Yêrêmi 7:20 - Nau Brah Ndu Ngơi 2023

²⁰ Yor nây, Kôranh Yêhôva lah: “Aơ, nau ji nuih Gâp, nau ji nuih Gâp, mra nkhŭt jŭr ntŭk aơ, ta klơ bunuyh jêh ri mpô mpa, ta klơ tơm si tâm mir jêh ri kao play neh; nau ji nuih nây mra hit gring gring, mâu dơi buh nhhât ôh.”

Yêrêmi 7:20 Iomraidhean Croise

II Phung Hađăch 22:17

Yorlah Phung ƀon lan aơ hŏ chalơi jêh Gâp, gŭch ndơ ƀâu kah ăn ma phung brah êng jêh ri nsônh nau Gâp ji nuih ma lĕ rngôch kan ti khân păng ƀư, pôri Gâp hao ji nuih hâu ngăn nđâp ma ntŭk aơ, mâu rngơt ôh.’

Êsai 10:17

Nau ang phung Israel mra jêng ŭnh, Nơm Kloh Ueh khân păng mra jêng du mpiăt ŭnh, Mra su ma ŭnh jêh ri su lơi rtau lok jêh ri pih pŭm Knŏng tâm du nar.

Êsai 42:25

Yor nây, Kôranh Brah hŏ nkhŭt jêh nau ji nuih hâu ngăn Jêh ri nau tâm lơh ktang ngăn ta klơ păng; Ŭnh sa văr jŭm jêh păng, ƀiălah khân păng mâu gĭt rbăng ôh, Ŭnh sa jêh păng ƀiălah păng mâu mĭn rvê ôh.

Êsai 66:24

Khân păng mra luh hăn jêh ri saơ săk jăn phung bunuyh tâm rdâng jêh đah Gâp; ndrŭng tâm săk khân păng mâu mra khĭt ôh, ŭnh sa khân păng mâu blau nhhât ôh, jêh ri khân păng mra jêng ndơ ƀơ̆ ƀơch ma lĕ rngôch bunuyh.”

Yêrêmi 11:16

Brah Yêhôva hŏ tă kuăl săk may jêng ‘tơm ôlive ndrêh, play rkŭm âk ueh măt.’ Ƀiălah aƀaơ, ta nklang nau nteh vănh blông ngrông, Păng mpoh ŭnh su păng, lĕ n'gĭng păng rai lĕ.

Yêrêmi 12:4

Tâm n'gor bri klâng ndrê, Gơ̆ tâm ndrêch klêu kro kŏ tât ndah jŏ? Yorlah ƀon lan djơh mhĭk Yor nây mpô mpa bri jêh ri sĭm och rai yot da dê. Khân păng lah pô aơ: “Păng mâu mra saơ nau tât nglĕ dŭt ma he ôh!”

Yêrêmi 14:16

Bi ma lĕ phung hŏ iăt jêh nau khân păng mbơh lor bu klŭp mƀăr n'gŏ trong sâng Yêrusalem ndrel ma ur, kon bu klâu, kon bu ur khân păng, ƀư bunuyh bu nkhĭt ma đao, sa sât ji ngot mâu geh bunuyh tâp ôh. Yorlah Gâp mra ƀư nau ƀai khân păng nkhŭt tay ta klơ bôk khân păng.

Yêrêmi 17:27

Ƀiălah tơlah khân may mâu tông ôh bâr Gâp gay gĭt prăp êng ma nar saƀat jêng kloh ueh, jêh ri nar saƀat hôm tung mbăk hăn lăp mpông ƀon Yêrusalem, pôri gâp mra sŭnh ŭnh ta mpông ƀon, ŭnh nây mra su rai lĕ ngih hađăch ƀon Yêrusalem, mâu geh nơm dơi buh nhhât ôh.’”

Yêrêmi 17:4

May mra ƀư roh êng Drăp ndơn Gâp ăn jêh. Gâp mra nhŭp may pah kan ma phung rlăng đah may Tâm du n'gor may ê hŏ mâp gĭt; Yorlah may hŏ sŭnh ŭnh hao ji nuih ma Gâp, Pôri păng mra su hit mro mrăng.”

Yêrêmi 18:23

Ƀiălah Brah Yêhôva ơi, May nơm hŏ gĭt Lĕ nau nchră khân păng hŏ ndâk jêh gay nkhĭt gâp. Lơi ta yô̆ an ôh ma nau mhĭk khân păng, Lơi jut ôh nau tih khân păng bơh măt May. Ƀiălah ăn khân păng chêh prah tanăp măt May; Ăn tâm rmal khân păng tâm dôl May ji nuih.

Yêrêmi 21:12

Hơi ngih Y-Đavit! Brah Yêhôva lah: Ăp ôi ƀư hom nau sŏng srăng, Rklaih hom bunuyh bu tŭn jot tă bơh ti nơm tŭn jot, Klach lah yor khân may ƀư nau mhĭk, Ma nau Gâp ji nuih hit nâm bu ŭnh.’ Mâu geh nơm dơi nhhât ôh.

Yêrêmi 42:18

N'hêl nanê̆ yơh, Brah Yêhôva ma phung tahan, Brah Ndu Israel, lah: ‘Nâm bu Gâp hŏ nkhŭt jêh nau nuih jêh ri nau ji nuih ma phung gŭ tâm ƀon Yêrusalem, lah khân may hăn rlet ma bri Êjipt, Gâp mra nkhŭt nau ji nuih Gâp ma khân may tâm ban lĕ. Khân may mra jêng ndơ bu suai rak jêh ri nau klach krit, nau rak rtăp jêh ri nau bêk prêng. Khân ay may mâu mra hôm saơ ntŭk aơ đŏng ôh.’

