Hôr 29:1

Bunuyh bu nduyh ƀaƀơ lơ hô ƀư dăng ko, Mra rai yot ƀât lât dơm, mâu hôm geh trong dơi săm ôh.

Êsai 48:4

Yorlah Gâp gĭt jêh khân may dăng bôk, Trô ko may geh rse suan loih, Ndăr kleng may dăng nâm bu kông,

Êsai 5:4

Moh nau ŭch ƀư ma đang krăk ƀâu Gâp, Dĭng Gâp mâu hŏ ƀư an ma păng? Mâm ƀư Gâp kâp gân ma păng geh play ueh, Ƀiălah păng geh play krăk ƀâu mhĭk?

Yêrêmi 11:8

Ƀiălah khân păng mâu iăt, mâu rkêng tôr iăt; ăp nơm chuat hăn tĭng nau mĭn nuih n'hâm djơh mhĭk jêh ri nau rôih ko khân păng nơm. Yor nây, Gâp hŏ djôt tât ăn ma khân păng ăp nau tâm nau rnglăp aơ, jêng nau tâm rnglăp Gâp hŏ ntĭnh khân păng tĭng kơt ƀiălah khân păng mâu ƀư ôh.”

Yêrêmi 16:12

Bi khân may ƀư nau mhĭk rlau lơn ma phung chô yau khân may đŏng; ăp nơm khân may ma nau dăng bôk tĭng nuih n'hâm mhĭk păng nơm, mâu ŭch tông bâr Gâp ôh.

Yêrêmi 17:23

Ƀiălah, chô yau khân may mâu ŭch iăt ôh, mâu meng. Khân păng dăng bôk dăng trô ko mâu rkêng tôr iăt, mâu sŏk dơn nau nkra nti.’

Yêrêmi 19:15

“Brah Yêhôva ma phung tahan, Brah Ndu phung Israel lah, lah: ‘Aơ, Gâp dăch ăn ma ƀon aơ jêh ri lĕ ƀon gŭ dăch ma lĕ rngôch nau mhĭk tât Gâp hŏ mbơh lor jêh, yorlah khân păng dăng bôk dăng trô ko mâu ŭch iăt ôh nau Gâp.’”

Yêrêmi 22:21

Gâp hŏ ngơi jêh ma may dôl nôk geh nau mpăn rlêk, Ƀiălah may lah: ‘Gâp mâu ŭch gŭ iăt ôh.’ Ntơm bơh jê̆, nau rêh jêng may hŏ nâm bu pônây, May mâu mâp tông bâr ma Gâp ôh.

Yêrêmi 25:3

“Hŏ bar jât ma pe năm ntơm bơh năm rơh jât ma pe rô̆ Y-Jôsia, kon bu klâu Y-Amôn, hađăch n'gor Yuđa, tât ma nar aơ, nau Brah Yêhôva hŏ lah ma gâp, jêh ri gâp hŏ ngơi mâu rlu ma khân may, ƀiălah khân may mâu ŭch iăt ôh.

Yêrêmi 25:7

Brah Yêhôva lah: ‘Ƀiălah khân may mâu iăt Gâp ôh, sŏk ma kan ti khân may ƀư nsônh nuih Gâp ăn tât nau mhĭk ma khân may nơm.’

Yêrêmi 26:5

tơlah khân may mâu iăt nau phung oh mon Gâp, jêng phung nơm mbơh lor ngơi Gâp prơh hăn tât ma khân may âk tơ̆, khân may ơm mâu ŭch iăt ôh,

Yêrêmi 29:19

Brah Yêhôva lah: “Nây jêng yor khân păng mâu ŭch iăt ôh nau Gâp nđâp lah Gâp hŏ ƀaƀơ mprơh phung oh mon Gâp, jêng phung nơm mbơh lor, tât ma khân păng.” Brah Yêhôva lah đŏng: “Bi khân may ăt mâu ŭch iăt ôh.”

