Yêrêmi 7:21 - Nau Brah Ndu Ngơi 2023

²¹ Brah Yêhôva ma phung tahan, Brah Ndu phung Israel, lah: “Ntop hom ndơ ƀư brah gŭch ma lĕ mpa ƀư brah khân may jêh ri sa hom nglay puăch mpa ƀư brah!

Yêrêmi 7:21 Iomraidhean Croise

Nau Mprơ Ơm 50:8

Gâp mâu nduyh may ôh yor lĕ mpa ƀư brah Mâu lĕ nduyh may yor ndơ ƀư brah gŭch gŭ tanăp Gâp mro.

Êsai 43:23

May mâu nhhơr ôh biăp jêng ndơ ƀư brah gŭch ma Gâp, Mâu nhhơr mpa ƀư brah gay yơk mbah ma Gâp. Gâp mâu dơm mbăk jâk ma may ndrel lĕ ndơ nhhơr, Mâu lĕ mâp ƀư rgănh may yorlah su ndơ ƀâu kah.

Yêrêmi 14:12

Nđâp lah khân păng ât sông sa, Gâp mâu mra iăt nau khân păng kuăl mbơh sơm; jêh ri nđâp lah khân păng nhhơr ndơ ƀư brah gŭch jêh ri ndơ ƀư brah rnih môi, Gâp ăt mâu dơn ôh; ƀiălah Gâp mra ƀư rai khân păng ma đao, nau sa sât ji ngot, jêh ri ma nau ji tưp.”

Yêrêmi 6:20

Moh nau Gâp ŭch ntăk si ƀâu kah tât bơh Sêba, Mâu lah n'hôl calamôs tât bơh bri ngai ngăn? Ndơ ƀư brah gŭch phung khân may mâu ueh nuih n'hâm Gâp, Lĕ mpa ƀư brah khân may ăt mâu ƀư maak ma Gâp lĕ.”

Êsêkiêl 33:25

Yor ri, lah hom ma khân păng pô aơ: ‘Kôranh Brah Yêhôva lah: Khân may sa mham mpô mpa, muh măt n'gơr rlet mpeh ma rup brah khân may jêh ri ƀư nkhŭt mham, khân may mra dơi sŏk dơn bri neh aơ lĕ?

Ndrom Samƀŭt bơh Ôsê 8:13

Nđâp tơlah khân păng nhhơr mpa ƀư brah ma Gâp Jêh ri sa puăch mpa ƀư brah, Ƀiălah Brah Yêhôva ăt mâu sŏk dơn khân păng. Abaơ Păng kah gĭt tay nau djơh mhĭk khân păng Jêh ri tâm rmal nau tih khân păng; Khân păng mra plơ̆ sĭt ma n'gor Êjipt!

Nau Vay Nkah Tay 12:27

jêh nây nhhơr lĕ puăch jêh ri mham păng ƀư ndơ ƀư brah gŭch ta klơ nơng ƀư Brah Yêhôva Brah Ndu khân may. Lĕ mham mpa ƀư brah ăn khân may nkhŭt ta klơ nơng ƀư Brah Yêhôva Brah Ndu, bi puăch khân may dơi vay sa.