Yêrêmi 7:23 - Nau Brah Ndu Ngơi 2023

²³ Ƀiălah aơ jêng nau ntăm Gâp hŏ mbơh ăn khân păng: ‘Iăt hom nau Gâp pôri Gâp mra ƀư Brah Ndu khân may jêh ri khân may mra ƀư phung ƀon lan Gâp. Nhuat tĭng hom lĕ trong Gâp nti, ma khân may, gay khân may geh nau ueh maak.’

Yêrêmi 7:23 Iomraidhean Croise

Ndrom Samƀŭt bơh Yôp 36:11

Tơlah khân păng tông iăt jêh ri pah kan ma Păng, Khân păng mra dơn âk nar gŭ rêh chăt jêng. Jêh ri lĕ khay năm bêng ma nau răm maak.

Nau Mprơ Ơm 119:3

Khân păng mâu ƀư nau mhĭk ôh, Ƀiălah hăn tâm trong Păng.

Nau Mprơ Ơm 40:6

May mâu ŭch ôh ma mpa ƀư brah mâu lah ndơ ƀư brah rnih môi, May mâu dăn ôh ndơ ƀư brah gŭch mâu lah ndơ ƀư brah chuai nau tih, Ƀiălah May pơk jêh tôr gâp gay ma iăt nau May.

Nau Mprơ Ơm 81:13

Ơ! Di lĕ phung ƀon lan Gâp iăt Gâp! Di lĕ Israel dơi hăn tâm trong Gâp!

Nau Ngluh Êjipt 15:26

Brah Ndu lah: “Tơlah khân may gŭ iăt nanê̆ bâr Yêhôva Brah Ndu khân may, ƀư nau di tanăp măt Gâp, rkêng tôr iăt lĕ nau vay ntăm jêh ri djôt prăp dĭng lĕ nau vay dăp bơh Gâp, pôri Gâp mâu mra ăn tât ôh ma khân may du ntil nau ji tâm lĕ ntil nau ji Gâp hŏ ƀư jêh ma phung Êjipt. Gâp jêng Brah Yêhôva, Nơm ƀư bah nau ji khân may.”

Nau Ngluh Êjipt 16:32

Y-Môis lah: “Aơ jêng nau Brah Yêhôva hŏ ntĭnh jêh: ‘Nhueh hom bêng bar lit mana, jêh ri prăp tâm ăp rô̆ nuyh, gay ma khân păng saơ piăng let Gâp siăm khân may tâm bri rdah nôk Gâp ngluh khân may luh bơh n'gor Êjipt.’”

Êsai 3:10

Lah hom ma phung sŏng srăng, ueh maak yơh ma khân păng, Yorlah khân păng mra sa play bơh kan khân păng ƀư.

Yêrêmi 11:4

Gâp hŏ ntăm ăn ma chô yau khân may dôl Gâp djôt khân păng du luh bơh n'gor bri Êjipt, luh bơh năk ŭnh loih nây. Gâp hŏ ntĭnh khân păng: Iăt hom nau Gâp, ƀư tĭng lĕ ntil nau Gâp nti gay ma khân may ƀư phung ƀon lan Gâp, jêh ri Gâp ƀư Brah Ndu ma khân may.

Yêrêmi 11:7

Gâp hŏ đă dŭt n'hâm ngăn ma phung chô yau khân may ntơm bơh nar Gâp djôt khân păng du luh bơh n'gor Êjipt kŏ tât nar aơ. Gâp ƀaƀơ đă khân păng: ‘Iăt tĭng hom bâr Gâp!’

Yêrêmi 13:11

Brah Yêhôva lah tay: “Yorlah, nâm bu rse rêt nâp mâm ta bŭt bu, pôri yơh Gâp ăt rêt nâp lĕ rngôch ngih Israel jêh ri lĕ rngôch ngih Yuđa đah Gâp kơt nây lĕ, gay ma khân păng ƀư du phung ƀon lan, du amoh, du nau tâm rnê, du nau chrêk rmah ăn ma Gâp; Ƀiălah khân păng mâu ŭch iăt ôh.

Yêrêmi 22:21

Gâp hŏ ngơi jêh ma may dôl nôk geh nau mpăn rlêk, Ƀiălah may lah: ‘Gâp mâu ŭch gŭ iăt ôh.’ Ntơm bơh jê̆, nau rêh jêng may hŏ nâm bu pônây, May mâu mâp tông bâr ma Gâp ôh.

