Yêrêmi 7:11 - Nau Brah Ndu Ngơi 2023

¹¹ Pônây, khân may uănh ma ngih aơ, ntŭk dơi ntơ ma amoh Gâp, jêng trôm phung ntŭng lĕ? Aơ, Gâp nơm yơh, Gâp hŏ uănh saơ lĕ rngôch.’ Brah Yêhôva lah pô aơ.

Yêrêmi 7:11 Iomraidhean Croise

II Nau Rêh Jêng 6:33

dăn ma May gŭ ta klơ trôk, jêng ntŭk gŭ May, rkêng tôr iăt jêh ri ƀư tĭng nâm lĕ rngôch nau bu năch nây kuăl mbơh sơm ma May, gay ma lĕ rngôch phung bunuyh ƀon lan ta neh ntu dơi gĭt năl amoh May, klach yơk ma May nâm bu phung ƀon lan Israel jêng phung ƀon lan May, jêh ri dơi gĭt năl ngih brah aơ gâp ndâk jêh, bu ntơ tâm amoh May.

Êsai 1:12

Lah khân may văch tanăp Gâp, Mbu nơm dăn nau aơ bơh ti khân may, Gay ma khân may jot ndring ngih Gâp?

Êsai 56:7

Pôri Gâp mra djôt khân păng leo ta yôk kloh ueh Gâp, Jêh ri ăn khân păng răm maak tâm ngih Gâp mbơh sơm. Khân păng nhhơr ndơ ƀư brah gŭch jêh ri mpa ƀư brah ta nơng ƀư brah Gâp Mra dơi dơn; Yorlah ngih Gâp bu mra kuăl jêng ngih mbơh sơm Ma lĕ rngôch mpôl băl bunuyh.

Yêrêmi 2:34

Ta klơ ntôr ao may Ăt krêp mham phung o ach mâu geh nau tih, Nđâp lah may mâu nhŭp ban khân păng lôk mpêr, Ƀiălah may ƀư lĕ rngôch.

Yêrêmi 23:24

Brah Yêhôva lah: “Mbu dơi nde krap păng nơm tâm ntŭk ndâp gay Gâp mâu dơi saơ lĕ?” Brah Yêhôva lah đŏng: “Mâu di hĕ Gâp mpơl ăp ntŭk, ăp lĕ ndâr trôk jêh ri neh ntu hĕ?

Yêrêmi 29:23

Yorlah khân păng hŏ ƀư jêh nau rluk tâm bri Israel, hŏ ƀư nau văng tĭr đah ur phung chiau meng, jêh ri hŏ tâm amoh Gâp ngơi ma lĕ nau mƀruh nau Gâp mâu mâp ntĭnh ôh. Gâp yơh jêng Nơm gĭt rah vah nau nây jêh ri mbơh nkoch ma nau nây.” Brah Yêhôva lah pônây.

Yêrêmi 7:10

Mâm khân may hăn lăp ngih aơ, jêng ntŭk bu ntơ ma amoh Gâp, dâk tanăp Gâp jêh ri lah: “Hên hŏ dơi rklaih jêh!” Khân may ƀư pônây gay ƀư tih tay đŏng lĕ ntil nau tâm rmot nây.

Êsêkiêl 35:13

Phung khân may hŏ sŏk bâr mbung ngơi n'hao êng săk nơm jêh gay tâm rdâng đah Gâp jêh ri ngơi nau mhĭk ma Gâp. N'hêl nanê̆ Gâp, lĕ tăng jêh nau nây!’

Daniel 9:18

Ơ Brah Ndu gâp, rkêng tôr iăt hom, ăn lin măt uănh ma nau hên jêng rngot njăp jêh ri ƀon toyh bu kuăl ma amoh May! Hên mâu vơl dăn ma May nsing yor nau sŏng srăng hên nơm, ƀiălah yor nau yô̆ May mâu blau lôch.

Mathay 21:13

Păng lah ma khân păng: “Geh nau nchih jêh: ‘Ngih Gâp mra kuăl jêng ngih mbơh sơm’, Ƀiălah khân may plăch ntŭk nây jêng trôm nau tâm ntŭng.”

Markôs 11:17

Jêh nây Păng ntĭm nti ma khân păng: “Mâu di ƀơh, geh nau nchih jêh pô aơ: ‘Ngih Gâp bu mra kuăl jêng ngih mbơh sơm ma lĕ rngôch mpôl băl bunuyh’? Ƀiălah khân may njêng ntŭk nây jêng trôm nau ntŭng.”

Yôhan 2:16

Brah Yêsu lah ma phung bunuyh tăch plŭk pô aơ: “Mƀăr lơi hom lĕ ndơ aơ bơh aơ, lơi ƀư ngih Mbơ̆ Gâp jêng ngih tăch drăp.”

ហេឞ្រើ 4:13

Mâu geh du ntil ndơ rhăk njêng jêh dơi gŭ ndâp tanăp măt Kôranh Brah, ƀiălah lĕ rngôch ndơ gŭ săk hưl da dê jêh ri tâm mpơl jêh tra năp măt Nơm he mra mbơh nkoch rah vah.