Yêrêmi 44:6

Yor nây, Gâp nkhŭt nau ji nuih jêh ri ji nuih ngăn jŭr su lĕ rngôch ƀon bri Yuđa jêh ri tâm lĕ trong toyh ƀon Yêrusalem, ƀư ma khân păng jêng ntŭk rngot njăp rjăp, roh rai.

Yêrêmi 6:11

Yor nây, nuih n'hâm gâp prăp bêng ma nau ji nuih Brah Yêhôva, Gâp mâu dơi ât rklăk ôh. “Nkhŭt hom nau ji nuih nây ta klơ phung kon se ta trong sâng, Ta klơ phung ndăm dôl tâm rgum; Lĕ rngôch ur nđâp ma sai, Bu ranh jêh ri bunuyh âk năm bu mra nhŭp da dê.

Yêrêmi 6:12

Ngih vâl, lŏ sre ndrel ma ur kon khân păng Mra jao tâm ti phung êng; Yorlah Gâp mra yơr ti Tâm rdâng đah ƀon lan ta neh nây,” Brah Yêhôva lah pônây.

Yêrêmi 8:13

Brah Yêhôva lah: “Gâp ŭch rgum khân păng jêh ri ƀư rai lĕ khân păng, Mâu mra hôm play krăk ƀâu ta klơ tơm krăk ƀâu, Mâu hôm play rvi ta klơ tơm rvi; N'ha mra kro klêu; Moh ndơ Gâp hŏ ăn ma khân păng bu mra sŏk lơi.”

Nau Nhĭm Vơl 4:11

Brah Yêhôva hŏ ƀư jêh djoh nuih, Nkhŭt nau Păng ji nuih; Păng sŭnh ŭnh ta ƀon Siôn, Ŭnh sa lĕ rngôch mbon păng.

Êsêkiêl 22:22

Nâm bu prăk lêk tâm ŭnh năk tâm ban nây lĕ khân may mra lêk ta nklang ƀon nây jêh ri khân may mra gĭt Gâp, Brah Yêhôva, hŏ nkhŭt jêh nau Gâp ji nuih ta khân may.’”

Êsêkiêl 7:12

Mông hŏ tât jêh, nar lĕ dăch jêh! Nơm rvăt lơi ta răm, nơm tăch lơi ta rngot ôh, yorlah nau ji nuih dôl gŭ ma lĕ rngôch phung âk.

Êsêkiêl 7:14

Nŭng hŏ uh, lĕ rngôch nau ndrăp da dê ƀiălah mâu geh nơm hăn ma nau tâm lơh yorlah nau Gâp ji nuih gŭ ta lĕ rngôch phung âk.

Daniel 9:11

Lĕ rngôch phung Israel ƀư tih da dê nau vay May, rle ndŭr kơi, mâu ŭch tông bâr May ôh. Yorlah pônây, lĕ nau rtăp rak jêh ri nau ton nchih tâm nau vay Y-Môis, oh mon Brah Ndu, hŏ nkhŭt jêh ta klơ hên yorlah hên ƀư tih jêh đah May.

Kan Lêvi 26:28

pôri Gâp mra ji nuih gay tâm rdâng đah khân may, jêh ri Gâp mra rmal khân may pơh tơ̆ âk lơn yor nau tih khân may.

Nahum 1:6

Mbu nơm dơi dâk tanăp nau Păng ji nuih? Mbu nơm dơi srôih dơn nau Păng duh nuih? Nau Păng ji nuih nkhŭt nâm bu ŭnh sa, Lĕ lŭ toyh mra chah yor tă bơh Păng.

Sôphôni 1:2

Brah Yêhôva lah: “Gâp mra pih kloh lĕ rngôch ndơ tă bơh klơ neh ntu.

Sôphôni 1:3

Gâp mra pih kloh lĕ kon bunuyh jêh ri mpô mpa, Gâp mra pih kloh lĕ sĭm klơ trôk jêh ri ka tâm dak mƀŭt; Gâp mra ƀư ma phung mhĭk chêh prah, Jêh ri ƀư rai lơi phung bunuyh bơh neh ntu.” Brah Yêhôva lah pônây.

Sakari 7:12

Khân păng ƀư ăn nuih n'hâm jêng dăng nâm bu lŭ diamôn, gay mâu tăng nau vay jêh ri lĕ nau ngơi Brah Yêhôva ma phung tahan hŏ njuăl jêh ma Huêng Brah Păng ăn ma phung nơm mbơh lor kăl e ri. Yor nây Brah Yêhôva ma phung tahan geh nau ji nuih toyh ngăn.

Malachi 4:1

Brah Yêhôva ma phung tahan lah: “Nĕ, nar nây dăch tât, mra hĭt nâm bu ŭnh năk. Lĕ rngôch phung sưr, lĕ rngôch phung djơh mhĭk mra jêng nâm bu rhe. Nar nây tât mra su khân păng, mâu hôm om ôh ma khân păng reh mâu lah n'gĭng.

Mathay 3:12

Păng djôt dông nsiăng kloh plên ba Păng nơm, jêh nây rgum ba tâm jay; bi njŏk rhe su lơi tâm ŭnh mâu blau nhhât.”

Nau Tâm Mpơl 14:10

bunuyh nây mra nhêt ndrănh nau ji nuih mâu pot lai tă bơh Brah Ndu kêt tâm kachok nau Păng ji nuih, păng mra dơn nau nđêh nji tâm ŭnh jêh ri mô ŭnh tanăp phung tông mpăr kloh jêh ri tanăp Kon Biăp.