Yêrêmi 22:3

Brah Yêhôva lah: ‘Ƀư hom nau sŏng jêh ri nau di, rklaih bunuyh bu tŭn jot bơh ti nơm mhĭk. Mâu ƀư nau tih mâu lah nau ƀai ôh ma phung bu năch, ma lĕ phung kon đơi ma phung bu ur ndrô. Lơi ƀư pling mham ma nơm mâu geh nau tih ta ntŭk aơ.

Yêrêmi 24:7

Gâp mra ăn ma khân păng nuih n'hâm gĭt năl Gâp jêng Brah Yêhôva. Khân păng mra ƀư ƀon lan Gâp jêh ri Gâp mra ƀư Brah Ndu khân păng, yorlah khân păng mra lĕ nuih n'hâm plơ̆ sĭt tay ma Gâp.’

Yêrêmi 31:33

Brah Yêhôva lah: “Aơ jêng nau tâm rnglăp Gâp mra ƀư đah ngih Israel pakơi lĕ nar nây. Gâp mra dơm nau vay Gâp tâm nuih n'hâm khân păng jêh ri nchih prăp tâm nuih n'hâm khân păng. Gâp mra jêng Brah Ndu khân păng jêh ri khân păng mra jêng ƀon lan Gâp.

Yêrêmi 32:23

Khân păng hŏ lăp jêh ri dơn bri aơ ƀư drăp ndơn, ƀiălah khân păng mâu ŭch tông bâr May ôh, mâu rêh tĭng nau vay May, mâu ƀư tĭng ôh du ntil tâm lĕ rngôch nau May ntĭnh. Yor nây, May ăn tât jêh lĕ nau mhĭk aơ ma khân păng.

Yêrêmi 38:20

Y-Yêrêmi lah: “Bu mâu mra jao may ôh. Knŏng ŭch may tông tĭng bâr Brah Yêhôva moh nau gâp hŏ lah jêh ma may, pônây may mra dơi geh nau ueh jêh ri hôm dơi geh nau rêh.

Yêrêmi 42:6

Nđâp tơlah ueh mâu lah mhĭk, hên ăt tông bâr Yêhôva Brah Ndu hên, jêng Nơm hên prơh may hăn tât, gay ma tông bâr Yêhôva Brah Ndu hên, pôri hên mra geh nau ueh maak.”

Sôphôni 3:2

Păng mâu tông ôh bâr bu, Mâu dơn nau nkra ntĭm; Mâu rnơm nsing ma Brah Yêhôva, Mâu hăn dăch ôh Brah Ndu păng.

Sakari 6:15

Phung gŭ ngai mra tât gay kơl ndâk ngih Brah Yêhôva; jêh ri khân may mra gĭt Brah Yêhôva ma phung tahan njuăl gâp hăn tât ma khân may. Tơlah khân may gơih srôih tông bâr Brah Yêhôva khân may, pôri nau nây mra tât ngăn.

Sakari 7:7

Nau nây mâu di tă nau ngơi Brah Yêhôva kuăl bơh phung nơm mbơh lor rnôk kăl e hăn mbơh, lah Yêrusalem jêh ri phung ƀon chiau meng gŭ jŭm păng hôm e geh phung ƀon lan gŭ jêh ri geh nau hao jêng, tâm ban ma bri Nêgep jêh ri bri Sêphêla geh phung ƀon lan gŭ lĕ?’”

Samƀŭt Pôl Njuăl Ăn Ma Phung Nsing Ta Ƀon Rôm 16:26

ƀiălah aƀaơ, tĭng nau Brah Ndu ntăm gŭ rêh mro mrăng jêh ri bơh tâm lĕ ndrom samƀŭt nau mbơh lor, nau khlay ndâp dơi mpơl ma lĕ rngôch mpôl băl bunuyh gĭt, gay djôt leo khân păng tât ta nau chroh tâm nau tông bâr,

II Kôrintô 10:5

rlâm lơi lĕ nau blau ngơi jêh ri ăp ntil nau sưr tâm rdâng đah nau gĭt rbăng Brah Ndu, jêh ri nchâp lĕ rngôch nau mĭn tông ma Brah Krist.

Nau Vay Nkah Tay 11:27

Khân may mra dơn nau ueh lăng, tơlah khân may tông lĕ nau vay Yêhôva Brah Ndu ntăm khân may gâp ntĭnh jêh ma khân may nar aơ;

Nau Vay Nkah Tay 13:4

Ăn khân may hăn tĭng ndô̆ Yêhôva Brah Ndu khân may, klach yơk ma Păng, djôt prăp lĕ nau vay Păng ntăm, tông bâr tĭng nau Păng ngơi, pah kan ma Păng jêh ri gŭ tâm rnglăp đah Păng.