Yêrêmi 3:13

‘Knŏng ŭch may dơn saơ nau tih may pô aơ: May hŏ tâm rdâng đah Yêhôva Brah Ndu; May hŏ nsong lam ntŭk tĭng brah phung bu năch tâm dâng ăp pŭm tơm si âk n'ha, Jêh ri mâu rkêng tôr ôh iăt nau Gâp.’” Brah Yêhôva lah pônây.

Yêrêmi 32:23

Khân păng hŏ lăp jêh ri dơn bri aơ ƀư drăp ndơn, ƀiălah khân păng mâu ŭch tông bâr May ôh, mâu rêh tĭng nau vay May, mâu ƀư tĭng ôh du ntil tâm lĕ rngôch nau May ntĭnh. Yor nây, May ăn tât jêh lĕ nau mhĭk aơ ma khân păng.

Yêrêmi 34:14

‘Tât năm tal pơh, ăn ăp nơm tâm lĕ khân may mplơ̆ ăn kon me ma bunuyh Hêbrơ hŏ bu tăch jêh ma may. Pakơi prao năm pah kan, may mra mplơ̆ ăn kon me ma bunuyh nây.’ Ƀiălah phung chô yau khân may mâu iăt ôh nau, mâu lĕ rkêng tôr iăt ma Gâp.

Yêrêmi 35:15

Gâp ƀaƀơ prơh hăn jêh lĕ rngôch phung oh mon Gâp, jêng phung nơm mbơh lor, hăn tât lah ma khân may: “Ăp nơm tâm khân may mra chalơi trong mhĭk jêh ri tâm rgâl nau khân may ƀư. Lơi ta tĭng ôh gay pah kan ma lĕ brah êng, ri mơ khân may mra gŭ tâm bri Gâp hŏ ăn jêh ma khân may jêh ri ma phung chô yau khân may.” Ƀiălah khân may mâu mâp rkêng tôr, jêh ri mâu iăt ôh nau Gâp.

Yêrêmi 35:17

Yor nây, Yêhôva Brah Ndu ma phung tahan, Brah Ndu Israel lah: ‘Aơ, Gâp ăn tât ma phung Yuđa jêh ri lĕ rngôch phung gŭ tâm ƀon Yêrusalem lĕ rngôch nau mhĭk djơh Gâp hŏ mbơh lor jêh ăn ma khân păng, yorlah Gâp ngơi khân păng mâu iăt, Gâp kuăl khân păng mâu plơ̆ lah ôh.’”

Yêrêmi 44:16

“Nau may ngơi jêh ma hên tâm amoh Brah Yêhôva, hên mâu mra iăt ôh.

Yêrêmi 5:3

Mbah Brah Yêhôva, măt Păng mâu treng uănh nau nanê̆ ngăn hĕ? May dong khân păng, Ƀiălah khân păng mâu saơ rngot klâng, May ƀư rai khân păng, Ƀiălah khân păng mâu dơn nau nduyh nkra. Khân păng ƀư ăn muh măt nơm dăng lơn ma lŭ, Mâu ŭch plơ̆ sĭt.

Yêrêmi 6:10

Mbu nơm gâp mra ngơi jêh ri mbơh ma mbu moh, Gay ma khân păng iăt gâp? Aơ, tôr khân păng ê hŏ kŏ ntâu, Yor ri mâu dơi tăng ôh. Aơ, khân păng mưch nau Brah Yêhôva, Mâu hâk răm du djê̆ lê̆ ôh.

Yêrêmi 6:17

Gâp hŏ ndâk bunuyh gak njrăng khân may; ‘Rkêng hom tôr iăt bâr nŭng!’ Ƀiălah khân păng lah: ‘Phung hên mâu rkêng tôr iăt ôh!’

Yêrêmi 7:24

Ƀiălah khân păng mâu iăt, mâu srâng iăt; sŏl ko chuat hăn tĭng lĕ nau mĭn êng khân păng nơm, tĭng tâm nau nuih n'hâm djơh mhĭk jêh ri dăng ko păng nơm; khân păng plơ̆ sĭt pakơi mâu hăn ôh rlet panăp.