Nau Vay Nkah Tay 13:5

Bi nơm mbơh lor mâu lah nơm vay mbơi nây bu mra nkhĭt păng yorlah păng nsŭk jêh nau tâm rdâng đah Yêhôva Brah Ndu khân may, jêng Nơm njŭn leo jêh khân may luh bơh n'gor Êjipt, chuai khân may bơh vâl dĭk. Păng ƀư ma khân may chalơi trong Yêhôva Brah Ndu khân may hŏ ntĭnh jêh ăn khân may hăn. Pônây ăn khân may ƀư kloh nau djơh mhĭk bơh tâm nklang khân may.

Nau Vay Nkah Tay 30:2

jêh ri plơ̆ sĭt ma Yêhôva Brah Ndu, khân may jêh ri phung kon khân may tông bâr Păng ma lĕ nuih n'hâm jêh ri ma lĕ huêng khân may, nâm bu lĕ nau gâp ntĭnh ma khân may nar aơ,

Nau Vay Nkah Tay 30:20

Rŏng hom ma Yêhôva Brah Ndu, tông bâr Păng, jêh ri tâm rnglăp đah Păng, yorlah Păng jêng nau rêh ma khân may; Păng mra ăn ma khân may dơi gŭ jŏ nar tâm n'gor Brah Yêhôva hŏ ton jêh ăn ma phung chô yau khân may jêng Y-Abraham, Y-Isăk jêh ri Y-Yakôb.”

Nau Vay Nkah Tay 30:8

Bi khân may mra plơ̆ tay jêh ri tông bâr ma Brah Yêhôva, ƀư tĭng lĕ rngôch nau vay Păng ntăm rĭ dĭng gâp ntĭnh ma khân may nar aơ.

Nau Vay Nkah Tay 4:10

Kah gĭt hom ta nar khân may dâk tanăp Yêhôva Brah Ndu ta yôk Hôrep lah Brah Yêhôva lah ma gâp: ‘Rgum hom phung ƀon lan. Gâp mra ăn khân păng iăt nau Gâp ngơi gay dôl khân may hôm rêh ta neh ntu, khân păng nti klach yơk ma Gâp jêh ri dơi ntĭm nti tay nau nây ma phung kon khân păng.’

Nau Vay Nkah Tay 4:40

Djôt prăp hom lĕ nau vay Păng dăp jêh ri nau vay Păng ntăm, gâp ăn jêh ma khân may nar aơ gay ma khân may jêh ri ma phung kon sau khân may pakơi taơ geh nau ueh uĭn, jêh ri dơi gŭ jŏ nar tâm n'gor Yêhôva Brah Ndu khân may ăn jêh ma khân may n'ho ro.”

Nau Vay Nkah Tay 5:16

Yơk hom ma mê̆ mbơ̆ may, tĭng nâm Yêhôva Brah Ndu may hŏ ntĭm nti jêh, gay ma may dơi rêh jŏ năm jêh ri dơn nau ueh uĭn klơ neh Yêhôva Brah Ndu may hŏ ăn jêh ma may.

Nau Vay Nkah Tay 5:29

Tơlah phung ƀon lan aơ geh nuih n'hâm klach yơk ƀaƀơ ma Gâp, djôt prăp lĕ nau vay ntăm bơh Gâp mro, ri mơ khân păng jêh ri phung kon sau khân păng mra dơi geh nau ueh uĭn n'ho ro!

Nau Vay Nkah Tay 5:33

Ƀiălah ăn khân may hăn di tâm lĕ trong Yêhôva Brah Ndu hŏ ntĭm nti jêh gay ma khân may dơi rêh, dơn nau ueh lăng jêh ri dơi rêh jŏ năm tâm n'gor khân may mra dơn jêng drăp ndơn.”

Nau Vay Nkah Tay 6:3

Pôri, ơ Israel, iăt hom jêh ri blau njrăng ƀư tĭng nau nây gay khân may dơi geh nau ƀŭn lap jêh ri bĭk rơ̆ âk râk tâm nkual neh bêng ma dak toh jêh ri dak sŭt, nâm bu Yêhôva Brah Ndu phung chô yau khân may hŏ ton lah jêh ma khân may.

ហេឞ្រើ 5:9

jêh ri nôk hŏ lôch jêh, Păng jêng tơm tâm rklaih n'ho ro ma lĕ rngôch bunuyh tông bâr ma Păng,

I Samuel 15:22

Y-Samuel lah: “Brah Yêhôva mâu prot maak ma ndơ ƀư brah gŭch jêh ri ma lĕ mpa ƀư brah, Ban nau tông bâr Brah Yêhôva? Pôri, nau tông bâr jêng ueh lơn đah mpa ƀư brah, Ma nau iăt tĭng jêng ueh lơn đah ngi biăp nkuăng.