Yêrêmi 9:13

Brah Yêhôva lah: “Yorlah khân păng chalơi nau vay Gâp hŏ ndâk ăn khân păng, mâu tông ôh bâr Gâp jêh ri mâu rêh tĭng nau vay Gâp.

Êsêkiêl 12:2

“Hơi kon bunuyh, may gŭ ta nklang phung ƀư nau tâm rdâng. Khân păng geh trôm măt gay ma saơ ƀiălah mâu saơ ôh, geh tôr gay ma tăng ƀiălah mâu ŭch iăt ôh, yorlah khân păng jêng ngih tâm rdâng.

Êsêkiêl 12:3

Pônây hơi kon bunuyh, ndrăp hom ndô ndơ may djôt leo du hăn jêng bu nă jêh ri du trơn nôk nar tanăp măt khân păng. Ƀư hom nâm ƀư bu nă, hăn tă bơh ntŭk may gŭ tât du ntŭk êng tanăp măt khân păng. Ndâp tơlah khân păng jêng ngih tâm rdâng kđôi, ƀiălah gĭt khân păng mra mĭn tay.

Êsêkiêl 20:30

Yor nây, lah hom ma ngih Israel: ‘Kôranh Brah Yêhôva lah: Khân may mra ƀư ƀơ̆ êng khân may nơm tĭng nau phung chô yau khân may jêh ri khân may ƀư nau văng tĭr tĭng nau ƀơ̆ ƀơch khân păng lĕ?

Daniel 9:6

Hên mâu gŭ iăt ôh ma phung oh mon May jêng phung nơm mbơh lor, lĕ phung hŏ sŏk amoh May ngơi ma phung hađăch, ma phung kôranh, jêh ri ma phung chô yau hên ndrel ma lĕ rngôch phung ƀon lan tâm n'gor bri.

Ndrom Samƀŭt bơh Ôsê 11:7

Ngăn yơh phung ƀon lan Gâp ŭch chalơi Gâp; Nđâp tơlah khân păng kuăl ma Nơm Dŭt Prêh Păng ăt mâu rdâk khân păng dâk.

Sakari 7:11

Ƀiălah khân păng dun mâu ŭch iăt, dăng bôk jêh ri ndôn kơi, nsêt lơi tôr khân păng nơm gay lơi ăn tăng ôh nau ngơi.

Malachi 3:7

Ntơm bơh rnôk chô yau khân may, khân may nkhah du jêh bơh nau vay Gâp dăp, jêh ri mâu djôt prăp. Plơ̆ sĭt hom ma Gâp, pôri mơ Gâp plơ̆ sĭt ndrel ma khân may.” Brah Yêhôva ma phung tahan lah pônây. Ƀiălah khân may lah: “Mâm nau hên ƀư mra plơ̆ sĭt?”

Mathay 21:38

Ƀiălah tơlah phung tăm krăk ƀâu saơ kon bu klâu păng, phung nây tâm nchră ndrăng khân păng nơm: ‘Aơ jêng nơm ndơn drăp. Kay lŏng, nkhĭt lơi hom păng jêh ri sŏk drăp ndơ păng.’

Mathay 23:32

Pôri, nkhŭt hom bêng ndơ veh nau tih phung chô yau khân may!

Kôranh Oh Mon 7:51

Hơi phung bunuyh dăng ko, nuih n'hâm jêh ri tôr ê hŏ koh ntâu ri! Khân may tâm rdâng mro đah Brah Huêng Ueh. Phung chô yau khân may tâm ban ma khân may!

Samƀŭt Pôl Njuăl Ăn Ma Phung Nsing Ta Ƀon Rôm 2:5

Ƀiălah nuih n'hâm may dăng, mâu rmal nau tih, may prăp nkrem tâm may nơm nau ji nuih hâu ngăn tâm nar Brah Ndu ji nuih, jêng nôk Brah Ndu phat dôih sŏng mra tâm mpơl,

Nau Vay Nkah Tay 8:20

Khân may mra rai lôch nâm bu phung mpôl băl Brah Yêhôva ƀư rai lơi tanăp măt khân may, yorlah khân may mâu ŭch tông bâr Yêhôva Brah Ndu khân may.”